मर्कूस 1:32 - परमेश्‍वरए ताँ तमु क्युइर

³² त्हिंयाँ लियाबै लिउँइँ म्हिमैंइ येशू ङाँर नब् छब्मैं नेरो मोंइ स्‍याब्मैं ताँन् पखइ।

मर्कूस 1:32 ပူးပေါင်းရင်းမြစ်များ

मत्ती 4:24

छले सिरिया ह्‍युल तिगोंन् येशूजी लबै औदिबै केमैंए बयन थेनेइ। छतमा म्‍हिमैंइ ननाओलिबै नब्‍मैं, मोंइ स्‍याब्‍मैं, र बेथाइ स्याब्‍मैं, स्याले बेथाइ स्याब्‍मैं ताँन् म्हिमैंइ खी ङाँर पखइ, धै खीजी चमैं ताँन् सल् लमिंमल।

मत्ती 8:16

ङेसा तबै त्हेर म्‍हिमैंइ मोंइ स्‍याबै ल्‍हें म्‍हिमैं येशू ङाँर पखइ। धै खीजी परमेश्‍वरए ताँ पोंसिन् मोंमैं ल्‍हावाइ। छले चर्बै ताँन् नब्मैं सल् लमिंइ।

मत्ती 8:17

यशैया अगमबक्‍ताइ स्‍योंमन् छले बिल, “ङ्योए बेथामैं खीजीन् बोमिंइ, झाइले ङ्योए नब् छब्मैं ताँन् खीजीन् नोमिंइ।” येशैयाइ स्योंमन् बिबै ताँ पूरा तबर येशूजी छाबै सल् लबै के लइ।

मर्कूस 1:21

झाइले खेंमैं कफर्नहुम बिबै नाँसर ह्‍याइ। चर फेनेबै तोदोंन् शनिबार प्रिबै त्हिंइर येशू च्हों धिंर ह्‍यासि म्हिमैं लोमिंबर होंइ।

मर्कूस 1:31

येशू च नबै म्हि मुँबै क्‍ल्‍ह्‍योर ह्‍यासि चए यो क्‍हासि रेमिंइ। च तोदोंन् चए जर सयाइ। धै चइ खेंमैंए ल्हागिर चब् लबर होंइ।

मर्कूस 3:2

“के लल् आतबै प्रिबै त्हिंइरै येशूजी च म्‍हि सल् लमिंम् उ?” बिसि छ्याब् ल्‍हैदिबै सैंले को-कोइ म्हिमैं येशूए छैं लरिल।

लूका 4:40

त्‍हिंयाँ लिबि छेमा च जरेबै ल्हें खालर्बै नब्‍मैं म्हिमैंइ येशू ङाँर पखइ। धै खीजी घ्रि-घ्रिए फिर ह्रोंसए यो थेंसि चमैं ताँन् सल् लमिंइ।

लूका 4:41

ल्हें म्हिउँइँले मोंमैं थेबै कैले “क्‍हि परमेश्‍वरए च्‍ह ग,” बिदै त्होंयाइ। दिलेया खीजी हौदिसि चमैं पोंल् आपिं। तलेबिस्याँ “येशू परमेश्‍वरजी कुल्‍मिंबै म्रुँ ख्रीष्‍ट ग!” बिसि च मोंमैंइ सेमल।