मत्ती 9:18 - परमेश्‍वरए ताँ तमु क्युइर

¹⁸ येशूजी चमैंने चु ताँ बिरिमा यहूदीमैंए चिब घ्रि खसि खीलाइ फ्योसि बिइ, “ङए च्हमि भर्खर्न सियाइ, दिलेया क्हि ह्‍यामिंसि चए फिर क्हिए यो थेंमिंनु। धै च सोब्‍मुँ।”

मत्ती 9:18 ပူးပေါင်းရင်းမြစ်များ

मत्ती 14:33

धै चेलामैंइ खीलाइ फ्योसि “क्‍ह्रोंसेंन क्‍हि परमेश्‍वरए च्‍हन् मुँन,” बिइ।

मत्ती 15:25

दिलेया च च्हमिरि खसि खीए ओंसों पत्खु तसि “ओ प्रभु, ङलाइ ल्होमिंन्,” बिइ।

मत्ती 17:14

झाइले चमैं म्‍हिए हुल मुँबै क्‍ल्‍ह्‍योर फेखबै लिउँइँ म्‍हि घ्रि येशूए उँइँर खसि च्हि तुँसि बिइ,

मत्ती 20:20

च लिउँइँ जब्‍दियाए प्ह्रेंस्योइ ह्रोंसए च्‍ह ङ्हिं येशू ङाँर बोसि खीए उँइँर च्हि तुँसि यो छ्युँ लइ।

मत्ती 28:17

चमैंइ चर खीलाइ म्रोंसि सैं तोंसि फ्‍योइ, दिलेया कोइ चेलामैंइ बिस्याँ संका लइ।

मत्ती 8:2

च त्हेर कोर खबै म्हि घ्रि येशू ङाँर खसि खीए ओंसों च्हि तुँसि बिइ, “ओ प्रभु, क्हिजी ङ सल् लमिंबै सैं मुँस्‍याँ ङ सल् लमिंल् खाँम्।”

मत्ती 8:25

छतमा “ओ प्रभु, ङि सिबर होंइ ङिलाइ जोगेमिंन् बिदै चेलामैंइ येशूलाइ छोरवाइ।”

मत्ती 9:17

छलेन खाबज्यै या आचिबै अँगुरए खु स्योब ट्हुबिए नेंदोर आझों। झोंइ बिस्‍याँ नेंदो ट्होह्‍यासि अँगुरए खु ङे‍याम्, धै नेंदों या ट्होयाम्। दिलेया छारा अँगुरए खु ट्हुबिए छारा नेंदोर झोंस्‍याँ नेंदो या आट्हो अँगुरए खु या आङेया।”

मत्ती 9:19

चइ छ बिबै तोदोंन् येशू रेसि ह्रोंसए चेलामैंने बालु चए लिलि ह्‍याइ।

मत्ती 9:24

छाब म्रोंसि येशूजी चमैंने बिइ, “क्‍हेमैं ताँन् बैरु ह्‍याद्, चु कोलो आसिइमुँ, न्‍हरु च्‍हुइमुँ।” छबिमा चमैंइ आक्वेंसि येशूए बिल्‍लि लइ।

लूका 13:14

येशूजी प्रिबै त्हिंइर च च्हमिरि सल् लमिंब् म्रोंसि च्हों धिंर्बै चिब बेल्‍ले ह्रिस खसि चर्बै म्‍हिमैंने बिइ, “के लब टुरो मुँ, छतसि च टुरो न्‍होंर खसि सस्याँ तम्। प्रिबै त्हिंइर छ लब आत।”

लूका 18:18

चु ताँ थेसि यहूदी चिब घ्रिइ येशूने “ओ स्वाबै गुरु! खोंयोंइ आखाँबै छ्ह योंबै ल्हागिर ङइ तो लल् त्‍हुम्?” बिसि ङ्योएइ।

लूका 7:2

च नाँसर रोमी कप्‍तानइ बेल्‍ले खोबै के लबै म्हि घ्रि नसि सिबिन् छेल।

यूहन्‍ना 11:25

येशूजी चने बिइ, “सियाब्‍मैं सोगों लमिंब नेरो खोंयोंइ आखाँबै छ्ह पिंब ङन् ग। ङए फिर बिश्‍वास लब्‍मैं सिलेया सोगों तब्‍मुँ।

यूहन्‍ना 11:32

झाइले मरियम येशू मुँबै क्ल्ह्‍योर फेनेसि खीलाइ म्रोंमा खीए प्हलेर फ्योसि “ओ प्रभु, क्हि चुर मुँस्याँ ङए अलि आसिमल,” बिइ।

चेला चिब्मैंए केमैं 13:15

झाइले म्हिमैंइ मोशाइ पिंबै ठिम नेरो अगमबक्‍तामैंए कितब खेबै लिउँइँ च्हों धिंर्बै चिब्मैंइ, “ओ अलि-अङाँमैं, क्हेमैंने म्हिमैंए ल्हागिरि अर्तिए ताँमैं तोइ मुँस्याँ बिमिंन्,” बिसि पावल नेरो चए थुमैं ङाँर सँउँसर पिमिंइ।

चेला चिब्मैंए केमैं 28:8

च त्हेर पब्‍लियसए आबा जर खब नेरो फो नब तल। छतसि पावल च नबै म्‍हिलाइ ङ्‍ह्‍योबर ह्‍यासि चए ल्हागिर प्राथना लइ, धै चए फिर यो थेंसि च नबै म्हि सल् लमिंइ।