मत्ती 6:13 - परमेश्‍वरए ताँ तमु क्युइर

¹³ ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

मत्ती 6:13 ပူးပေါင်းရင်းမြစ်များ

उत्पत्ति 22:1

तिस्याँदे लिउँइँ परमेश्‍वरजी अब्राहामए थेबै जाँच लसि चने बिइ, “ओ अब्राहाम।” चइ बिइ, “होइ, ङ चुर्न मुँ।”

भजनमैं 10:16

याहवेह खोयोंन् बिलै तरिबै म्रुँ ग, छतसि खीए फिर बिश्‍वास आलबै ह्रेंमैं खीए ह्‍युलउँइँले नास तयाब्मुँ।

भजनमैं 106:48

इस्राएलए याहवेह परमेश्‍वर खोंयोंन् बिलै थेब् तरिगे! धै ताँन् म्हिमैंइ “आमेन” बिरिगे। याहवेहए मिं थेब् लद्!

भजनमैं 22:28

तलेबिस्याँ ताँन् ह्रेंमैंए म्रुँ क्हिन् ग, क्हिजीन् खन्तोंदोंन् ग्याल्स लम्।

भजनमैं 41:13

इस्राएलए याहवेह परमेश्‍वरए मिं खोंयोंन् बिलै थेब् तरिगे। आमेन। छान् तरिगे।

भजनमैं 47:2

तलेबिस्याँ ताँन् भन्दा थेबै याहवेहने बेल्‍ले ङ्हिंल् त्हुब मुँ, पृथ्बी तिगोंर्बै थेबै म्रुँ खीन् ग।

भजनमैं 47:7

तलेबिस्याँ ह्‍युल तिगोंर्बै म्रुँ परमेश्‍वरन् ग; छतसि खीए मिं थेब् लबै भजन प्रिंन्।

भजनमैं 72:19

खीए थेबै मिं खोंयोंन बिलै क्वेरिगे; पृथ्बी तिगोंन् म्हिमैंइ खीए थेबै के म्रोंरिगे! आमेन नेरो आमेन!

भजनमैं 89:52

याहवेहए मिं खोंयोंन् बिलै थेब् तरिगे! आमेन धै आमेन।

प्रस्थान 15:18

याहवेहजी खोंयोंइ बिलै ग्याल्स लरिब्मुँ।”

हितोपदेश 30:8

स्योर तेब नेरो लुबै ताँमैं ङउँइँले ह्रेंगो थेंमिंन्; धै ङ ङ्हाँदु आलमिंन्, प्लबै या आलमिंन्; दिलेया ङए ल्हागिर चैदिबै चबै सै पिंन्।

मत्ती 26:41

दुष्‍टए ङोर आफेरिगे बिसि न्हरु आच्हुइनाले प्राथना लद्। क्ह्रोसेंन सैंरम् खाँलै ङ्हाँमुँ, ज्यु बिस्याँ आखाँ।”

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”

मत्ती 5:37

क्हेमैंइ पोंबै ताँमैंर ‘ङिंब् मुँस्याँ ङिंबन् बिदु, आङिंब् मुँस्याँ आङिंबन् बिद्।’ चु भन्दा ल्हें दुष्‍टउँइँले खम्।

मत्ती 6:10

क्हिए ग्याल्स युरिगे, स्‍वर्गर धोंले क्‍हिए सैंर मैंबै के पृथ्‍बीरै पूरा तरिगे।

यूहन्‍ना 17:15

क्हिजी चमैं चु ह्‍युलउँइँले बोमिंन् बिसि ङ यो छ्युँ आल। दिलेया दुष्‍टउँइँले जोगेमिंन् बिसि ङ यो छ्युँ लम्।

१ कोरिन्थी 10:13

म्हिए फिर तखबै जाँच बाहेक अरू जाँच क्‍हेमैंए फिर आतइमुँ। दिलेया परमेश्‍वर भर लल् खाँब मुँ, खीजी फैबै बाछा पूरा लम्। छतसि क्‍हेमैंइ सैदिलै आखाँबै जाँचर खीजी फेल् आपिं। जाँचर फेमा सैदिल् खाँरिगे बिसि खीजी क्हेमैंलाइ जाँचउँइँले स्योरल् खाँबै घ्याँ या पिंमुँ।

१ कोरिन्थी 14:16

क्‍हिइ पबित्र प्ल्हजी पिंबै आक्होबै क्युइर परमेश्‍वरलाइ धन्‍यबाद पिंइबिस्‍याँ अरू म्‍हिमैंइ “आमेन,” अथवा छान तरिगे, बिल् आखाँ। तलेबिस्याँ क्‍हिइ तो बिइमुँ बिसि चमैंइ आक्‍हो।

२ कोरिन्थी 1:20

तलेबिस्याँ परमेश्‍वरजी लबै ताँन् बाछामैं येशू ख्रीष्‍टर पूरा तम्। छतसि परमेश्‍वरए थेबै मानए ल्हागिर “येशू ख्रीष्‍टए मिंउँइँले छान् तरिगे” बिसि ङ्योइ बिल् खाँम्।

गलाती 1:4

चु जुगर्बै आछ्याँबै शक्‍तिउँइँले ङ्योलाइ फ्रेमिंबै ल्हागिर येशू ख्रीष्‍टजी ङ्योए आछ्याँबै केए सजैं नोइ। ङ्योए परमेश्‍वर आबाए सैंर मैंब् धोंले खीजी ह्रोंसलाइन ङ्योए ल्हागिर सुम्पिदिइ।

