मत्ती 7:28 - परमेश्‍वरए ताँ तमु क्युइर

²⁸ येशूजी लोमिंबै चु ताँमैं थेबै लिउँइँ म्‍हिए हुल प्लेटोयाइ।

मत्ती 7:28 ပူးပေါင်းရင်းမြစ်များ

भजनमैं 45:2

मुँयुमैंए न्होंर क्हि बेल्‍ले छ्याँब मुँ; क्हि पोंबरै बेल्‍ले ह्रब मुँ; तलेबिस्याँ परमेश्‍वरजी खोंयोंन् बिलै क्हिए फिर आशिक पिंरिम्।

मत्ती 11:1

येशूजी ह्रोंसए च्युसे ङ्हिं चेलामैंने लोदा सैंदा लल् खाँबै लिउँइँ चमैंए सहरजरे म्‍हिमैंलाइ लोमिंबर नेरो परमेश्‍वरउँइँले खबै सैं तोंबै ताँ बिबर ह्‍याइ।

मत्ती 19:1

येशूजी चु ताँमैं बिल् खाँबै लिउँइँ येशू गालील ह्‍युलउँइँले यहूदीया ह्‍‍‍युलर्बै यर्दन स्‍योंए क्योंजा मुँबै क्ल्ह्‍योउँइँ ह्‍याइ।

मत्ती 22:33

छले खीजी लोमिंबै ताँमैं थेसि चर्बै म्‍हिए हुल प्लेटोयाइ।

मत्ती 26:1

येशूजी चु ताँन् ताँमैं बिल् खाँबै लिउँइँ ह्रोंसए चेलामैंने बिइ,

मत्ती 7:27

थेबै नाँ खैं तसि प्हलें युसि धिंए फिर उँयामा च धिं फुयाइ झाइले चला थेबै नोक्‍सान त‍याइ।”

मत्ती 7:29

तलेबिस्याँ येशूजी चमैंए शास्‍त्रिमैंइ लोब् धोंले आलोमिंल, बरु खीजी हग मुँबै म्हिइ धोंले लोमिंमल।

मर्कूस 1:22

येशूए ताँ थेब्‍मैं प्लेटोयाइ तलेबिस्याँ येशूजी म्हिमैंने अरू शास्‍त्रिमैंइ धोंले आलोमिंल, बरु हग मुँल्‍ले लोमिंल।

मर्कूस 11:18

चु ताँ थेसि ख्रो पिंबै खेगि चिब्मैं नेरो शास्‍त्रिमैंइ “चलाइ खैले सैब् ङ्‍हे” बिसि घ्याँ म्हैबर होंइ, दिलेया येशू म्रोंसि चमैं ङ्हिंमल तलेबिस्याँ ताँन् म्हिमैंइ खीए ताँमैं थेसि अचम्‍मा ङ्हाँरिल।

मर्कूस 6:2

धै प्रिबै त्हिंइरि येशू च्हों धिंर ह्‍यासि म्हिमैंने परमेश्‍वरए ताँ लोमिंबर होंइ। खीए ताँ थेब्मैं न्होंर्बै ल्हें म्हिइ अचम्‍मा ङ्हाँसि छ बिइ, “चु म्‍हिजी छाबै ताँमैं खनिउँइँले ह्रगे? चु म्‍हिजी योंबै ज्ञान खैब जा? चु म्‍हिउँइँले छाबै अचम्‍माबै केमैं खैले तब् जा?

लूका 19:48

दिलेया खी सैबै ल्हागिर चमैंइ तोइ निउँ आयों। तलेबिस्याँ येशूजी लोमिंबै ताँ बेल्‍ले छ्याँब म्हाँदिसि म्हिमैंइ थेमल।

लूका 2:47

खीए क्होबै शक्‍ति नेरो छ्याँबै ज्वाफमैं पिंब् म्रोंसि खीए ताँ थेब्मैं ताँन् प्लेटोयाइ।

लूका 4:22

ताँन् म्हिमैंइ “चुम् स्‍वाबै म्हि मुँन!” बिसि खीए छ्याँबै बयन लइ, धै खीजी पोंबै सैं तोंबै छ्याँबै ताँमैं थेसि चमैं ताँन् प्लेटोयाइ। धै “चुम् योसेफए च्‍ह आङिं वा?” बिसि चमैंइ बिइ।

लूका 4:32

खीजी लोमिंबै ताँ थेब्मैं प्लेटोयाइ तलेबिस्याँ खीजी हग मुँल्‍ले ताँ पोंमल।

लूका 7:1

छले खीजी बिल् त्हुबै ताँमैं ताँन् बिल् खाँबै लिउँइँ येशू कफर्नहुम बिबै नाँसर ह्‍याइ।

यूहन्‍ना 7:15

खीजी लोमिंबै ताँ थेसि यहूदी चिबनाँब्मैंइ अचम्‍मा ङ्हाँसि बिइ, “तोइ आखेबै म्हिइ खैले च्हौ ल्हें ताँमैं ह्रल् खाँगे?”

यूहन्‍ना 7:46

सिपाइमैंइ बिइ, “चु म्हिइ पोंब् धों तबै छ्याँबै ताँ अरू खाबज्‍यै खोंयोंइ आपोंइँमुँ!”