मत्ती 5:6 - परमेश्‍वरए ताँ तमु क्युइर

⁶ फो ख्रेंबर कैं, क्यु पिबर क्यु म्हैब् धोंले परमेश्‍वर म्हैब्मैंइ आशिक योंब्मुँ, तलेबिस्याँ चमैंए सैंर मैंब योब्मुँ।

मत्ती 5:6 ပူးပေါင်းရင်းမြစ်များ

भजनमैं 107:9

तलेबिस्याँ खीजी क्यु पिब्मैंलाइ क्यु पिब सल् लमिंम्, धै फो ख्रेंब्मैंलाइ लिंब् लिंबै सैमैंइ म्रेंल् पिंम्।

भजनमैं 145:19

खीने बालु ङ्हिंब्मैं ताँनए सैंर मैंब खीजी पूरा लमिंम्; चमैंइ हुइब खीजी थेमुँ धै चमैंलाइ जोगेमिंम्।

भजनमैं 17:15

ङ ठिक के लसि क्हिए लि ङ्‍ह्‍योब्मुँ, धै छोरमा ङ क्हिलाइ म्रोंसि सैं तोंब्मुँ।

भजनमैं 63:5

लिंबै चबै सैमैं चसि म्रेंब् धोंले ङए सो छिं ङ्हाँब्मुँ, ङए सुँइ सैं तोंबै क्वेमैं प्रिंसि क्हिलाइन थेब् लब्मुँ,

भजनमैं 65:4

क्हिजी त्हाँबै म्हिमैंइ आशिक योंम्, धै क्हिजी चमैंलाइ क्हि ङाँर पखसि क्हिए धिंर्बै ह्‍युर टिल् पिंम्! क्हिए धिंर्बै लिं-लिंबै सैमैं नेरो क्हिए पबित्र धिंर मुँबै आशिकमैंइ ङिं बेल्‍ले सैं तोंल् लमिंब्मुँ।

भजनमैं 84:2

याहवेहए धिंर टिबै ल्हागिर ङए सोइ थेबै इच्छा लम्, धै मूर्छ तम्; ङए खों नेरो ज्युइ सैं तोंसि खोंयोंन् बिलै तरिबै परमेश्‍वरलाइ क्वे प्रिंम्।

हितोपदेश 10:24

तो सैने दुष्‍ट म्हि ङ्हिंमुँ, च सैन् चए फिर तखब्मुँ, दिलेया ठिक के लब्मैंए सैंर मैंब पूरा तब्मुँ।

हितोपदेश 21:21

ठिक के लब नेरो म्हाँया लबै म्हिए छ्ह छ्याँब तमुँ; बिब् धों मैंब् धों तमुँ धै ताँनइ म्हाँदिम्।

लूका 1:53

फो ख्रेंब्‍मैंलाइ खीजी लिंबै सैमैं चल् पिंइमुँ, दिलेया प्‍लोब्‍मैंए यो बिस्याँ खीजी क्होतेन् लसि एमिंइमुँ।

लूका 6:21

ओ तोगो फो ख्रेंब्मैं, क्हेमैंइ आशिक योंब्मुँ तलेबिस्याँ क्‍हेमैंइ म्रेंन्ले चल् योंब्‍मुँ। तोगो क्रोब्‍मैंइ आशिक योंब्मुँ, तलेबिस्याँ क्‍हेमैं निस्‍योल् योंब्‍मुँ।

लूका 6:25

धिक्‍कार, क्‍हेमैं तोगो म्रेंन्ले चल् योंब्मैं! तलेबिस्याँ लिउँइँ क्‍हेमैं फो ख्रेंल् त्हुब्‍मुँ। धिक्‍कार, क्‍हेमैं तोगो निस्‍योब्‍मैं! तलेबिस्याँ लिउँइँ क्‍हेमैं शोक लसि क्रोल् त्हुब्‍मुँ।

यूहन्‍ना 4:14

दिलेया ङइ पिंबै क्‍यु थुँब्मैं खोंयोंइ क्‍यु पिरिब् आरे। तलेबिस्याँ ङइ पिंबै क्‍यु चए न्‍होंर खोंयोंइ आखाँबै छ्ह योंबै ल्हागिरि प्योरिबै मुल तब्मुँ।”

यूहन्‍ना 6:27

नास तयाबै चबै सैए ल्हागिर दुःख आलद्, बरु खोंयोंइ बिलै सोरिल् योंबै चबै सैए ल्हागिर दुःख लद्। चु खोंयोंन् बिलै सोल् योंबै क्हें म्हिए च्ह ङइ क्हेमैंलाइ पिंब्मुँ, तलेबिस्याँ क्हेमैं खोंयोंन् बिलै सोरिगे बिसि परमेश्‍वर आबाजी ङलाइ त्हाँसि कुल्मिंब् ग।”

यूहन्‍ना 7:37

धबै चाडए लिउँबै मुख्य त्हिंइर, येशू ताँन् म्हिमैंए ओंसों रासि थेबै कैले छ बिइ, “खाबै या क्‍यु पिइ बिस्याँ च ङ ङाँर खरिगे धै थुँरिगे।

दर्शन 7:16

चमैं तारे खोंयोंइ या फो ख्रेंरिब् आरे, खोंयोंइ या क्‍यु पिरिब् आरे। छलेन त्‍हियाँ नेरो अरू तो सैज्‍यै या चमैंलाइ ख्रोंरिब् आरे।