मत्ती 9:28 - परमेश्‍वरए ताँ तमु क्युइर

²⁸ खी धिं न्‍होंर होंबै लिउँइँ च कनमैं ङ्हिं येशू ङाँर्न खइ। धै येशूजी चमैंने “ङइ क्हेमैंए मि म्रोंल् लमिंल् खाँम् बिसि क्हेमैंइ क्वेंम्मा?” चमैंइ “ओं, गुरु, ङिइ क्वेंम्,” बिइ।

मत्ती 9:28 ပူးပေါင်းရင်းမြစ်များ

मत्ती 13:1

च त्हिंइर्न येशू धिंउँइँले त्‍होंसि तालए छेउर ह्‍यासि क्हुँरिमा।

मत्ती 13:36

झाइले खी चर्बै म्‍हिए हुल वाथेंसि धिंर ह्‍यामा खीए चेलामैं खी ङाँर खसि “ङिने म्रोंर्बै सम्रिंए अर्थ बिमिंन्,” बिइ।

मत्ती 13:58

चमैंइ आक्वेंबइले येशूजी च क्‍ल्‍ह्‍योरि औदिबै केमैं ल्‍हें आल।

मत्ती 8:14

च लिउँइँ येशू पत्रुसए धिंर ह्‍यामा पत्रुसए स्‍युमिं जर खसि रोरिब् म्रोंइ।

मत्ती 8:2

च त्हेर कोर खबै म्हि घ्रि येशू ङाँर खसि खीए ओंसों च्हि तुँसि बिइ, “ओ प्रभु, क्हिजी ङ सल् लमिंबै सैं मुँस्‍याँ ङ सल् लमिंल् खाँम्।”

मत्ती 9:22

येशूजी लिउँइँ तोसि ङ्‍ह्‍योमा च च्हमिरि म्रोंसि बिइ, “ओ च्हमि, आङ्हिंन्, क्हिए बिश्‍वासइ लमा क्हि सयाइमुँ।” छ बिबै तोंदोंन् च च्हमिरि सयाइ।

मत्ती 9:27

येशू च क्‍ल्‍ह्‍योउँइँले ह्‍यामा कनमैं ङ्हिंइ “ओ दाऊदए च्ह, ङिए फिर ल्हयो खमिंन्,” बिसि ओरदै येशूए लिलि ल्हैदिइ।

मत्ती 9:29

झाइले येशूजी चमैंए मि छुइसि बिइ, “छ बिस्‍याँ क्‍हेमैंइ क्वेंब् धोंलेन् क्हेमैंलाइ तरिगे।”

यूहन्‍ना 11:26

झाइले ङए फिर बिश्‍वास लसि सोब्मैं खोंयोंइ या सिरिब् आरे। क्हिइ चु ताँ क्वेंम्मा?”

यूहन्‍ना 11:40

येशूजी चने बिइ, “क्हिइ बिश्‍वास लस्याँ परमेश्‍वरए औदिबै के म्रोंब्‍मुँ बिसि ङइ क्हिने बिब् आङिं वा?”

चेला चिब्मैंए केमैं 14:9

पावलइ पोंरिमा चइ थेरिल। च ङाँइ ङ्‍ह्‍योमा “ङ सल् खाँम्” बिबै बिश्‍वास चने मुँन बिसि पावलइ सेइ।