मत्ती 6:6 - परमेश्‍वरए ताँ तमु क्युइर

⁶ छतसि क्‍हेमैंइ प्राथना लमा ह्रोंसए कोठा न्‍होंर होंनु, धै म्रा तोरसि आम्रोंल्‍ले मुँबै परमेश्‍वर आबाने प्राथना लद्। आम्रोंल्‍ले लबै केमैं म्रोंबै परमेश्‍वर आबाजी क्‍हेमैंलाइ इनाम पिंब्‍मुँ।

मत्ती 6:6 ပူးပေါင်းရင်းမြစ်များ

भजनमैं 34:15

याहवेहजी ठिक के लब्मैंए फिर मि छरिमुँ धै चमैंए ताँ थेम्।

हितोपदेश 25:22

छलमा चए क्रर लुँरिबै मि भुर कुवाब् धों तब्मुँ, धै याहवेहजी क्हिलाइ इनाम पिंब्मुँ।

मत्ती 14:23

चमैं कुलल् खाँबै लिउँइँ येशू खी घ्रिन् कोंर प्राथना लबर ह्‍याइ। ङेसा तयालेया खी घ्रिन् कोंर्न मुँल।

मत्ती 6:18

‘क्हिइ बर्त टिमा’ म्हिमैंइ म्रोंरिगे बिसि आङिं। दिलेया क्‍हेमैंए परमेश्‍वर आबाजी म्रोंरिगे। आम्रोंन्ले लबै के म्रोंबै परमेश्‍वर आबाजी क्हेमैं इनाम पिंब्‍मुँ।

मत्ती 6:4

क्‍हिइ दान पिंमा खाबज्यै या आसेल्‍ले पिंन्। आम्रोंल्‍ले पिंब् म्रोंबै क्‍हिए आबाजी क्‍हिलाइ इनाम पिंब्‍मुँ।

यूहन्‍ना 1:48

नथानेलइ खीने ङ्योएइ, “क्‍हिजी ङ खैले ङो सेइ?” येशूजी बिइ, “फिलिपइ क्हि हुइब् भन्दा ओंसोंन् ङइ क्‍हि तुँबुए धुँ न्‍होंर म्रोंल।”

यूहन्‍ना 20:17

येशूजी चने बिइ, “ङ आछुइद् तलेबिस्याँ ङ तोगो समा आबा ङाँर आह्‍याइमुँ। बरु ङए अलिमैं ङाँर ह्‍यासि चमैंने ‘तारे ङ ङए आबा, क्हेमैंए आबा, धै ङए परमेश्‍वर, क्हेमैंए परमेश्‍वर ङाँर ह्‍यासिन् मुँ’ बिसि ङए ताँ बिमिंन्।”

चेला चिब्मैंए केमैं 10:30

झाइले कर्नेलियसइ बिइ, “प्लिरो ओंसों सों ह्राबै त्हेजरे ङ धिंर प्राथना लरिमा फोस्रे ब्योंबै क्वें खिबै म्हि घ्रि ङए उँइँर रासि

चेला चिब्मैंए केमैं 10:9

प्‍हँन्हाँग्धों त्हिंइर्बै च्युसे ङ्हिं ह्राबै त्हेजरे चमैं योप्‍पा सहरए चेंदो फेखइ। च त्हेजरे पत्रुस प्राथना लबर धिंए आडि फिर ह्‍याइ।

चेला चिब्मैंए केमैं 9:40

झाइले पत्रुसइ चमैं ताँन् बैरु कुल्मिंसि च्हि तुँसि परमेश्‍वरने प्राथना लइ। धै च सिनु ङाँइ तोसि, “तबिता, रेद्!” बिमा चइ मि ङ्‍ह्‍योइ, झाइले पत्रुस म्रोंसि रेसि क्हुँइ।

रोमी 8:5

छ्ह थोबै तरिका ङ्हिं मुँ: घ्रि, ह्रोंसए ओंसोंबै बानि अनुसार प्रब्मैंए सैं ओंसोंबै बानिए इच्‍छार्न ह्‍याम्। अर्को, परमेश्‍वरए प्ल्हजी बिब् धोंले प्रब्मैं खीए प्ल्हए इच्‍छार्न सैं ह्‍याम्।

एफिसी 3:14

छतसि ङ च्हि तुँसि परमेश्‍वर आबालाइ फ्योम्।