मत्ती 8:17 - परमेश्‍वरए ताँ तमु क्युइर

¹⁷ यशैया अगमबक्‍ताइ स्‍योंमन् छले बिल, “ङ्योए बेथामैं खीजीन् बोमिंइ, झाइले ङ्योए नब् छब्मैं ताँन् खीजीन् नोमिंइ।” येशैयाइ स्योंमन् बिबै ताँ पूरा तबर येशूजी छाबै सल् लबै के लइ।

मत्ती 8:17 ပူးပေါင်းရင်းမြစ်များ

उत्पत्ति 22:6

अब्राहामइ ख्रो पिंबै सिं ह्रोंसए च्ह इसहाकलाइ नोमिंइ, झाइले मि नेरो छुरि चए योर किंसि चमैं ङ्हिंना-ङ्हिंन् ह्‍याइ।

मत्ती 1:22

अगमबक्‍ताइ बिबै ताँ पूरा तबै ल्हागिर्न छले तब् ग:

मत्ती 2:15

झाइले हेरोद आसिन् समा चमैं मिश्र ह्‍युलर्न टिरिइ। “ङइ ह्रोंसए च्‍ह मिश्र ह्‍युलउँइँले हुइमुँ।” बिसि अगमबक्‍ताउँइँले याहवेहजी ओंसोंन् बिबै ताँ छले पूरा तइ।

मत्ती 2:23

चर ह्‍यासि नासरत बिबै सहरर टिइ। खीने नासरतथें बिब्‍मुँ बिसि अगमबक्‍ताइ स्‍योंमन् पोंबै ताँ छले पूरा तइ।

मर्कूस 1:32

त्हिंयाँ लियाबै लिउँइँ म्हिमैंइ येशू ङाँर नब् छब्मैं नेरो मोंइ स्‍याब्मैं ताँन् पखइ।

लूका 4:40

त्‍हिंयाँ लिबि छेमा च जरेबै ल्हें खालर्बै नब्‍मैं म्हिमैंइ येशू ङाँर पखइ। धै खीजी घ्रि-घ्रिए फिर ह्रोंसए यो थेंसि चमैं ताँन् सल् लमिंइ।

२ कोरिन्थी 12:10

छतसि ख्रीष्‍टए मिं थेब् तरिगे बिसि ङ आखाँ आथुलेया, म्‍हिमैंइ ङलाइ प्ह्रलेया, सैदिलै आखाँबै दुःख तलेया ङ सन्‍दोक तम्, तलेबिस्याँ आभोंबै त्हेरै या ङ बेल्‍ले भोंब् तम्।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।