मत्ती 9:4 - परमेश्‍वरए ताँ तमु क्युइर

⁴ चमैंए सैंर्बै ताँ सेसि येशूजी चमैंने बिइ, “क्हेमैंए सैं न्होंर छाबै आछ्याँबै ताँमैं तले मैंल?

मत्ती 9:4 ပူးပေါင်းရင်းမြစ်များ

भजनमैं 139:2

ङ टिब नेरो राब क्हिजी सेइमुँ, ङए सैंर मैंबै ताँ क्हिजी ह्रेंगोउँइँलेन् क्होमुँ।

भजनमैं 44:21

खीजी चु आसेमल् रो वा? तलेबिस्याँ खीजी खों न्होंर्बै ताँमैं सेम्।

मत्ती 12:25

येशूजी चमैंए सैंर्बै ताँ था सेसि फरिसीमैंने बिइ, “ह्रों-ह्रोंसए न्होंर्न आक्ह्रिसि प्होंब्-नेब् लस्याँ च ह्‍युल नास त‍याब्‍मुँ। छलेन खाब् मुँले सहर अथवा धिं घ्रिर्बै परवामैं प्होंब् नेब् लस्याँ चमैं या नास तयाम्।”

मर्कूस 12:15

चमैंइ जाल लइमुँ बिब येशूजी सेसि चमैंने बिइ, “क्‍हेमैंइ तले ङलाइ ङो चुमुँ? मुइ घ्रि पसि ङने उँइँन्।”

मर्कूस 2:8

चमैंइ छाबै सैं मैंरिमुँ बिब येशूजी सेसि चमैंने बिइ, “क्‍हेमैंइ तले छाबै ताँ मैंरिल?

लूका 11:17

दिलेया येशूजी चमैंए सैंर्बै ताँ सेसि चमैंने बिइ, “ग्याल्स घ्रिर्बै म्‍हिमैं खें-खेंमैंए न्होंर्न आक्ह्रिस्‍याँ च ग्याल्स नास तयाम्। छलेन धिं घ्रिर्बै परवामैं आक्‍ह्रिस्‍याँ चमैं या नास त‍याम्।

लूका 5:22

दिलेया येशूजी चमैंए सैंर्बै ताँ था सेसि बिइ, “क्‍हेमैं ह्रोंसए सैंर तले छाबै ताँ मैंरिल?

लूका 6:8

दिलेया येशूजी चमैंए सैं न्‍होंर्बै ताँ क्‍होसि यो कार‍याबै म्हिने “रेसि चुर खो,” बिमा च म्हि रेसि राइ।

लूका 7:40

येशूजी फरिसीए सैंर्बै ताँ सेसि “ओ सिमोन क्‍हिने ताँ घ्रि बिल् त्‍हुइमुँ,” बिइ। सिमोनइ बिइ, “तो ताँ मुँ गुरु? बिद्।”

यूहन्‍ना 16:19

चमैंइ खीने चु ताँए बारेर ङ्योएबै सैं लसिन् मुँ बिब येशूजी था सेइ। छतसि खीजी बिइ, “‘तिस्‍याँदे लिउँइँ क्‍हेमैंइ ङ म्रोंरिब् आरे, झाइले तिस्याँदे लिउँइँ क्हेमैंइ ङ धबै म्रोंब्मुँ,’ बिबै अर्थ तो मुँगे बिसि क्हेमैंए न्होंर छलफल लरिल् वा?

यूहन्‍ना 16:30

क्हिजी तोन्दोंरि ताँ सेमना बिसि तारे ङिइ क्होइ। खाबज्यै या क्हिने ताँमैं ङ्योएल् आत्हु। छतसि क्हि परमेश्‍वर आबाउँइँले युब् ग बिसि ङिइ क्वेंइमुँ।”

यूहन्‍ना 21:17

येशूजी सोंखेबै लारै या चने “ओ यूहन्‍नाए च्ह सिमोन, क्हिइ ङलाइ म्हाँया लम्मा?” बिसि ङ्योएमा पत्रुसए सैं च्योंब तयाइ तलेबिस्याँ येशूजी सोंखेबै लारै या चने “क्हिइ ङलाइ म्हाँया लम्मा?” बिसि ङ्योएइ। छतसि चइ खीने बिइ, “प्रभु, क्हिजी तोन्दोंरि ताँ सेइमुँ। ङइ क्हिलाइ म्हाँया लम् बिसि क्हिजी सेइमुँ।” छबिमा येशूजी चने “ङए क्युमैं चल् पिंन्,” बिइ।

यूहन्‍ना 6:61

दिलेया चु ताँ थेमा खीए चेलामैंइ सैं आक्होसि ताँ लबर होंइ बिब था सेसि येशूजी चमैंने बिइ, “चु ताँ थेसि क्हेमैं ङए लिलि प्रब पिवाम्मा?

यूहन्‍ना 6:64

दिलेया क्‍हेमैंए न्‍होंरि कतिइ ङए ताँमैं आक्वें।” (खीए फिर बिश्‍वास आलब्मैं नेरो खीलाइ धोका पिंसि क्हाल् पिंबै म्हि येशूजी ओंसों ओंनोंन् ङो सेल।)

चेला चिब्मैंए केमैं 5:9

छबिमा पत्रुसइ चने बिइ, “प्रभुए प्ल्हए जाँच लबर क्‍हेमैं ङ्हिंना-ङ्हिंन् क्ह्रिसि खैले मत लल? ङ्‍ह्‍योद्! क्हिए प्युँ पाब्मैं म्रार्न मुँ। चमैंइ क्हि या बैरु बोयाब्मुँ।”

दर्शन 2:23

ङइ च च्हमिरिए लिलि प्रबै म्‍हिमैंलाइ सैवाब्‍मुँ। ङइ म्‍हिए सैंर्बै ताँमैं नेरो चमैंइ लबै केमैं था सेमना बिसि ताँन् बिश्‍वासीमैंइ च त्हेर था सेब्‍मुँ, छले क्‍हेमैंइ खैबै के लमुँ, छाबन् नों ङइ क्हेमैं घ्रि घ्रिलाइ पिंब्‍मुँ।