मत्ती 8:27 - परमेश्‍वरए ताँ तमु क्युइर

²⁷ छतब् म्रोंसि चर मुँबै म्‍हिमैंइ, “चुम् खैबै म्हि मुँगे नाँ, खैं नेरो भेल्‍गाज्‍यै या खीजी बिबै ताँ ङिंमना बिसि प्लेटोयाइ।”

मत्ती 8:27 ပူးပေါင်းရင်းမြစ်များ

मत्ती 14:33

धै चेलामैंइ खीलाइ फ्योसि “क्‍ह्रोंसेंन क्‍हि परमेश्‍वरए च्‍हन् मुँन,” बिइ।

मत्ती 15:31

लडमैं पोंब, स्यालेमैं सयाब, डुडमैं प्रयाब, कनमैंइ म्रोंल् खाँब् तइ। छाब् म्रोंसि म्‍हिमैं प्लेटोयासि इस्राएल ह्रेंर्बै परमेश्‍वर बेल्‍ले थेब मुँन बिसि खीए मिं क्वेइ।

मत्ती 8:10

च कप्‍तानए ताँ थेसि येशू अचम्मा ङ्हाँसि खीए लिलि खब्‍मैंने बिइ, “ङ क्ह्रोंसेंन क्हेमैंने बिमुँ, इस्राएलरै या च्हौ थेबै बिश्‍वास लबै म्‍हि ङइ खोंयोंइ आत्होइमुँ।

मत्ती 8:26

येशूजी चमैंने बिइ, “ओ बिश्‍वास आरेबै म्हिमैं, क्हेमैं तले छले ङ्हिंल?” च्‍हौ बिसि खी रेसि खैं नेरो मा ङ्युँइर्बै भेल्‍गालाइ हौदिमा नाँ खैं च्याँ त‍याइ।

मत्ती 8:28

झाइले येशू मा ङ्युँइए क्‍योंजा गदरिनिमैंए ह्‍युलर फेनेमा चर मोंइ स्याबै म्हि ङ्हिं छगोंउँइँले खरिमा खीने त्‍होइ। चमैं बेल्‍ले ङ्हिंदा ङ्हाँन् ब्योंब मुँल। छतसि खाबै या च घ्याँ ह्‍याब खब लल् आखाँमल।

मर्कूस 1:27

छ तब् म्रोंसि चर मुँबै म्‍हिमैं ताँन् प्लेटोयासि “चु खै तबै म्हि मुँगे? खोंयोंइ आथेबै ताँमैं या लोमिंमना! धै हग मुँल्‍ले मोंमैंलाइ त्होंह्‍याद् बिमा मोंमैंइ खीजी बिब ङिंमना बिबर होंइ।”

मर्कूस 6:51

च्हौ बिसि येशू चमैंए डुँङ्गार क्रेइ। खी डुँङ्गार क्रेबै तोदोंन् खैं टियाइ। छ तब् म्रोंसि चमैं प्लेटोयाइ,

मर्कूस 7:37

चु ताँ थेब्मैं ताँन् प्लेटोयासि “येशूजी तो के बिलेया छ्याँब लमना। न्‍ह आथेबै म्‍हि थेल् लमना, आपोंबै म्‍हि पोंल् लमना बिबर होंइ।”