मत्ती 9:22 - परमेश्‍वरए ताँ तमु क्युइर

²² येशूजी लिउँइँ तोसि ङ्‍ह्‍योमा च च्हमिरि म्रोंसि बिइ, “ओ च्हमि, आङ्हिंन्, क्हिए बिश्‍वासइ लमा क्हि सयाइमुँ।” छ बिबै तोंदोंन् च च्हमिरि सयाइ।

मत्ती 9:22 ပူးပေါင်းရင်းမြစ်များ

मत्ती 15:28

चए ताँ थेसि येशूजी चने बिइ, “ओ नानि, ङए फिर क्‍हिइ थेबै बिश्‍वास लना! छतसि क्‍हिए सैंर मैंब् धोंले क्हिए ल्हागिरि तरिगे।” खीजी छ बिबै तोदोंन् च च्हमिरिए च्हमि सयाइ।

मत्ती 17:18

झाइले येशूजी च मोंलाइ हौदिमा च मों कोलोउँइँले त्‍होंह्‍याइ। च तोदोंन् कोलो सयाइ।

मत्ती 8:13

झाइले येशूजी कप्‍तानने “ह्‍याद्! क्‍हिइ बिश्‍वास लब् धोंन् क्हिलाइ तब्मुँ।” बिबै तोदोंन् कप्‍तानए के लबै म्हि सयाइ।

मत्ती 9:2

चर म्हिमैंइ स्याले तसि नबै म्हि घ्रि खाटनेन् बालु नोसि खी ङाँर पखइ। च म्‍हिमैंइ खीए फिर च्हौ थेबै बिश्‍वास लब् म्रोंसि येशूजी च स्याले म्‍हिने बिइ, “ओ बाबु, सैं थेब् लद्। क्‍हिए पाप क्षमा तइ।”

मत्ती 9:29

झाइले येशूजी चमैंए मि छुइसि बिइ, “छ बिस्‍याँ क्‍हेमैंइ क्वेंब् धोंलेन् क्हेमैंलाइ तरिगे।”

मर्कूस 10:52

झाइले येशूजी चने बिइ, “ह्‍याद्! क्‍हिए बिश्‍वासइ क्हि सयाइमुँ।” छ बिबै तोदोंन् चए मि म्रोंल् खाँब् तसि येशूए लिलि प्रयाइ।

मर्कूस 5:34

झाइले येशूजी च च्हमिरिने बिइ, “ओ नानि, क्‍हिए बिश्‍वासइ क्‍हि सयाइमुँ। आङ्हिंनले ह्‍याद्, तारे क्हिए नब सयाइ।”

लूका 17:19

च लिउँइँ येशूजी च सामरियाथेंने बिइ, “रेदु, धै ह्रोंसए घ्याँ क्हाद्। क्‍हिए बिश्‍वासइ क्‍हि सइमुँ।”

लूका 18:42

येशूजी चने बिइ, “क्‍हिइ ङए फिर बिश्‍वास लबइले क्हिए मि म्रोंल् खाँब् तयाइमुँ।”

लूका 7:50

दिलेया येशूजी च च्हमिरिने बिइ, “क्‍हिए बिश्‍वासइ लमा क्‍हि जोगेएइमुँ, छिं ङ्हाँन्ले ह्‍याद्।”

लूका 8:48

येशूजी च च्हमिरिने बिइ, “ओ च्हमिच्‍यों, क्‍हिए बिश्‍वासइ लमा क्हि सयाइमुँ, छतसि छिं ङ्हाँन्ले ह्‍याद्।”

यूहन्‍ना 4:53

येशूजी च कर्मचारिने “क्‍हिए च्‍ह सोब्‍मुँ,” बिबै त्हे ओंनोंन् सयान बिब कर्मचारिइ था सेइ। छतमा च नेरो चए ताँन् परवाइ येशूए फिर बिश्‍वास लइ।

चेला चिब्मैंए केमैं 14:9

पावलइ पोंरिमा चइ थेरिल। च ङाँइ ङ्‍ह्‍योमा “ङ सल् खाँम्” बिबै बिश्‍वास चने मुँन बिसि पावलइ सेइ।

चेला चिब्मैंए केमैं 16:18

चइ ल्हें त्हिंइ समा छान् बिरिइ। छतमा पावल छोंरों ङ्हाँसि फनक्‍क तोसि च मोंने बिइ, “येशू ख्रीष्‍टए मिंर क्हि च च्हमिरि ङाँइले त्होंसि ह्‍याद्।” छ बिबै तोंदोंन् च मों त्होंह्‍याइ।

हिब्रू 4:2

मोशाइ मिश्र ह्‍युलउँइँले तेइ पखबै इस्राएलीमैंइ धोंले ङ्योज्‍यै या सैं तोंबै ताँ थेइमुँ। दिलेया चमैंइ सैं तोंबै ताँ थेलेया आक्वें छतसि चमैंलाइ तोइ फायदा आत।