मत्ती 6:5 - परमेश्‍वरए ताँ तमु क्युइर

⁵ “झाइले क्हेमैंइ प्राथना लमा फिब्लो पार्दिब्मैंइ धोंले सुँइ स्यो सैंइ स्योले आलद्। चमैंइ अरू म्‍हिमैंइ म्रोंरिगे बिसि च्हों धिंजरे नेरो घ्याँए रेजरे रासि प्राथना लम्। ङ क्ह्रोंसेंन क्हेमैंने बिमुँ, चमैंइ योंल् त्हुबै इनाम योंल् खाँइमुँ।

मत्ती 6:5 ပူးပေါင်းရင်းမြစ်များ

भजनमैं 5:2

ओ ङए म्रुँ, ङए परमेश्‍वर, ङ क्हिनेन् प्राथना लम्, छतसि ङइ ग्वार ह्रिमा थेमिंन्।

भजनमैं 55:17

न्हाँगर, त्हिंयाँर, ङेसर, कति त्हेर्न बिलै ङए दुःखर ङइ खीने ग्वार ह्रिमा खीजी ङए ताँ थेब्मुँ।

हितोपदेश 15:8

दुष्‍ट म्हिइ पिंबै ख्रो याहवेहजी आखो, दिलेया सोजो म्हिइ लबै प्राथना थेसि खी सैं तोंम्।

हितोपदेश 16:5

याहवेहजी थेब् प्हैंब्मैं तिफुँइ आखो; चमैंइ खैले बिलैया दण्ड योंब्मुँ।

मत्ती 21:22

क्हेमैंइ परमेश्‍वरए फिर बिश्‍वास लसि प्राथनानर तो सै ह्रिलेया योंब्‍मुँ।”

मत्ती 23:13

“धिक्‍कार मुँ, शास्‍त्रिमैं नेरो फरिसीमैं, क्‍हेमैं फिब्लो पार्दिब्मैं! स्‍वर्गर्बै ग्याल्सर होंल् म्हैबै म्‍हिमैंलाइ क्‍हेमैंइ म्रा तोरवाम्। क्‍हेमैं ह्रोंसै या आहों, होंल् म्‍हैब्‍मैंलाज्यै या होंल् आपिं।

मत्ती 23:5

दिलेया चमैंइ ह्रोंसइ लबै केमैं म्हिमैंइ म्रोंरिगे बिसि उँइँम्। ङि धर्मि ग बिसि उँइँबै ल्हागिर चमैंइ ठिमर्बै ताँमैं थेंबै बट्टामैं थे-थेब लसि ङ्‍हो नेरो यो पाख्रार खिम्, छलेन ह्रोंसइ खिबै क्‍वेंर ह्रिंग्यो ह्रिंग्यो झुम्कामैं च्योसि खिम्।

मत्ती 23:6

भत्यारजरे ह्‍यामा चमैंइ धाँसे मान योंबै क्‍ल्‍ह्‍यो म्‍हैमुँ। धै चिब प्हैंसि च्हों धिंर ओंसोंबै क्‍ल्‍ह्‍योजरे टिदा ङ्हाँम्।

मत्ती 6:1

“छेनाले मैंन्, क्हेमैंइ धर्मए केमैं लमा म्‍हिमैंइ म्रोंरिगे बिसि चमैंए उँइँर आलद्। छ लस्याँ स्वर्गर मुँबै क्‍हेमैंए परमेश्‍वर आबाउँइँले क्हेमैंइ तोइ इनाम योंरिब् आरे।

मत्ती 6:16

“झाइले क्‍हेमैं बर्त टिमा फिब्लो पार्दिब्मैंइ धोंले लि छुले आटिद्। तलेबिस्याँ म्हिमैंने ‘बर्त टिइमुँ’ बिसि उँइँबर चमैंइ लि छु लम्। क्ह्रोंसेंन ङ क्हेमैंने बिमुँ चमैंइ योंल् त्हुबै इनाम योंल् खाँइमुँ।

