मर्कूस 1:45 - परमेश्‍वरए ताँ तमु क्युइर

⁴⁵ दिलेया च म्‍हि ह्‍यासि येशूजी खी सल् लमिंबै ताँ म्हिमैंने बिप्रइ। छतमा येशू म्हिमैंइ म्रोंन्ले नाँसजरे प्रल् आयों, छतसि खी खाबै आरेबै क्ल्ह्‍योजरे टिइ। दिलेया खन्तोदोंउँइँले म्‍हिमैं येशूलाइ म्‍हैदै चर खइ।

मर्कूस 1:45 ပူးပေါင်းရင်းမြစ်များ

भजनमैं 77:11

दिलेया याहवेहजी लबै केमैं ङ मैंब्मुँ; क्ह्रोंसेंन्ले क्हिजी ओंसों ओंनोंन् लबै औदिबै केमैं ङ मैंब्मुँ।

मत्ती 28:15

छबिमा सिपाइमैंइ मुइ किंसि चमैंइ बिब् धोंले लइ। छतसि तिंयाँ समा या यहूदीमैंइ चु ताँन् बिप्ररिइमुँ।

मत्ती 9:26

झाइले येशूजी लबै औदिबै केए बारेर च ह्‍युल तिगोंन् थेनेइ।

मत्ती 9:31

दिलेया चमैं ह्‍यासि खीजी लबै औदिबै केमैंए बारेर च ह्‍युल तिगोंन् बिप्रइ।

मर्कूस 2:13

येशू धबै तालए छ्योगर ह्‍यामा म्हिए हुल खी ङाँर खइ। धै खीजी चमैंलाइ परमेश्‍वरए ताँ लोमिंइ।

मर्कूस 3:20

च लिउँइँ येशू धिंर ह्‍यामा चर म्हिए हुल खागु तखइ। छतमा येशू नेरो खीए चेलामैंइ चब् चलै आयों।

मर्कूस 3:7

च लिउँइँ येशू ह्रोंसए चेलामैंने तालउँइँ ह्‍यामा चर म्हिए हुल येशूए लिलि खइ। गालील ह्‍युलउँइँले, यहूदीया ह्‍युलउँइँले,

मर्कूस 7:36

झाइले येशूजी च म्‍हिमैंने, “चु ताँ खाब्ने या आबिद्!” बिइ। खीजी खाब्ने या आबिद् बिलेया, चमैं झन् सैं तोंदै ल्‍हें बिप्रमल।

यूहन्‍ना 6:2

झाइले ल्हें म्हि खीए लिलि खइ, तलेबिस्याँ खीजी नबै म्हिमैं सल् लमिंबै औदिबै चिनुमैं चमैंइ ओंसोंन् म्रोंल।

तीतस 1:10

तलेबिस्याँ ल्‍हें म्‍हिमैं आगुए न्होंर टिदा आङ्हाँब, केर आफेबै ताँमैं ल्हें लब धै स्योर तेब्मैं तम्। चु छाबै केमैं ज्युर चिनु लब्मैंइ झन् ल्हें लम्।