मत्ती 6:10 - परमेश्‍वरए ताँ तमु क्युइर

¹⁰ क्हिए ग्याल्स युरिगे, स्‍वर्गर धोंले क्‍हिए सैंर मैंबै के पृथ्‍बीरै पूरा तरिगे।

मत्ती 6:10 ပူးပေါင်းရင်းမြစ်များ

भजनमैं 2:6

“सियोन बिबै ङए पबित्र कोंर ङइ ह्रोंसए म्रुँ थेंइमुँ,” बिसि खीजी बिम्।

भजनमैं 40:8

ओ ङए परमेश्‍वर, क्हिजी ङने ल्हैदिबै के ङइ सैं तोंन्ले लम्, तलेबिस्याँ क्हिए ठिम ङए सैंर मुँ।”

मत्ती 12:50

तलेबिस्याँ स्वर्गर मुँबै ङए परमेश्‍वर आबाए सैंर मैंब् धोंले लब्मैंन् ङए अलि, ङए अङाँ, ङए आमा ग।”

मत्ती 16:28

क्ह्रोंसेंन ङ क्हेमैंने बिमुँ, चुर मुँब्मैं न्होंरि कति म्हिइ म्हिए च्ह खीए ग्याल्सर युरिब आम्रोंन् समा सिरिब् आरे।”

मत्ती 26:42

धबै ङ्हिखेबै लारै या येशू ह्‍यासि छले प्राथना लइ, “ओ ङए आबा, चु दुःख ङइ आनोसि आत बिस्याँ क्‍हिए सैंर मैंब् धोंन् तरिगे।”

मत्ती 3:2

“पाप लब् पिसि परमेश्‍वरउँइँ सैं एद्, तलेबिस्याँ स्‍वर्गर्बै ग्याल्स चेंदोन् खइमुँ।”

मत्ती 4:17

येशू कफर्नहुम नाँसर टिबै त्हे ओंनोंन् म्हिमैंने “पाप केमैं लब् पिसि परमेश्‍वरउँइँ सैं एद्, तलेबिस्याँ स्‍वर्गर्बै ग्याल्स (राज्‍य) चेंदोन् खइमुँ बिबर होंइ।”

मत्ती 7:21

“सुँइ मत्‍त्रे ङने ‘प्रभु, प्रभु,’ बिसि ङए मिं किंब्‍मैं स्‍वर्गर्बै ग्याल्सर होंल् योंरिब् आरे। स्वर्गर मुँबै ङए परमेश्‍वर आबाजी बिब् धोंले के लब्मैं मत्‍त्रे होंल् योंब्‍मुँ।

मर्कूस 11:10

“ङ्योए खे दाऊद म्रुँए ग्याल्स धबै तखसिन् मुँ। च ग्याल्सए फिर परमेश्‍वरजी आशिक पिंरिगे! धाँसे थेबै परमेश्‍वरए जय जय तरिगे!”

मर्कूस 3:35

तलेबिस्याँ परमेश्‍वरजी बिब् धोंले लब्मैंन् ङए अलि, अङाँ, नेरो आमा ग।”

लूका 19:11

येशू यरूशलेम सहर चेंदो फेख‍मा म्‍हिमैंए सैंर “परमेश्‍वरजी ग्याल्स लबै त्‍हे युनन् तबि छेना बिब् मैंसि खीए ताँ थेरिल। छतमा येशूजी चमैंने परमेश्‍वरए ग्याल्सए बारेर्बै ताँ अहानउँइँले बिइ।”

लूका 19:38

“परमेश्‍वए मिंर युबै म्रुँ बेल्‍ले थेब मुँ। स्वर्ग नेरो पृथ्‍बीर शान्ति तरिगे। खीए मिं खोंयोंन् बिले थेब् तरिगे,” बिदै ओरइ।

लूका 22:42

“ओ आबा, क्‍हिए इच्छा मुँस्‍याँ ङ ङाँइँले चु दुःख स्‍योमिंन्। दिलेया ङए इच्छा आङिं, क्‍हिए इच्छा पूरा तरिगे।”

