मत्ती 7:14 - परमेश्‍वरए ताँ तमु क्युइर

¹⁴ खोंयोंइ आखाँबै छ्ह योंबै म्रा रुब तमुँ, चु घ्‍याँर प्रब बेल्‍ले गारो तमुँ, च्युगुदे म्हिमैंइ मत्‍त्रे चु खोंयोंइ आखाँबै छ्ह योंबै घ्‍याँ स्‍याम्!

मत्ती 7:14 ပူးပေါင်းရင်းမြစ်များ

भजनमैं 16:11

क्हिजी खोंयोंइ आखाँबै छ्ह योंबै घ्याँ ङलाइ उइमिंइमुँ; क्हिने त्होमा ङए सैं बेल्‍ले तोंन् लमिंब्मुँ; क्हिए क्योलो योर खोंयोंन् बिलै सैं तोंल् योंम्।

हितोपदेश 8:20

ङ ठिक घ्याँर प्रम्, धै ठिक निसाफ लम्,

मत्ती 20:16

“छलेन लिलिबै ओंसों तब्मुँ धै ओंसोंबै लिलि तब्‍मुँ।”

मत्ती 22:14

“तलेबिस्याँ हुइब्मैं ल्‍हें मुँ, त्हाँब्मैं बिस्याँ च्‍युगुदे मत्‍त्रे मुँ।”

मत्ती 7:13

“क्हेमैं रुबै म्राउँइँले न्‍होंर होंन्, तलेबिस्याँ नर्गर बोबै म्रा प्‍ल्‍हाब नेरो कर योंब घ्याँ तमुँ, च घ्‍याँर प्रब्‍मैं ल्‍हें तम्।

मत्ती 7:15

“झाइले परमेश्‍वरए ताँमैं स्योर ताँ पोंब्मैंउँइँले न्हक्रों मि क्रोंले टिद्। चमैं क्‍हेमैंए उँइँर क्‍यु धोंले खमुँ, दिलेया सैं न्‍होंनों बिस्‍याँ बनर्बै ङ्हिंन् ङ्हाँबै प्‍याँगु धों तम्।

मर्कूस 8:34

झाइले येशूजी खीए चेलामैं नेरो म्हिए हुल खी ङाँर हुइसि बिइ, “खाब् मुँलेया ङने बालु प्रबै सैं मुँ बिस्‍याँ चइ ज्युए म्हाँया आलरिगे बरु क्रूस नोसि ङने बालु प्ररिगे।

लूका 12:32

ओ ङए च्‍युगुथिरि बगाल, आङ्हिंन्। तलेबिस्याँ क्हेमैंए परमेश्‍वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।

यूहन्‍ना 16:2

म्हिमैंइ क्हेमैं यहूदीमैंए च्हों धिंउँइँले तेवाब्मुँ। क्हेमैंलाइ सैब्मैंइ परमेश्‍वरए सेवा लसिन् मुँ बिसि मैंबै त्हे खसिन् मुँ।

यूहन्‍ना 16:33

“क्हेमैं ङने बालु टिमा छिं ङ्हाँरिगे बिसि ङइ क्हेमैंने चु ताँमैं बिइमुँ। ह्‍युलर मुँमा क्हेमैंलाइ दुःख तब्मुँ, दिलेया सैं थेब लद्। ङइ ह्‍युललाइ ट्होवाइमुँ।”

चेला चिब्मैंए केमैं 14:22

चमैंइ च क्ल्ह्‍योर्बै चेलामैंए सैं भोंब् लमिंदै “खोंयोंन् बिलै परमेश्‍वरए ताँर बिश्‍वास लसि टिरिद्,” बिसि अर्थि पिंइ, धै “परमेश्‍वरए ग्याल्सर होंबै ल्हागिर ङ्योइ ल्हें दुःख सैदिल् त्हुम्,” बिबै ताँ या लोमिंइ।

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

रोमी 9:32

तले आखाँ बिस्‍याँ चमैंइ बिश्‍वास आलल्‍ले धर्म‍-कर्म लसि परमेश्‍वरए उँइँर ठिक ठर्दिम् बिसि मैंरिल। छतसि चमैंए ल्हागिर येशू ख्रीष्‍ट प्हले थुरबै युँमा धोंन् तइ।