मत्ती 8:10 - परमेश्‍वरए ताँ तमु क्युइर

¹⁰ च कप्‍तानए ताँ थेसि येशू अचम्मा ङ्हाँसि खीए लिलि खब्‍मैंने बिइ, “ङ क्ह्रोंसेंन क्हेमैंने बिमुँ, इस्राएलरै या च्हौ थेबै बिश्‍वास लबै म्‍हि ङइ खोंयोंइ आत्होइमुँ।

मत्ती 8:10 ပူးပေါင်းရင်းမြစ်များ

उत्पत्ति 43:33

थेबउँइँले च्योंब समा ह्रों-ह्रोंसए उमेर अनुसार योसेफइ चमैं क्हुँल् पिंल। छले क्हुँमिंब् म्रोंसि चमैं प्लेटोयासि घ्रिइ घ्रिलाइ ङ्ह्‍योबर होंइ।

मत्ती 15:28

चए ताँ थेसि येशूजी चने बिइ, “ओ नानि, ङए फिर क्‍हिइ थेबै बिश्‍वास लना! छतसि क्‍हिए सैंर मैंब् धोंले क्हिए ल्हागिरि तरिगे।” खीजी छ बिबै तोदोंन् च च्हमिरिए च्हमि सयाइ।

मत्ती 8:11

ङ क्हेमैंने बिमुँ, स्यार (पूर्व) नेरो न्हुउँइँले (पश्‍चिम) ल्‍हें म्‍हिमैं खसि अब्राहाम, इसहाक नेरो याकूबने स्वर्गर्बै ग्याल्सर भोज चबर टिब्‍मुँ।

मत्ती 8:9

ङज्यै चु ताँ छेन्ले सेम्, तलेबिस्याँ ङ या क्रथेए न्होंरि मुँ, धै ङए न्होंरि सिपाइमैं मुँ। ङइ घ्रिने ‘ह्‍याद्’ बिस्‍याँ च ह्‍याम्, अर्कोने ‘खो’ बिस्‍याँ च खम्। ङए के लबै म्हिने ङइ तो लद् बिमुँ छान् लम्।”

मर्कूस 6:6

चमैंइ खीए फिर बिश्‍वास आलब् म्रोंसि येशू प्लेटोयाइ। झाइले येशू च जरेबै नाँसजरे परमेश्‍वरए ताँ लोमिंदै प्रइ।

लूका 5:20

चमैंए च्हौ थेबै बिश्‍वास म्रोंसि येशूजी च नबै म्हिने बिइ, “ओ बाबु, क्‍हिए पाप क्षमा तइ।”

लूका 7:50

दिलेया येशूजी च च्हमिरिने बिइ, “क्‍हिए बिश्‍वासइ लमा क्‍हि जोगेएइमुँ, छिं ङ्हाँन्ले ह्‍याद्।”

लूका 7:9

चु ताँ थेसि येशू प्लेटोयाइ, धै खीजी ह्रोंसए लिलि खबै हुल ङाँइ तोसि “ङ क्‍हेमैंने बिमुँ, च्हौ थेबै बिश्‍वास लबै म्‍हि ङइ तोगो समा खोंयोंइ आम्रोंइमुँ। छाबै बिश्‍वास इस्राएली म्‍हिमैंने या आरे।”

चेला चिब्मैंए केमैं 2:7

झाइले चमैं ताँन् बेल्‍ले प्लेटोयासि, “चु पोंब्मैं ताँन् गालीलथेंमैंन् आङिं वा?” बिसि बिबर होंइ।