१ थेसलोनिकी 1:10

झाइले स्वर्गउँइँले युबै परमेश्‍वरए च्‍ह खोंयों युब् ङ्‍हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।

२ थेसलोनिकी 3:3

दिलेया प्रभु येशू भर पर्दिब् मुँ। खीजी क्‍हेमैंए सैं भोंब् लमिंब्मुँ धै दुष्‍टउँइँले जोगेमिंब्‍मुँ।

१ तिमोथी 1:17

छतसि खोंयोंन् बिलै तरिबै म्रुँ, खोंयोंइ नास आतब, नेरो म्रोंल आखाँबै घ्रि मत्‍त्रे परमेश्‍वर खीलाइन खोंयोंन् बिलै मान, इजेत नेरो महिमा तरिगे। आमेन, छान् तरिगे!

हिब्रू 11:36

कोइलाइ म्हिमैंइ सँउँलिइ फैसि झेलर च्युवाब, बिल्‍लि लब, कोर्राए प्रुब ताँन् सैदिल।

१ पत्रुस 5:8

बरु न्ह क्रों मि क्रोंले टिद्, तलेबिस्याँ क्‍हेमैंए शत्तुर दियाबलस बिबै दुष्‍ट खाबलाइ सैसि चब् ङ्‍हे बिसि सिंह धोंले बेल्‍ले थेबै कै तेदै स्युर प्रम्।

२ पत्रुस 2:9

छले खीजी बिबै ताँ ङिंब्मैंलाइ प्रभुजी दुःखउँइँले जोगेमिंल् खाँम्, धै दुष्‍टमैंलाइ दण्ड पिंबै ल्हागिर निसाफ लबै त्हिंइ समा खीजी फैथेंल् खाँम्।

१ यूहन्‍ना 3:8

दुष्‍टइ ओंसों ओनोंन् पाप लइमुँ, छतसि पाप लरिबै म्हि दुष्‍टए म्हि ग। दुष्‍टइ लबै पाप केमैं नास लवाबर परमेश्‍वरए च्‍ह ह्‍युलर युब् ग।

दर्शन 1:18

सोगों परमेश्‍वर ङन् ग। ङ सियाल, दिलेया तारे ङ खोंयोंइ बिलै सोरिम्। काल नेरो म्‍हि प्‍ल्‍हमैं नाँसर्बै साँजु नेरो हग ङने मुँ।

दर्शन 19:1

छ तबै लिउँइँ स्‍वर्गर म्‍हिए हुलइ थेबै कैले छ बिरिब ङइ थेइ, “परमेश्‍वरए मिं थेब तरिगे! खीए मान तरिगे! तलेबिस्याँ खीए शक्‍तिजी ङ्योलाइ जोगेथेंइमुँ,

दर्शन 19:4

झाइले ङ्हिस्युसे प्लि चिब्मैं नेरो सो प्ह्‍याबै सै प्‍लिइ राजगद्दिर टिरिबै परमेश्‍वरलाइ पद्खुले फ्‍योसि बिइ, “आमेन। परमेश्‍वरए मिं थेब तरिगे!”

दर्शन 2:10

क्हेमैंए फिर खबि छेबै दुःखने आङ्हिंन्। थेद्, क्‍हेमैंलाइ पापर च्होवाबै ल्हागिर दुष्‍टइ को-कोइलाइ झेलर झोंब्‍मुँ। क्‍हेमैंलाइ च्‍युगैं मत्‍त्रे दुःख तब्‍मुँ। दिलेया क्‍हेमैं आसिन् समा ङए फिर बिश्‍वास लरिद्, छलस्याँ ङइ क्‍हेमैंलाइ इनामर खोंयोंइ आखाँबै छ्ह पिंब्मुँ।

दर्शन 21:4

खीजी चमैंए मिग्लि योगुर्ले फ्‍योमिंब्‍मुँ। च त्हेसेरो खाबै आसि, शोक आत, क्रोब-म्‍होब नेरो दुःख कष्‍ट खोंयोंइ या आत। ओंसोंबै ताँन् सैमैं म्हयाल् खाँइमुँ।”

दर्शन 3:10

पृथ्‍बीर्बै ताँन् म्हिलाइ जाँच लबर दुःख तबै त्हे खब्‍मुँ। दिलेया ङइ ‘ढुक्‍कले सैदिद्’ बिमा क्‍हेमैंइ ङिंइ, छतसि च जाँच लबै त्हेर खबै दु:खउँइँले ङइ क्‍हेमैंलाइ जोगेमिंस्‍यो।

दर्शन 3:14

“लाउडिकिया नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “भर लल् खाँब नेरो क्ह्रोंसेंन्बै ग्वाइ पिंबै येशूजी चु ताँ बिइमुँ: ङउँइँले परमेश्‍वरजी तोन्दोंरि सै बनेइमुँ, छतसि ङ आमेन ग।

दर्शन 5:13

छलेन स्‍वर्गर, पृथ्‍बीर, क्रोंर, मा ङ्युँइर, खन्तोंदोंन् मुँबै सो प्ह्‍याबै सैमैंइ “राजगद्दिर क्हुँबै परमेश्‍वर नेरो क्‍यु च्हजलाइ धन्‍यबाद, थेबै मान नेरो भों खोंयोंन् बिलै तरिगे।” बिसि क्वे प्रिंब ङइ थेइ।