मत्ती 6:2

“छतसि क्‍हेमैंइ दान पिंमा च्हों धिंजरे नेरो घ्‍याँजरे ‘ङइ छ लइ छु लइ’ बिदै आप्रद्। छलेम् फिब्लो पार्दिब्मैंइ खेंमैंइ लबै छ्याँबै केमैं म्‍हिमैंइ म्रोंरिगे बिसि छ्याँब् प्हैंदा ङ्हाँब्मैंइ घ्याँजरे उँइँ प्रम्। ङ क्ह्रोंसेंन क्हेमैंने बिमुँ चमैंइ योंल् त्हुबै इनाम योंल् खाँइमुँ।

मत्ती 9:38

छतसि रा-रोमैं खुबै म्रोंमैं कुल्‍मिंन् बिसि रोमैंए क्‍ल्‍हेने प्राथना लद्।”

मर्कूस 11:25

झाइले स्‍वर्गर टिबै परमेश्‍वर आबाजी क्‍हेमैंइ लबै पाप क्षमा लमिंरिगे बिसि क्‍हेमैंइ प्राथना लमा खाब्ने या तोइ आक्‍ह्रिबै ताँमैं मुँस्‍याँ च म्‍हिलाइ क्षमा पिंन्।

मर्कूस 12:38

येशूजी ताँ लोमिंमा छले बिइ, “शास्त्रिमैंने न्हक्रों मिक्रोले टिद्। चमैं म्‍हिमैंइ मान् लरिगे बिसि ह्रिंग्‍यो क्‍वें खिसि सहरजरे छाइ माइ प्ररिम्।

लूका 11:43

“धिक्‍कार मुँ फरिसीमैं क्‍हेमैं सैं क्रोल् त्‍हुम्! क्‍हेमैं च्हों धिंजगोर ह्‍यामा मान योंल् त्हुबै क्‍ल्‍ह्‍योर क्हुँल् म्‍हैमुँ! धै बजारजरे ह्‍यामै या म्‍हिमैंइ मान लसि म्हाँदिरिगे ङ्हाँम्।

लूका 18:1

चेलामैं खोंयोंन् बिलै प्राथना लरिगे धै सैं च्योंब आलरिगे बिबै सैंले येशूजी अहान् घ्रि बिइ।

लूका 18:13

“दिलेया च बालि रेबै म्‍हि ह्रेंगोन् रासि ‘ङम् स्वर्गउँइँ ङ्‌ह्‍योबै लायकर्बै आरे’ ङ्हाँइ। धै सैं च्योंने लदै ह्रोंसए तिंर ठौदिदै ‘ओ परमेश्‍वर, ङ पापि म्‍हि ग। ङए फिर ल्हयो खमिंन्,’ बिइ।

लूका 20:47

चमैंइ म्हरेस्‍योमैंए धिं नाँ लुडिमुँ। दिलेया म्‍हिमैंए उँइँरि बिस्याँ बेल्‍ले प्राथना लब् प्हैंम्। छाब्‍मैंइ झन् थेबै सजैं योंब्‍मुँ।”

लूका 6:24

दिलेया धिक्‍कार क्हेमैं तोगो प्लब्‍मैं! सै न्होरए लिलि प्रब्‍मैं क्हेमैंइ परमेश्‍वरए ग्याल्सर तोइ योंरिब् आरे। तलेबिस्याँ क्‍हेमैंइ सुख योंल् खाँइमुँ।

यूहन्‍ना 16:24

तोगो समा ङए मिंरि क्‍हेमैंइ आबाने तोइ आह्रिइमुँ। तारे ह्रिद् क्‍हेमैंइ योंब्मुँ। झाइले क्‍हेमैं बेल्‍ले सैं तोंल् योंब्‍मुँ।

एफिसी 6:18

च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

१ थेसलोनिकी 5:17

खोंयोंन् बिलै परमेश्‍वरने प्राथना लरिद्।

याकूब 4:6

दिलेया खीजी अझै दयाम्हाँया लम्। छतसि परमेश्‍वरए छ्वेर छले बिइमुँ, “थेब् प्हैंब्मैंलाइ खीजी आखो, दिलेया च्योंने तब्मैंए फिर दयाम्हाँया लम्।”