यूहन्‍ना 4:34

येशूजी चमैंने बिइ, “ङलाइ कुल्मिंबै परमेश्‍वर आबाजी बिब् ङिंब नेरो खीजी पिंबै के खाँन् लबन् ङए चबै सै ग।

यूहन्‍ना 6:40

खीए च्ह ङाँइ ङ्‍ह्‍योसि खीए फिर बिश्‍‍वास लब्‍मैं ताँनइ खोंयोंइ आखाँबै छ्‍ह योंरिगे बिब ङए आबाए सैं मुँ। झाइले ह्‍युलर्बै आखिरि त्हिंइर ङइ चमैं सोगों लमिंब्मुँ।”

यूहन्‍ना 7:17

खाबज्यै परमेश्‍वरजी बिब् धोंले के लदा ङ्हाँम् बिस्याँ, ‘ङइ लोमिंबै ताँ परमेश्‍वरउँइँले युब् उ, ह्रोंसए सैंर मैंसि पोंब् जा’ बिसि चइ सेब्मुँ।

चेला चिब्मैंए केमैं 13:22

झाइले परमेश्‍वरजी शाऊल स्योवासि दाऊदलाइ चमैंए म्रुँ तल् पिंइ। दाऊदए बारेर परमेश्‍वरजी ग्वाइ पिंसि बिइ, ‘ङए खों न्होंर मैंब् धोंबै म्हि ङइ यिशैए च्ह दाऊद योंइ। ङए सैंर मैंबै ताँन् के चइ लब्मुँ।’

चेला चिब्मैंए केमैं 21:14

ङिइ बिब खिइ आङिंमा “प्रभुए सैंर मैंब् धों तरिगे,” बिसि ङि तोइ आबिल्‍ले टिइ।

चेला चिब्मैंए केमैं 22:14

च लिउँइँ चइ ङने बिइ, ‘ङ्योए खेमैंए परमेश्‍वरजी खीए सैंर्बै ताँ क्हिइ सेल् खाँरिगे, खीए छ्याँबै के लबै येशूलाइ म्रोंल् खाँरिगे, धै खीए सुँउँइँले पोंबै ताँमैं थेल् खाँरिगे बिसि क्हिलाइ त्हाँइमुँ।

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

एफिसी 6:6

क्ल्हेमैंए उँइँर मुँमा चमैं ङाँइले स्‍याबासि योंबै ल्हागिर मत्‍त्रे के लब आङिं, ख्रीष्‍टए क्ह्रोंसेंन्बै केब्छैं केब्स्योमैंइ धोंले सैं झोंसि परमेश्‍वरए सैंर मैंबै ताँ पूरा लद्।

कलस्सी 1:13

खीजी ङ्योलाइ शैतानए मिछु खैबै ग्याल्सउँइँले फ्रेपखसि खीए खोबै च्‍ह येशू ख्रीष्‍टए ग्याल्सर पखइमुँ।

कलस्सी 1:9

छतसि च ताँ थेबै त्हिंइ सेरोन् ङिइ क्हेमैंए ल्हागिर प्राथना लब आपिइमुँ। परमेश्‍वरए पबित्र प्ल्हजी पिंबै बुद्धि नेरो क्‍होबै सैं योंसि क्हेमैंइ खीजी बिब् धोंले तो के लल् त्‍हुम् बिसि छेनाले क्‍होरिगे बिसि ङिइ यो छ्युँ लम्।

१ थेसलोनिकी 4:3

छलेन क्‍हेमैं परमेश्‍वरए सैंर मैंब् धोंले पबित्र छ्ह थोद्, धै क्हेमैं फ्रें क्ल्योंब ने रण्डि-बाजी लबउँइँले स्यो तद्।

१ थेसलोनिकी 5:18

तो तलेया परमेश्‍वरलाइ धन्‍यबाद पिंरिद्, तलेबिस्याँ क्‍हेमैं ख्रीष्‍ट येशूने बालु छ्ह थोमा परमेश्‍वरजी छान् तरिगे ङ्हाँइमुँ।

