35 येशू ताँन् सहरजरे नाँ-नाँसजरे स्युरसि चमैंए च्हों धिंजरे परमेश्वरए ग्याल्सर्बै सैं तोंबै ताँमैं म्हिमैंने बिमिंदै ताँन् खालर्बै नब् छब्मैं सल् लमिंदै प्रइ।
खीजी ह्रोंसए च्युसे ङ्हिं चेलामैं हुइसि मोंमैं ल्हाब नेरो ताँन् खालर्बै नब् छब्मैं सल् लमिंबै हग पिंइ।
येशूजी ह्रोंसए च्युसे ङ्हिं चेलामैंने लोदा सैंदा लल् खाँबै लिउँइँ चमैंए सहरजरे म्हिमैंलाइ लोमिंबर नेरो परमेश्वरउँइँले खबै सैं तोंबै ताँ बिबर ह्याइ।
कनमैंइ मि म्रोंइमुँ, डुँड्मैं प्रइमुँ, कोर खब्मैं सइमुँ, न्ह आथेब्मैंइ न्ह थेइमुँ, सियाब्मैं सोइमुँ धै ङ्हाँदुमैंने परमेश्वरउँइँले खबै सैं तोंबै ताँ बिमिंइमुँ।
हेरोद म्रुँइ बप्तिस्मा पिंबै यूहन्ना झेलर च्युवाबै लिउँइँ येशू गालील ह्युलर एह्यासि परमेश्वरउँइँले खबै सैं तोंबै ताँ बिमिंइ।
खी नाँसजरे ख-खनर ह्यामुँ च-चर्न म्हिमैंइ नबै म्हिमैं घ्याँ-घ्याँर्न पखसि थेंमिंमल, धै “क्हिए क्वेंए ङो मत्त्रे छुइल् पिंन्” बिसि नबै म्हिमैंइ येशूने यो छ्युँ लइ, धै येशूए क्वें छुइब्मैं ताँन् सयाइ।
चमैंइ खीए फिर बिश्वास आलब् म्रोंसि येशू प्लेटोयाइ। झाइले येशू च जरेबै नाँसजरे परमेश्वरए ताँ लोमिंदै प्रइ।
च लिउँइँ येशू सहर सहर नाँ-नाँसर ह्यासि म्हिमैंलाइ परमेश्वरए ताँमैं लोमिंदै यरूशलेमउँइँ ह्याइ।
परमेश्वरजी नासरतथें येशूलाइ पबित्र प्ल्ह नेरो शक्तिजी प्लिंमिंसि खीजी छ्याँबै केमैं लदै, दुष्टइ ह्रुगुदिब्मैं सल् लमिंदै प्रइ, तलेबिस्याँ परमेश्वर खीने बालु मुँल।
“ओ इस्राएलीमैं, चु ताँ थेद्, नासरतथें येशू परमेश्वरजी कुल्मिंबै म्हि मुँन बिब क्हेमैंइ सेरिगे नेरो क्होरिगे बिसि परमेश्वरजी येशूउँइँले शक्तिए केमैं, प्लेटोयाबै केमैं, नेरो चिनुमैं उँइँमिंसि क्हेमैंए म्हाँजोरि प्रमाण पिंल् खाँइमुँ। खीजी चु केमैं लब क्हेमैंइ सेइमुँ।