मर्कूस 1:34 - परमेश्‍वरए ताँ तमु क्युइर

³⁴ झाइले येशूजी ल्हें खालर्बै नबै म्‍हिमैं सल् लमिंइ, धै ल्‍हें म्हिमैंउँइँले मोंमैं या ल्‍हामिंइ। खी खाब् जा बिब मोंमैंइ सेमल, छतसि खीजी चमैं तोइ पोंल आपिं।

मर्कूस 1:34 ပူးပေါင်းရင်းမြစ်များ

मत्ती 4:23

येशू गालील ह्‍युल तिगोंन् स्‍युरदै चमैंए च्हों धिंजरेबै म्हिमैंने परमेश्‍वरए ताँमैं लोमिंदै स्‍वर्गर्बै ग्याल्सए बारेर सैं तोंबै ताँमैं बिप्रमल। धै ताँन् खालर्बै नब् छब्मैं नेरो मोंइ स्याबै म्‍हिमैं या सल् लमिंमल।

मत्ती 4:24

छले सिरिया ह्‍युल तिगोंन् येशूजी लबै औदिबै केमैंए बयन थेनेइ। छतमा म्‍हिमैंइ ननाओलिबै नब्‍मैं, मोंइ स्‍याब्‍मैं, र बेथाइ स्याब्‍मैं, स्याले बेथाइ स्याब्‍मैं ताँन् म्हिमैंइ खी ङाँर पखइ, धै खीजी चमैं ताँन् सल् लमिंमल।

मर्कूस 1:25

येशूजी च मोंने हौदिसि बिइ, “च म्‍हिउँइँले तोइ आबिल्‍ले त्‍होंह्‍याद्!”

मर्कूस 3:12

दिलेया येशूजी च मोंमैंने हौदिसि “ङ खाब् जा बिसि क्हेमैंइ खाबलाज्यै आबिद्,” बिइ।

लूका 4:41

ल्हें म्हिउँइँले मोंमैं थेबै कैले “क्‍हि परमेश्‍वरए च्‍ह ग,” बिदै त्होंयाइ। दिलेया खीजी हौदिसि चमैं पोंल् आपिं। तलेबिस्याँ “येशू परमेश्‍वरजी कुल्‍मिंबै म्रुँ ख्रीष्‍ट ग!” बिसि च मोंमैंइ सेमल।