हिब्रू 1:14

स्‍वर्गदूतमैं बिब, परमेश्‍वरए सेवा लबै प्ल्हमैं ग। धै परमेश्‍वरजी येशूए फिर बिश्‍वास लसि मुक्‍ति योंब्मैं ल्होबै ल्हागिरै या चमै कुल्‍मिंम्।

हिब्रू 10:36

परमेश्‍वरजी बिब् धोंले के लब नेरो खीजी बाछा फैसि पिंम् बिबै सै योंबै ल्हागिर क्हेमैं बिश्‍वासर भोंसि तइ टिल् त्हुम्।

हिब्रू 10:7

छतसि ङइ बिइ, ‘ओ परमेश्‍वर, ङए बारेर छ्वेर प्ह्रिब् धोंले क्हिए सैंर मैंबै ताँ पूरा लबर ङ युइमुँ।’”

हिब्रू 13:21

क्‍हेमैं ताँनलाइ छ्याँबै गुनइ प्लिंमिंरिगे, धै खीए सैंर मैंब् धों तब क्हेमैंइ लल् खाँरिगे। परमेश्‍वरजी खोबै के येशू ख्रीष्‍टउँइँले खीजी क्हेमैंए म्हाँजोर लरिगे। येशूए मिं खोंयोंन् बिलै थेब तरिगे। आमेन, छान् तरिगे।

१ पत्रुस 2:15

तलेबिस्याँ क्हेमैंइ दुष्‍ट म्हिमैंए उँइँर छ्याँबे के लसि आमादुमैंए सुँ म्रुल् त्हुम् बिब परमेश्‍वरए सैं मुँ।

१ पत्रुस 4:2

धै चइ ह्रोंसए चैबै छ्ह म्हिमैंए सैंर मैंब् धोंले आङिं, परमेश्‍वरए सैंर मैंब् धोंले थोल् त्हुम्।

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।

दर्शन 12:10

झाइले स्‍वर्गर छ बिबै थेबै कै ङइ थेइ, “तारे ङ्योए परमेश्‍वरजी ह्रोंसए म्हिमैं जोगेमिंइमुँ! खीजी ह्रोंसए ग्याल्स लबै भों उँइँमुँ! तारे परमेश्‍वरजी कुल्मिंबै म्रुँ ख्रीष्‍टजी ह्रोंसए ग्याल्स लबै हग उँइँमुँ! तलेबिस्याँ ङ्योए अलि-अङाँमैंलाइ परमेश्‍वरए उँइँर त्‍हिंयाँ म्‍हुँइँस छ्याब् ल्‍हैदिबै दुष्‍ट स्‍वर्गउँइँले मिखाएलइ भ्‍योंवाइमुँ।

दर्शन 19:6

च लिउँइँ ङइ धबै कै थेइ। च कै म्‍हि हुलए कै धों तब, क्‍यु छारेए कै धों तब नेरो मु ङ्‌हेब् धों तब मुँल। च कैइ बिइ, “परमेश्‍वरए मिं थेब तरिगे! तलेबिस्याँ याहवेह ङ्योए परमेश्‍वर, ताँन् भन्दा थेबै शक्‍ति मुँबै परमेश्‍वर ग, खीजी ताँन् सैए फिर ग्याल्स लम्।

दर्शन 20:4

झाइले ङइ ठिमैं म्रोंइ। धै परमेश्‍वरजी चए फिर क्हुँब्मैंलाइ निसाफ लबै हग पिंइ। येशूए ल्हागिर ग्वाइ पिंमा नेरो परमेश्‍वरए क्ह्रोंसेंन्बै ताँ बिप्रमा सैवाब्मैंए प्‍ल्‍ह ङइ म्रोंइ। च खेदोए छाप चमैंए ङ्‌हो नेरो योर आल्‍हैदिल, झाइले च खेदो नेरो चए कुलाज्यै या चमैंइ आफ्योल। चमैं सिबउँइँले धबै सोगों तसि ख्रीष्‍टने बालुन् हजार घ्रि बर्ष ग्याल्स लइ।