मत्ती 9:24 - परमेश्‍वरए ताँ तमु क्युइर

²⁴ छाब म्रोंसि येशूजी चमैंने बिइ, “क्‍हेमैं ताँन् बैरु ह्‍याद्, चु कोलो आसिइमुँ, न्‍हरु च्‍हुइमुँ।” छबिमा चमैंइ आक्वेंसि येशूए बिल्‍लि लइ।

मत्ती 9:24 ပူးပေါင်းရင်းမြစ်များ

मर्कूस 5:40

दिलेया खीए ताँ थेसि चमैंइ बिल्‍लि लसि निस्युइ। छतसि येशूजी चर मुँब्मैं ताँन् बैरु कुलसि च कोलोए आबा-आमा नेरो खीने मुँबै चेलामैं सों बोसि कोलो मुँबै क्‍ल्‍ह्‍योर ह्‍याइ।

लूका 8:53

च कोलो सियाल् खाँइ बिब् सेसि चमैंइ येशूए बिल्‍लि लबर होंइ। तलेबिस्याँ च कोलो क्ह्रोंसेंनन् सियाल् खाँल।

यूहन्‍ना 11:4

च सँउँसर थेसि येशूजी बिइ, “चु नबइ च आसि। परमेश्‍वरए मिं थेब तरिगे धै परमेश्‍वरए च्हजी मान योंरिगे बिसि च नब् ग।”

चेला चिब्मैंए केमैं 20:10

छतमा पावल क्युरु तयुसि चए फिर पत्खु तसि अँगलो झोंसि “क्हेमैं आआतिद्। चु सोगोंन् मुँ!” बिइ।

चेला चिब्मैंए केमैं 9:40

झाइले पत्रुसइ चमैं ताँन् बैरु कुल्मिंसि च्हि तुँसि परमेश्‍वरने प्राथना लइ। धै च सिनु ङाँइ तोसि, “तबिता, रेद्!” बिमा चइ मि ङ्‍ह्‍योइ, झाइले पत्रुस म्रोंसि रेसि क्हुँइ।