मत्ती 9:37 - परमेश्‍वरए ताँ तमु क्युइर

³⁷ छतमा खीजी ह्रोंसए चेलामैंने बिइ, “ङ्‌ह्‍योत्ति! रा-रोमैं ल्हेंन् मुँ, दिलेया रा-रोमैं खुबै म्रोंमैं बिस्‍याँ च्‍युगुदे मुँ।

मत्ती 9:37 ပူးပေါင်းရင်းမြစ်များ

भजनमैं 68:11

ल्हडें लबर ह्‍याद् बिसि याहवेहजी ताँ लइ। धै “म्रुँमैं नेरो चमैंए सिपाइमैं युनन् न्हेयाइ!” बिसि ल्हें च्हमिरिमैंइ ताँ लइ।

मत्ती 20:1

“स्‍वर्गर्बै ग्याल्स म्रोंए क्‍ल्‍हे घ्रि धोंन् तब् ग। च क्ल्हे न्‍हाँक्‍कर्न ह्रोंसए म्रोंर के लबै म्रोंमैं म्हैबर बैरु ह्‍याइ।

मत्ती 28:19

छतसि क्‍हेमैं ह्‍युलर्बै ताँन् ह्रेंमैं ङाँर ह्‍यासि चेलामैं लदु, धै परमेश्‍वर आबा, परमेश्‍वर च्‍ह नेरो पबित्र प्ल्हए मिंर क्‍युर प्‍ल्हुँमिंसि बप्‍तिस्‍मा पिंन्।

मत्ती 9:38

छतसि रा-रोमैं खुबै म्रोंमैं कुल्‍मिंन् बिसि रोमैंए क्‍ल्‍हेने प्राथना लद्।”

मर्कूस 16:15

झाइले येशूजी चमैंने बिइ, “ह्‍युल तिगोंन् ह्‍यासि ताँन् म्‍हिमैंने परमेश्‍वरउँइँले खबै सैं तोंबै ताँ बिमिंन्।

लूका 10:2

येशूजी चमैंने बिइ, “मिंबै रोमैं ल्हें मुँ, दिलेया रोमैं खुबै म्रोंमैं बिस्याँ च्युगुदे मुँ। छतसि ‘रा-रोमैं खुबर म्रोंमैं कुल्मिंन्,’ बिसि रोमैंए क्‍ल्‍हेने प्राथना लद्।

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

चेला चिब्मैंए केमैं 16:9

म्हुँइँसर पावलइ छाबै दर्शन घ्रि म्रोंइ: माकेडोनिया ह्‍युलर्बै म्हि घ्रि रासि “माकेडोनियार खसि ङि ल्होमिंन्!” बिसि यो छ्युँ लरिल।

चेला चिब्मैंए केमैं 18:10

“आङ्हिंन्! आपोंन्ले आटिद्, सैं तोंबै ताँ बिमिंदै ह्‍याद्। ङ क्हिने बालु मुँ। छतसि खाबज्यै या क्हि तोइ लल् आखाँ, तलेबिस्याँ चु सहरर ङला ल्हें म्हि मुँ।”

१ कोरिन्थी 3:9

ङि बालुन् परमेश्‍वरए के लब्मैं ग, क्‍हेमैं बिस्याँ छ्याँबै रोमैं रोमिंबै म्रों नेरो परमेश्‍वरए धिं ग।

२ कोरिन्थी 6:1

ङि परमेश्‍वरने बालु के लब्मैं तबइले क्‍हेमैंने यो छ्युँ लमुँ, क्‍हेमैंइ योंबै परमेश्‍वरए दयाम्हाँया छलेन् खेरो ह्‍याल् आपिंन्।

कलस्सी 4:11

झाइले युस्‍तस बिबै येशूज्‍यै या क्‍हेमैंने जय मसीह बिमिंइमुँ। प्रभुए फिर बिश्‍वास लबै यहूदीमैं न्‍होंर चुमैं सों मत्‍त्रेइ परमेश्‍वरए ग्याल्सर्बै ताँ बिप्रबै के ङने बालुन् लसेन्‍मुँ। चुमैंइ ङए सैं बेल्‍ले क्‍होल् लमिंइमुँ।

१ तिमोथी 5:17

बिश्‍वासीमैं छेनाले ल्होमिंबै एल्डरमैं, खासगरि परमेश्‍वरए ताँ बिमिंसि लोमिंबर भों लब्मैंइ दुःख सैदि डबल योंल् त्हुम्।

याकूब 5:4

म्रोंर के लबै म्रोंमैंलाइ पिंल् त्हुबै नों सै क्‍हेमैंइ आपिंइमुँ। च नों सैइ क्हेमैंए फिर छ्याब् ल्हैदिइमुँ। ताँन् भन्दा थेबै भों मुँबै परमेश्‍वरजी क्‍हेमैंए म्रोंमैंए सैं क्रोब थेल् खाँइमुँ।