मत्ती 8:8 - परमेश्‍वरए ताँ तमु क्युइर

⁸ दिलेया च कप्‍तानइ बिइ, “प्रभु, क्‍हिलाइ ङए धिंर बोसि मान लबै लायगर्बै ङ आरे। क्‍हिजी सुँइ मत्‍त्रे सयाद् बिसि पोंमिंनु, धै ङए के लबै म्हि सयाम्।

मत्ती 8:8 ပူးပေါင်းရင်းမြစ်များ

उत्पत्ति 32:10

क्हिजी ह्रोंसए केब्छैंए फिर कति ल्हें म्हाँया लसि उँइँमिंइमुँ दिलेया च म्हाँया योंबै लायकर्बै ङ आरे। तलेबिस्याँ ङ प्हरे घ्रि मत्‍त्रे छेसि यर्दन स्यों तर्दिसि ह्‍याल। तोगो ङल बगाल ङ्हिं तइमुँ।

भजनमैं 10:17

ओ याहवेह! दुःख योंब्मैंए प्राथना क्हिजी थेम्; क्हिजी चमैंए सैं भोंब् लम्, धै चमैंइ ग्वार ह्रिब क्हिजी थेम्।

भजनमैं 107:20

खीजी सयाद् बिमा चमैं सयाइ; धै चमैंलाइ कालउँइँले जोगेमिंइ।

भजनमैं 33:9

तलेबिस्याँ खीजी बचन पोंसि तोन्दोंरि सैमैं लमिंइ; खीजी तयाद् बिमा ताँन् सै तयाइ।

मत्ती 3:11

“क्‍हेमैंए सैं परमेश्‍वरउँइँ एइ बिब् उँइँबर ङइ क्‍युर प्‍ल्हुँमिंसि बप्‍तिस्‍मा पिंम्। दिलेया ङए लिलि युबै म्‍हि ङ भन्दा बेल्‍ले शक्‍ति मुँब मुँ। खीजी क्‍हेमैं परमेश्‍वरए पबित्र प्ल्ह नेरो मिइ बप्‍तिस्‍मा पिंब्‍मुँ। ङम् खीए जुत्ता नोबै लायगर्बै आरे।

मत्ती 3:14

दिलेया यूहन्‍नाइ येशूने “क्‍हिजी ङलाइ बप्‍तिस्‍मा पिंल् त्‍हुब् ग। क्हिजी ङने बप्‍तिस्मा किंब् आ?” बिसि बप्‍तिस्‍मा किंबर क्वेबर होंइ।

मत्ती 8:3

छबिमा येशूजी यो स्‍योंसि च म्हिलाइ छुइदै बिइ, “ङइ क्हि सरिगे ङ्हाँइमुँ। सयाद्।” छ बिबै तोदोंन् च म्हिए कोर सयाइ।

मत्ती 8:7

खीजी चने बिइ, “ङ खसि चलाइ सल् लमिंस्‍यो।”

मत्ती 8:9

ङज्यै चु ताँ छेन्ले सेम्, तलेबिस्याँ ङ या क्रथेए न्होंरि मुँ, धै ङए न्होंरि सिपाइमैं मुँ। ङइ घ्रिने ‘ह्‍याद्’ बिस्‍याँ च ह्‍याम्, अर्कोने ‘खो’ बिस्‍याँ च खम्। ङए के लबै म्हिने ङइ तो लद् बिमुँ छान् लम्।”

लूका 15:19

तारे ङ क्‍हिए च्‍ह बिबै लायकर्बै आरे। बरु ङ क्‍हिए के लबै म्‍हि घ्रि धोंलेन् क्‍हि ङाँर टिल् पिंन्,” बिब्मुँ’ बिसि चए सैंर मैंइ।

लूका 15:21

च्‍हइ आबाने बिइ, ‘ओ आबा, ङइ क्हिए ताँ आङिंसि परमेश्‍वर नेरो क्‍हिए बिरोधर आछ्याँबै के लइ। तारे ङ क्‍हिए च्‍ह बिबै लायकर्बै आरे।’

लूका 5:8

छतब् म्रोंसि सिमोन पत्रुसइ येशू प्रभुए उँइँर पत्खु तसि बिइ, “ओ प्रभु क्‍हि ङ ङाँइँले ह्रेंगो तयाद्, तलेबिस्याँ ङ पापि म्‍हि ग।”

यूहन्‍ना 1:27

खी ङए लिलि युलेया खीए जुत्ताए तनि प्‍ल्ह्‍बर ङ्हेंब ङ आरे।”