मत्ती 7:20 - परमेश्‍वरए ताँ तमु क्युइर

²⁰ छले परमेश्‍वरए ताँर स्योर ताँ कोंसि पोंब्मैंइ लबै केमैं म्रोंसि क्‍हेमैंइ चमैंलाइ ङो सेब्मुँ।

मत्ती 7:20 ပူးပေါင်းရင်းမြစ်များ

मत्ती 12:33

“छ्याँबै रोमैं रोबै ल्हागिर धुँ या छ्याँबन् तल् त्हुम्, धुँ आसोबर्दिस्‍याँ रोमैं या छ्याँब आरो। रोउँइँलेन् धुँ छ्याँब नेरो आछ्याँब फेलम्।

मत्ती 7:16

चमैंइ लबै केमैं म्रोंसि क्‍हेमैंइ चमैं ङो सेब्मुँ। पुजुए धुँउँइँले अँगुर टोंम् रो वा? छलेन क्ह्रुए धुँउँइँले तुँबुए रो टोंम् रो वा?

लूका 6:44

सिं धुँ खैब मुँ, रो या छाबन् तम्। रो म्रोंसि सिं धुँ खैब मुँन बिब था सेम्। पुजुए धुँउँइँले म्‍हिमैंइ तुँबुए रो थुल् आखाँ, छलेन पुलुए धुँउँइँले पलाँ थुल् आखाँ।

चेला चिब्मैंए केमैं 5:38

छतसि तोगोबै चु ताँए बारेर ङ क्हेमैंने बिमुँ, चु म्हिमैंउँइँले स्योले टिद्, धै चु म्हिमैंलाइ पिवाद्। तलेबिस्याँ चुमैंए ताँ नेरो केए चाँजो म्हिमैंउँइँले मुँस्याँ चमैंए मिं क्रन् म्हयाब्मुँ।

याकूब 3:12

ओ ङए अलि-अङाँमैं, तुँबु धुँर जैतुनए रो रोल् खाँम्‍मा? धै अँगुरए धुँर तुँबुए रो रोल् खाँम्‍मा? आखाँ! छलेन काँबै क्‍युए मूलउँइँले लिंबै क्‍यु त्होंल् आखाँ।