मत्ती 7:29 - परमेश्‍वरए ताँ तमु क्युइर

²⁹ तलेबिस्याँ येशूजी चमैंए शास्‍त्रिमैंइ लोब् धोंले आलोमिंल, बरु खीजी हग मुँबै म्हिइ धोंले लोमिंमल।

मत्ती 7:29 ပူးပေါင်းရင်းမြစ်များ

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

मत्ती 5:20

“तलेबिस्याँ ङ क्‍हेमैंने बिमुँ, शास्‍त्रिमैंइ नेरो फरिसीमैंइ लबै केमैं भन्दा क्हेमैंइ लबै केमैं छ्याँब आतइ बिस्याँ क्हेमैं खैलसेया स्वर्गर्बै ग्याल्सरि होंल् योंरिब आरे।

मत्ती 5:28

दिलेया ङ क्हेमैंने बिमुँ, च्हमिरि घ्रि म्रोंसि चने आछ्याँबै सैंले ङ्‍ह्‍योबै म्हिइ ह्रोंसए सैंर चने ब्यभिचार लल् खाँइमुँ!

मत्ती 5:32

दिलेया ङइ क्‍हेमैंने तो बिम् बिस्‍याँ खाबइ ह्रोंसए प्‍ह्रेंस्‍यो अरू म्‍हिने फ्रें आक्ल्‍‍योंलेया च प्‍ह्रेंस्‍यो पार लम् बिस्याँ च प्‍ह्रेंस्‍योइ धबै ब्ह्‍‍या लमा च म्हिइ ह्रोंसए प्‍ह्रेंस्‍यो ब्यभिचार लल् पिंम्। धै च वाबै प्ह्रेंस्योने ब्ह्‍या लबै मुयुँज्यै या ब्यभिचार लम्।

मत्ती 5:44

दिलेया ङ क्‍हेमैंने बिमुँ, क्‍हेमैंइ ह्रोंसए शत्तुरमैं म्हाँया लद्, धै क्‍हेमैंलाइ ह्रुगुदिबै म्हिमैंए ल्हागिर प्राथना लसि परमेश्‍वरने आशिक ह्रिमिंन्।

मत्ती 7:28

येशूजी लोमिंबै चु ताँमैं थेबै लिउँइँ म्‍हिए हुल प्लेटोयाइ।

मत्ती 8:1

येशू कोंउँइँले क्‍युरु युमा म्हिए हुल खीए लिलि ल्‍हैदिइ।

लूका 20:8

येशूजी चमैंने बिइ, “छ बिस्‍याँ ङज्यै या खाबै हकउँइँले चु केमैं लमुँ बिसि क्हेमैंने आबि।”

लूका 21:15

तलेबिस्याँ ङइ क्‍हेमैंलाइ छाबै ज्ञान बुद्धिए ताँ पोंल् पिंब्मुँ, च ताँ पोंमा चमैंइ क्‍हेमैंए ताँए ज्वाफ पिंल् खाँरिब् आरे, क्हेमैंए ताँ थोल् खाँरिब् आरे।

चेला चिब्मैंए केमैं 6:10

दिलेया पबित्र प्ल्हजी स्तिफनसलाइ बुद्धि पिंबइले चइ पोंबै ताँ चमैंइ थोल् आखाँल।