मत्ती 7:2 - परमेश्‍वरए ताँ तमु क्युइर

² तलेबिस्याँ खैले क्हेमैंइ आगुए फिर छ्याब् ल्‍हैदिमुँ। छलेन परमेश्‍वरजी क्‍हेमैंए फिर छ्याब् ल्‍हैदिब्मुँ। क्‍हेमैंइ खैले क्होंएँमुँ, छलेन क्‍हेमैंलाज्यै या क्‍होंएँब्‍मुँ।

मत्ती 7:2 ပူးပေါင်းရင်းမြစ်များ

भजनमैं 109:17

चइ खैले आगुए फिर सराप झोंइ, छलेन चए फिर सराप ल्हैदिरिगे; चइ आगुए फिर आशिक पिंब आखोमल, छतसि चइ आशिक आयोंरिगे!

प्रस्थान 21:24

छलेन मिए खि मि, सए खि स, योए खि यो, प्हलेए खि प्हले,

मत्ती 6:14

“तलेबिस्याँ क्हेमैंए फिर आछ्याँब् लब्मैंलाइ क्हेमैंइ क्षमा लइ बिस्‍याँ स्वर्गर मुँबै क्हेमैंए परमेश्‍वर आबाज्‍यै या क्‍हेमैं क्षमा लमिंब्‍मुँ।

मर्कूस 4:24

येशूजी चमैंने बिइ, “क्‍हेमैंइ तो थेमुँ, च ताँ छेन्‍ले थेद्: तलेबिस्याँ छेनाले थेस्याँ क्‍हेमैंइ ल्हें क्होल् खाँब्मुँ धै झन् ल्हें क्होल् योंब्मुँ। दिलेया छेनाले आथेस्याँ ल्हें क्होल् आखाँ।

लूका 6:38

ह्रोंसने मुँबै सैमैं अरूलाज्यै या पिंन् छलस्याँ खाँदि-खाँदिसि, म्‍युरुरुले ङेयाल्‍ले परमेश्‍वरजी झन् ल्हें सैमैं क्हेमैंलाइ पिंब्‍मुँ। क्‍हेमैंइ खैले क्‍होंएँसि पिमुँ, छलेन परमेश्‍वरजी क्‍हेमैंलाज्यै या क्हों‍एँसि पिंब्‍मुँ।”

२ कोरिन्थी 9:6

खाबइ च्‍युगुदे प्‍लु प्‍लुमुँ चइ च्‍युगुदेन् रा-रोमैं खुब्‍मुँ, खाबइ ल्हें प्‍लु प्‍लुमुँ चइ ल्‍हेन् खुब्‍मुँ।

याकूब 2:13

अरूए फिर ल्हयो आखबै म्‍हिए फिर परमेश्‍वरज्यै या ल्हयो खरिब् आरे। दिलेया अरूए फिर ल्हयो खइ बिस्‍याँ, परमेश्‍वरजी निसाफ लमा क्‍हेमैं फिरै या ल्हयो खमिंब्‍मुँ।

दर्शन 18:6

चइ खै लल चने छान् लद्, चइ तिल दुःख पिंल, क्हिइ ङ्हिल दु:ख पिंन्। चइ क्हेमैंलाइ तो सैइ म्हेरल् लल च भन्दा झन् म्हेरल् लबै सैइ क्हिइ चलाइ म्हेरल् लवाद्।