मर्कूस 1:35 - परमेश्‍वरए ताँ तमु क्युइर

³⁵ न्‍हाँगर मि म्रोंब् भन्दा ओंसोंन् येशू रेसि बैरु खाबै आरेबै क्‍ल्‍ह्‍योर ह्‍यासि प्राथना लइ।

मर्कूस 1:35 ပူးပေါင်းရင်းမြစ်များ

भजनमैं 109:4

ङइ चमैंए फिर म्हाँया ललेया चमैंइ ङलाइ छ्याब् ल्हैदिम्, दिलेया ङ बिस्याँ चमैंए ल्हागिर प्राथना लरिम्।

भजनमैं 5:3

ओ याहवेह, न्हाँगर्न क्हिजी ङए कै थेम्; ङइ न्हाँग फोर्न क्हिने प्राथना लसि क्हि ङाँइँले योंबै ज्वाफ ह्रेरिम्।

मत्ती 14:13

छले यूहन्‍ना सैवाइ बिबै ताँ थेबै लिउँइँ येशू खी घ्रिन् डुँङ्गार क्रेसि खाबै आरेबै क्‍ल्‍ह्‍योर ह्‍याइ। येशू ह्‍याइ रो बिब् थेसि नाँसउँइँले म्‍हिए हुल प्हलेइ प्रसि खीए लिलि ल्‍हैदिइ।

मत्ती 14:23

चमैं कुलल् खाँबै लिउँइँ येशू खी घ्रिन् कोंर प्राथना लबर ह्‍याइ। ङेसा तयालेया खी घ्रिन् कोंर्न मुँल।

मर्कूस 1:36

छतमा सिमोन नेरो चने मुँबै म्‍हिमैंइ येशू म्‍हैदै ह्‍याइ,

लूका 5:16

दिलेया येशू म्हिइ आम्रोंबै क्‍ल्‍ह्‍योउँइँ ह्‍यासि परमेश्‍वरने प्राथना लब्‍ब्रें लमल।

लूका 6:12

च त्‍हेजरे येशू कोंर ह्‍यासि म्‍हुँइँसतिमि परमेश्‍वरने प्राथना लसि म्हुँइँस थोइ।

यूहन्‍ना 4:34

येशूजी चमैंने बिइ, “ङलाइ कुल्मिंबै परमेश्‍वर आबाजी बिब् ङिंब नेरो खीजी पिंबै के खाँन् लबन् ङए चबै सै ग।

यूहन्‍ना 6:15

चमैंइ खैच्हिजिले बोसि म्रुँ लबर होंइमुँ बिब् सेसि यशू खी घ्रिन् धबै कोंउँइँ ह्‍याइ।

एफिसी 6:18

च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

फिलिप्पी 2:5

क्हेमैंए सैं येशू ख्रीष्‍टए सैं धों तब प्ह्‍याद्।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।