मत्ती 7:24 - परमेश्‍वरए ताँ तमु क्युइर

²⁴ “छतमा ङइ बिबै ताँ थेब्मैं नेरो ङिंब्‍मैं धिं लबै बुद्धि मुँबै म्‍हि धों तबन् ग। च म्‍हिइ गैरु जग तासि पारा फिर धिं बनेइ।

मत्ती 7:24 ပူးပေါင်းရင်းမြစ်များ

भजनमैं 111:10

याहवेहलाइ मान लब बुद्धि योंबै घ्याँ ग; खीजी बिबै ताँ ङिंब्मैंइ छेनाले च्हैंब् मैंब् लल् खाँम्। खीए मिं खोंयोंन् बिलै थेब् तरिम्!

भजनमैं 119:130

क्हिए ताँए अर्थ खोल्दिमिंमा ज्ञान बुद्धि योंमुँ, धै आह्र आसेब्मैं या ह्रब् सेब् तम्।

भजनमैं 119:99

ङलाइ लोमिंब्मैंइ भन्दा ङइ ल्हें क्होइमुँ, तलेबिस्याँ क्हिजी बिबै ताँमैं ङए सैंर मैंरिमुँ।

हितोपदेश 10:25

नाँ-खैं खमा दुष्‍टमैं घ्रि या चैरिब् आरे, दिलेया ठिक के लब्मैं बिस्याँ खोंयोंन् बिले तरिब्मुँ।

हितोपदेश 10:8

ताँ क्होबै म्हिइ अर्थि बुद्धिए ताँ ङिंम्, दिलेया ल्हें पोंबै आमादु नास तयाम्।

हितोपदेश 12:7

दुष्‍ट म्हिमैं भ्योंवाब्मुँ, चमैं चैरिब् आरे; ठिक के लबै म्हिमैंए धिं बिस्याँ खोंयोंन् बिलै तरिब्मुँ।

हितोपदेश 14:8

च्हैंब् मैंब् लल् खाँबै म्हिइ ह्रोंसइ लल् त्हुबै केमैं तो जा बिब् सेम्, दिलेया आमादुमैइ लबै केइ ह्रोंसलाइन न्होह्रों लम्।

मत्ती 12:50

तलेबिस्याँ स्वर्गर मुँबै ङए परमेश्‍वर आबाए सैंर मैंब् धोंले लब्मैंन् ङए अलि, ङए अङाँ, ङए आमा ग।”

मत्ती 16:18

छतसि ङइ क्‍हिलाइ पत्रुस बिम्। ङए चर्च ङ च पाराए फिर बनेब्‍मुँ, धै नर्गर्बै म्रामैंइ च चर्चए फिर ट्होल् खाँरिब् आरे।

मत्ती 24:45

“भर लल् खाँब नेरो बुद्धि मुँबै केब्छैं खैबै तम्? च केब्छैंने क्ल्हेइ ‘धिंर्बै केब्‍छैंमैं चब-थुँब ठिक त्हेर पिंन्’ बिसि चए जिम्‍मार वाथेंम्।

मत्ती 25:2

चमैं न्होंरि ङ्‍हउँलो बुद्धि मुँब् मुँल, ङ्‌हउँलो बुद्धि आरेबा मुँल।

मत्ती 25:4

दिलेया बुद्धि मुँब्मैंइ बिस्याँ बत्तिने बालु थप्दिबै छ्युगु या बोल।

मत्ती 25:9

दिलेया च बुद्धि मुँब्मैंइ बिइ, ‘ङि नेरो क्हेमैंए ल्हागिर योबै छ्युगु ङिने आरे। दोकनर ह्‍यासि ह्रोंसए ल्हागिर चैदिबै छ्युगु किंन्।’

मत्ती 7:25

झाइले थेबै नाँ खैं तसि प्हलें युसि च धिंए फिर उँयाँलेया च धिं आफु। तलेबिस्याँ च धिं गैरु जग तासि पारा फिर बनेल।

मत्ती 7:26

“दिलेया खाबइ ङए ताँ थेसेया आङिं, च म्‍हि बालुवाए फिर धिं लबै बुद्धि आरेबै म्‍हि धों तब् ग।

लूका 11:28

दिलेया येशूजी च च्हमिरिने बिइ, “ओ नानि, ङए ताँ थेद्! परमेश्‍वरए ताँ थेसि खीजी बिब् म्हाँदिबै म्‍हिइ झन् आशिक योंब्मुँ।”

यूहन्‍ना 13:17

क्‍हेमैंइ चु ताँ क्होसि छलेन् लइ बिस्याँ क्हेमैं ङ्‌हो सब्मैं तब्मुँ।

यूहन्‍ना 14:15

“क्‍हेमैंइ ङलाइ म्हाँया लम् बिस्याँ ङइ बिबै ताँमैं या ङिंब्‍मुँ।

यूहन्‍ना 15:10

ङए आबाए ताँमैं ङिंसि खीए म्हाँयार ङ टिरिब् धोंले क्हेमैंइ ङइ बिबै ताँमैं ङिंइ बिस्याँ क्हेमैं ङए म्हाँयार टिरिब्मुँ।

यूहन्‍ना 15:14

ङइ बिबै ताँमैं क्हेमैंइ लइ बिस्याँ क्हेमैं ङए खोबै थुमैं तब्मुँ।

रोमी 2:13

तलेबिस्याँ ठिमर प्ह्रिबै ताँमैं थेइरि मत्‍त्रे परमेश्‍वरए उँइँरि ठिक आठर्दि, चर प्ह्रिब् धोंले प्रब्मैं मत्‍त्रे परमेश्‍वरए उँइँर ठिक ठर्दिम्।

१ यूहन्‍ना 2:3

परमेश्‍वरजी बिबै ताँ ङ्योइ ङिंइ बिस्‍याँ क्ह्रोंसेंन खीलाइ ङो सेन बिसि ङ्योइ था सेम्।