मत्ती 9:6 - परमेश्‍वरए ताँ तमु क्युइर

⁶ दिलेया चु पृथ्‍बीरि पाप क्षमा पिंबै हग ङ परमेश्‍वरउँइँले कुल्‍मिंबै म्हिए च्हने मुँ बिसि क्हेमैंइ सेद्।” च्हौ बिसि खीजी च स्याले म्हिने “रेद्, क्हिए क्‍ल्‍ह्‍यो नोसि धिंर ह्‍याद्,” बिइ।

मत्ती 9:6 ပူးပေါင်းရင်းမြစ်များ

मत्ती 4:24

छले सिरिया ह्‍युल तिगोंन् येशूजी लबै औदिबै केमैंए बयन थेनेइ। छतमा म्‍हिमैंइ ननाओलिबै नब्‍मैं, मोंइ स्‍याब्‍मैं, र बेथाइ स्याब्‍मैं, स्याले बेथाइ स्याब्‍मैं ताँन् म्हिमैंइ खी ङाँर पखइ, धै खीजी चमैं ताँन् सल् लमिंमल।

मत्ती 8:20

छबिमा येशूजी चने बिइ, “स्‍येलमैंला टिबै रो मुँ, नमेमैंला च्‍हों मुँ, दिलेया ‘म्हिए च्हलम्’ क्र क्ह्‍युबै क्‍ल्‍ह्‍यो या आरे।”

मत्ती 9:2

चर म्हिमैंइ स्याले तसि नबै म्हि घ्रि खाटनेन् बालु नोसि खी ङाँर पखइ। च म्‍हिमैंइ खीए फिर च्हौ थेबै बिश्‍वास लब् म्रोंसि येशूजी च स्याले म्‍हिने बिइ, “ओ बाबु, सैं थेब् लद्। क्‍हिए पाप क्षमा तइ।”

मत्ती 9:5

चु ओलेल् आखाँबै म्‍हिने ‘क्हिए पाप क्षमा तइ’ बिब सजिल् मुँ उ ‘रेसि प्रद्’ बिब सजिल् मुँ?

मत्ती 9:7

छ बिबै तोदोंन् च म्‍हि रेसि ह्रोंसए धिंउँइँ ह्‍याइ।

मर्कूस 2:10

दिलेया चु पृथ्‍बीरि पाप क्षमा पिंबै हग ङ परमेश्‍वरउँइँले कुल्‍मिंबै म्हिए च्हने मुँ बिसि क्हेमैंइ सेद्।” च्हौ बिसि खीजी च स्याले म्हिने बिइ,

मर्कूस 2:7

“चु म्हि तले छले पोंगे? चुइमि परमेश्‍वरए क्ल्ह्‍योर खी तसि ग पोंरिइमुँ! परमेश्‍वरजी बाहेक् अरू खाबज्यै म्हिए पाप क्षमा लल् खाँम्‍मा?”

लूका 5:21

चु ताँ थेसि फरिसीमैं नेरो शास्‍त्रिमैंइ ह्रों-ह्रोंसन् “परमेश्‍वर म्‍हि आच्‍हिल्‍ले पोंब चु खाब् जा? परमेश्‍वरजी मत्‍त्रे पापए क्षमा पिंल् खाँम् आङिं वा? बिबर होंइ।”

यूहन्‍ना 10:28

ङइ चमैंलाइ खोंयोंइ आखाँबै छ्ह पिंमुँ, झाइले चमैं खोंयोंइ या नास आत। धै ङए योउँइँले खाबज्यै चमैं प्हेंसि बोल् खाँरिब् आरे।

यूहन्‍ना 17:2

खीने पिंबै ताँन् म्हिमैंलाइ खीजी खोंयोंइ आखाँबै छ्ह पिंरिगे बिसि क्‍हिजी खीलाइ ताँन् म्हिमैंए फिर हग पिंइँमुँ।

यूहन्‍ना 5:27

झाइले निसाफ लसि फैसला लबै हग येशूलाइ पिंइँमुँ, तलेबिस्याँ खी म्हिए च्ह ग।

यूहन्‍ना 5:8

येशूजी चने बिइ, “रेदु धै ह्रोंसए क्‍ल्‍ह्‍यो नोसि प्रयाद्।”

चेला चिब्मैंए केमैं 5:31

इस्राएलीमैंइ परमेश्‍वरउँइँ सैं एसि पाप क्षमा योंरिगे बिसि परमेश्‍वरजी येशूलाइ म्रुँ नेरो जोगेमिंबै म्हि लमिंसि ह्रोंसए क्योलोउँइँ धाँसे नुल्‍ले थेंमिंइ।

चेला चिब्मैंए केमैं 9:34

पत्रुसइ चने बिइ, “ओ एनियास! येशू ख्रीष्‍टजी क्‍हि सल् लमिंम्। रेसि क्हिए क्‍ल्ह्‍यो त्युइद्।” छ बिबै तोंदोंन् च रेयाइ।

२ कोरिन्थी 2:10

क्‍हेमैंइ खाबलाइ क्षमा पिंमुँ ङज्‍यैया चलाइ क्षमा पिंम्। तलेबिस्याँ ङइ खाबलाज्यै क्षमा पिंइमुँ बिस्‍याँ क्‍हेमैं क्ह्रिरिगे बिसि ख्रीष्‍ट येशूए उँइँर क्षमा पिंइमुँ।

२ कोरिन्थी 5:20

छतसि ङि येशू ख्रीष्‍टउँइँले खबै सैं तोंबै ताँ बिप्रब्‍मैं ग। ख्रीष्‍टए मिंर ङिइ क्हेमैंने यो छ्युँ लमुँ। क्हेमैं खीने ख्रे लब् पिवासि खीने क्ह्रिद् बिसि परमेश्‍वर ङिउँइँलेन् तसि क्हेमैंने पोंइमुँ।

एफिसी 4:32

धै परमेश्‍वरजी ख्रीष्‍टर क्हेमैंलाइ क्षमा लब् धोंले क्हेमैंज्यै या घ्रिइ घ्रिलाइ क्षमा लसि घ्रिइ घ्रिए फिर सैं प्ल्हसि ल्हयो खद्।

कलस्सी 3:13

घ्रिइ तोइ लवास्याँ घ्रिज्यै या सैदिब्रें लद्, खाब् मुँले म्हिलाइ छ्याब् ल्हैदिबै ताँ तोइ मुँस्याँ घ्रिइ घ्रिलाइ क्षमा लब्रें लद्। क्‍हेमैंलाइ प्रभुजी क्षमा लमिंब् धोंलेन क्‍हेमैंज्‍यै या अरूलाइ क्षमा लमिंल् त्हुम्।