मत्ती 8:9 - परमेश्‍वरए ताँ तमु क्युइर

⁹ ङज्यै चु ताँ छेन्ले सेम्, तलेबिस्याँ ङ या क्रथेए न्होंरि मुँ, धै ङए न्होंरि सिपाइमैं मुँ। ङइ घ्रिने ‘ह्‍याद्’ बिस्‍याँ च ह्‍याम्, अर्कोने ‘खो’ बिस्‍याँ च खम्। ङए के लबै म्हिने ङइ तो लद् बिमुँ छान् लम्।”

मत्ती 8:9 ပူးပေါင်းရင်းမြစ်များ

भजनमैं 119:91

क्हिए निसाफमैंइ तो‍-तो बिइमुँ तिंयाँ समन् छान् तरिइमुँ, तलेबिस्याँ क्हिए ताँ तोंन्दोरिइ म्हाँदिल् त्हुम्।

भजनमैं 148:8

धै काम्‍लि-तिम्‍लि, तिस्यु, क्लिं नेरो न्हाँम्स्यो, धै खीजी बिबै ताँ ङिंबै नाँ-खैंज्यै या खीलाइन थेब् लद्!

मत्ती 8:10

च कप्‍तानए ताँ थेसि येशू अचम्मा ङ्हाँसि खीए लिलि खब्‍मैंने बिइ, “ङ क्ह्रोंसेंन क्हेमैंने बिमुँ, इस्राएलरै या च्हौ थेबै बिश्‍वास लबै म्‍हि ङइ खोंयोंइ आत्होइमुँ।

मत्ती 8:8

दिलेया च कप्‍तानइ बिइ, “प्रभु, क्‍हिलाइ ङए धिंर बोसि मान लबै लायगर्बै ङ आरे। क्‍हिजी सुँइ मत्‍त्रे सयाद् बिसि पोंमिंनु, धै ङए के लबै म्हि सयाम्।

मर्कूस 1:27

छ तब् म्रोंसि चर मुँबै म्‍हिमैं ताँन् प्लेटोयासि “चु खै तबै म्हि मुँगे? खोंयोंइ आथेबै ताँमैं या लोमिंमना! धै हग मुँल्‍ले मोंमैंलाइ त्होंह्‍याद् बिमा मोंमैंइ खीजी बिब ङिंमना बिबर होंइ।”

लूका 4:39

छबिमा खी च ङाँर रासि जरलाइ हौदि‌इ, छले हौदिमा जरइ चलाइ पिवाइ। धै सबै तोदोंन् रेसि खेंमैंए सेवा लइ।

लूका 7:8

ङज्‍यै या थेबै म्‍हिमैंउँइँले हुकुम योंसि ङए न्‍होंर्बै सिपाइमैंने हुकुम पिंम्। ङइ घ्रिने ‘ह्‍याद्’ बिस्‍याँ च ह्‍याम्, धै अर्कोने ‘खो’ बिस्‍याँ च खम् ङए के लबै म्हिने या ‘ङइ तो लद्’ बिमुँ चइ चन् लम्।”

लूका 9:1

च लिउँइँ येशूजी ह्रोंसए च्युसे ङ्हिं चेलामैं हुइसि चमैंलाइ मों ल्‍हाल् खाँब् नेरो नब् छब्मैं सल् लल् खाँबै शक्‍ति नेरो अधिकार पिंइ।

कलस्सी 3:22

ओ केब्छैंमैं, क्‍हेमैंए चु ह्‍युलर्बै क्ल्हेमैंइ बिबै ताँ ङिंन्। चमैंए उँइँर सैं तोंन् लबै ल्हागिर मत्‍त्रे के आलद्, दिलेया प्रभु येशूइ म्रोंसिन्मुँ ङ्हाँसि “ङइ लल् त्हुबै के लल् त्हुम्” बिसि क्ल्हेमैंए न्होंर टिद्।

तीतस 2:9

छलेन केब्छैंमैंने या ह्रोंसए क्ल्हेए न्होंर टिसि ताँन् सैर क्ल्हेलाइ सैं तोंन् लल् त्‍हुम्, धै क्ल्हेने सुँ सुँर छैल् आत बिसि लोद्।