मर्कूस 1:41 - परमेश्‍वरए ताँ तमु क्युइर

⁴¹ चए ताँ थेसि येशूजी ल्‍हयो खसि खीए योजी च म्हिलाइ छुइसि “ङइ क्हि सयारिगे ङ्हाँइमुँ क्हि सयाद्,” बिइ।

मर्कूस 1:41 ပူးပေါင်းရင်းမြစ်များ

उत्पत्ति 1:3

झाइले परमेश्‍वरजी “मि म्रोंयाँरिगे” बिमा मि म्रोंयाँइ।

भजनमैं 33:9

तलेबिस्याँ खीजी बचन पोंसि तोन्दोंरि सैमैं लमिंइ; खीजी तयाद् बिमा ताँन् सै तयाइ।

मत्ती 9:36

छले प्रमा म्‍हिए हुल म्रोंसि येशूए सैंर ल्‍हयो खइ। तलेबिस्याँ चमैं प्‍ह्रोंछैं आरेबै क्‍युमैं धोंले आशा आयोंसि प्ररिब् म्रोंइ।

मर्कूस 1:40

झाइले कोर खबै म्‍हि घ्रि येशू ङाँर खसि च्‍हि तुँसि “ङलाइ सल् लमिंदा ङ्हाँस्याँ क्‍हिजी चु नबउँइँले ङ सल् लमिंल् खाँम् बिसि यो छ्युँ लइ।”

मर्कूस 1:42

येशूजी छ बिबै तोंदोंन् च म्‍हि सयाइ।

मर्कूस 4:39

येशू रेसि नाँ-खैं हौदिसि तालए भेल्‍गने “च्याँ तयाद्!” बिबै तोदोंन् नाँ-खैं टियाइ।

मर्कूस 5:41

झाइले कोलोए यो क्‍हासि खीजी बिइ, “तालिता कूमि!” छ बिब, “ओ नानि, ङइ क्‍हिने बिमुँ, रेद्!” बिब् ग।

मर्कूस 6:34

येशू तालए छेउर फेसि डुँङ्गाउँइँले त्‍होंमा ल्हें म्हि म्रोंइ। चमैं म्रोंसि खीए सैंर ल्‍हयो खइ तलेबिस्याँ चमैं प्ह्रोंछैं आरेबै क्‍युमैं धोंन् तरिल। छतसि येशूजी चमैंलाइ ल्‍हें ताँमैं लोमिंबर होंइ।

हिब्रू 1:3

परमेश्‍वरए ह्‍वे खीए च्हनेन् चारमुँ, परमेश्‍वर खैब मुँ खी या छाबन् मुँ। धै मु नेरो पृथ्‍बी खीए शक्‍ति मुँबै बचनइ धाँदिइमुँ। म्‍हिमैंए पाप त्होमिंबै के लल् खाँसि खी ताँन् भन्दा थेबै शक्‍ति मुँबै परमेश्‍वरए क्‍योलोउँइँ नुबै क्ल्ह्‍योर टिइमुँ।

हिब्रू 2:17

छतसि ताँन् सैर खी ह्रोंसए अलिमैं धोंबन् तल् त्हुइ, धै म्‍हिमैंए पाप त्होमिंसि क्षमा लबै ल्हागिर परमेश्‍वरए सेवा लबै ल्हागिर खी बिश्‍वास मुँब नेरो ल्हयो मुँबै ख्रो पिंबै खेगि क्रथे तइ।

हिब्रू 4:15

ङ्योए ल्हागिर ख्रो पिंबै खेगि क्रथेजी ङ्योए दुःखर ल्होल् खाँम्। तलेबिस्याँ ङो चुसि ङ्योलाइ पापर च्होवाब् धोंले खीलाज्यै या पापर च्होवाबै ल्हागिर तोन्‍दोंरि सैर ङो चुल, दिलेया खैबै ङोज्यै या खीलाइ पापर च्होवाल् आखाँ।