मत्ती 8:12 - परमेश्‍वरए ताँ तमु क्युइर

¹² दिलेया च ग्याल्सर टिल् त्हुबै यहूदीमैं बैरु मिछु खैबै क्‍ल्‍ह्‍योर भ्योंवाब्‍मुँ। चर चमैं बेल्‍ले क्रोसि स ह्राब्‍मुँ।”

मत्ती 8:12 ပူးပေါင်းရင်းမြစ်များ

भजनमैं 112:10

दुष्‍ट म्हिमैंइ चु म्रोंसि ह्रिस लब्मुँ, धै स ह्रासि नास तयाब्मुँ; दुष्‍ट म्हिमैंल बिब् धों मैंब् धों आत।

मत्ती 13:38

म्रों ह्‍युल ग। छ्याँबै प्‍लु बिस्याँ स्‍वर्गर्बै ग्याल्सर्बै सन्‍तान ग, धै सम्रिं दुष्‍टए सन्‍तान ग।

मत्ती 13:42

मिए राबर भ्‍योंवाब्‍मुँ। चर म्हिमैं बेल्‍ले क्रोसि स ह्राब्‍मुँ।

मत्ती 13:50

झाइले मिए राबर भ्‍योंवाब्‍मुँ। चर चमैं बेल्‍ले क्रोसि स ह्राब्‍मुँ।”

मत्ती 21:43

छतसि ङ क्‍हेमैंने बिमुँ, परमेश्‍वरए ग्याल्सर टिबै हग तारे परमेश्‍वरजी क्‍हेमैंउँइँले प्‍हेंसि रोमैं रोल् खाँबै अरू ह्रेंलाइ पिंब्‍मुँ।”

मत्ती 24:51

झाइले क्ल्हेजी चलाइ थेबै सजैं पिंसि फिब्लो पार्दिब्मैंए म्हाँजोर भ्योंवाब्मुँ। चर म्हिमैं क्रोसि स ह्राब्‍मुँ।”

मत्ती 25:30

चु केर आत्हुबै केब्छैं बैरु मिछु खैबै क्‍ल्‍ह्‍योर भ्‍योंवाँन्, चर म्‍हिमैं क्रोसि स ह्राब्‍मुँ।’

लूका 13:28

“झाइले परमेश्‍वरए ग्याल्सर स्‍योंम्‍बै अब्राहाम, इसहाक, याकूब नेरो अगमबक्‍तामैं टिरिब क्‍हेमैंइ म्रोंब्‍मुँ। दिलेया परमेश्‍वरजी क्‍हेमैं बैरु भ्योंवाब्‍मुँ, झाइले क्हेमैं क्रोदै स ह्राब्मुँ।

चेला चिब्मैंए केमैं 3:25

अगमबक्‍तामैं नेरो परमेश्‍वरजी क्हेमैंए खेमैंने फैबै बाछा क्हेमैंए ल्हागिर्न ग। खीजी अब्राहामने बिइ, ‘क्हिए सन्तानउँइँलेन् ह्‍युलर्बै ताँन् ह्रेंमैंइ आशिक योंब्मुँ।’

रोमी 9:4

परमेश्‍वरजी चमैंलाइ ह्रोंसए म्‍हिमैं तबै ल्हागिर त्‍हाँइ। खीजी चमैंलाइ ह्रोंसए प्‍हसेमैं लसि खीए औदिबै केमैं उँइँमिंइ। खीजी चमैंए खेमैंने बाछा फैसि ठिम पिंइ, धै खीए सेवा लबै या लोमिंइ, छले खीजी फैबै बाछामैं चमैंइ योंइ।

२ पत्रुस 2:17

चु स्‍योर ताँ लोमिंब्‍मैं क्‍यु आयुबै मुल नेरो थेबै खैंइ नोइ बोवाबै म्हस्यो धों तब् ग। परमेश्‍वरजी चमैंए ल्हागिर क्रोंर्बै मिछु खैबै क्‍ल्‍ह्‍यो साँथेंइमुँ।

२ पत्रुस 2:4

आछ्याँबै के लमा स्‍वर्गदूतलाज्यै या परमेश्‍वरजी ल्हयो आखल्‍ले निसाफ लबै त्हिंइ समा फैसि नर्गर्बै मिछु खबै क्ल्ह्‍योर भ्योंवाइ।

यहूदाइ प्‍ह्रिबै प्ह्रिछ्या 1:13

चमैं मा ङ्युँरर्बै थेबै भेल्‍गामैं धों तब्मैं ग। चुमैंइ फापिल्‍ले ह्रोंसइ लबै आछ्याँबै केमैं उँइँम्। चमैं क्‍ल्‍ह्‍यो घ्रिर आटिबै मुसारा धोंब मुँ। छाबै म्‍हिमैंए ल्हागिर क्रोंर्बै मिछु खैबै क्‍ल्‍ह्‍यो परमेश्‍वरजी खोंयोंइन साँथेंइमुँ।

दर्शन 22:15

दिलेया सहरए बैरु बिस्याँ आछ्याँबै सैं प्ह्‍याब्मैं: फाफुइ लब्मैं, ब्यभिचार लब्मैं, म्हि सैब्मैं, कु फ्योब्‍मैं, स्‍योलिबै ताँ पोंब्‍मैं नेरो स्‍योलिबै के लब्मैं तम्।