मत्ती 9:21 - परमेश्‍वरए ताँ तमु क्युइर

²¹ तलेबिस्याँ चइ सैं न्‍होंनोंन् “ङइ येशूए क्‍वें मत्‍त्रे छुइल् योंलेया ङ सयाम्,” बिसि चइ मैंरिल।

मत्ती 9:21 ပူးပေါင်းရင်းမြစ်များ

मत्ती 14:36

चमैंइ खीए क्वेंए ङो छुइल् पिंन् बिसि येशूने यो छ्युँ लइ, धै येशूए क्‍वें छुइब्मैं ताँन् सयाइ।

मर्कूस 3:10

तलेबिस्याँ खीजी ल्‍हें नबै म्‍हिमैं सल् लमिंल, छतसि नब् छब्मैंइ येशूलाइ छुइबै ल्हागिर क्हि खगा ङ खगा लरिल।

लूका 6:19

ताँन् म्‍हिमैंइ येशूलाइ छुइल् म्‍हैमल, तलेबिस्याँ येशूउँइँले शक्‍ति त्होंरिल। छतमा चमैं ताँन् सल् लमल।

चेला चिब्मैंए केमैं 19:12

नबै म्हिमैं सरिगे बिसि को-कोइ म्हिमैंइ ह्रुमल नेरो पछ्यउरमैं या पावलए ज्युर छुइसि नबै म्हिमैं ङ्हाँर बोमिंमल, धै चमैंए ज्युर्बै नब ससि मोंमैं या त्होंह्‍यामल।