मत्ती 5:48 - परमेश्‍वरए ताँ तमु क्युइर

⁴⁸ छतसि क्‍हेमैंए स्‍वर्गर टिबै आबा पक्‍का के लब् धोंले क्हेमैं या छलेन् पक्‍का के लल् त्हुमुँ।”

मत्ती 5:48 ပူးပေါင်းရင်းမြစ်များ

उत्पत्ति 17:1

अब्राम कुच्युसे कुदिं तमा याहवेह अब्राम ङाँर युसि चने बिइ, “तोन्दोंरि सै लल् खाँबै परमेश्‍वर ङ ग। छतसि छ्याँबै केमैं लसि ङए उँइँर प्रद्।

भजनमैं 37:37

छ्याब् आरेबै म्हिमैंलाइ मैंन्, सोजो म्हिमैंलाइ ङ्ह्‍योद्; तलेबिस्याँ छाबै म्हिमैंल सन्‍तानमैं तब्मुँ।

मत्ती 5:16

छलेन क्‍हेमैंए छ्याँबै बाँनि अरू म्‍हिमैंइ म्रोंरिगे। छले क्‍हेमैंइ लबै छ्याँबै के म्हिमैंए उँइँर चाररिगे। धै चमैंइ स्वर्गर मुँबै क्हेमैंए परमेश्‍वर आबाए मान लरिगे।

मत्ती 5:45

छ लस्‍याँ मत्‍त्रे क्‍हेमैं स्‍वर्गर टिबै आबाए सन्‍तान तब्‍मुँ। तलेबिस्याँ परमेश्‍वरजी दुष्‍ट म्हिमैं नेरो छ्याँब् लब्मैं ङ्हिंना-ङ्हिंनए फिर त्‍हिंयाँ प्रेमिंमुँ, धै धर्मि नेरो पापिमैं ङ्हिंना ङ्हिंनए ल्हागिर नाँ युमिंइमुँ।

मत्ती 5:47

क्‍हेमैंइ ह्रोंसए म्हिमैंलाइ मत्‍त्रे छ्याँब् लइ बिस्याँ अरूइ भन्दा थेबै के तो लइ रो? परमेश्‍वर आम्हाँदिब्मैंज्‍यै या छान् आल रो वा?

लूका 6:36

क्‍हेमैंए परमेश्‍वर आबाजी ताँनए फिर ल्हयो खब् धोंले क्‍हेमैंज्यै या ताँनए फिर ल्हयो खद्।

लूका 6:40

चेला ह्रोंसए गुरु भन्दा थेब आत, दिलेया गुरुइ लोमिंबै ताँमैं ह्रल् खाँबै लिउँइँ मत्‍त्रे च गुरु धोंब तल् खाँम्।

२ कोरिन्थी 13:11

ओ अलि-अङाँमैं, छेन्‍ले टिद् ओ, जय मसीह। ताँन् केमैं छेनाले लबै भों लदु, घ्रिइ-घ्रिए सैं क्होमिंबै के लदु, क्ह्रिसि टिदु, घ्रिइ-घ्रिलाइ सैदिदु। झाइले खीए म्हाँयाउँइँले ङ्योए सैं क्‍होल् लमिंबै परमेश्‍वर क्‍हेमैंने तब्‍मुँ।

२ कोरिन्थी 13:9

ङि छले भों आरेब् धों तलेया क्‍हेमैं भोंब् तमा ङि सैं तोंम्। छतसि क्‍हेमैं तोन्दोंरि सैर बिब् धों तरिगे बिसे या ङिइ प्राथना लम्।

२ कोरिन्थी 7:1

ओ ङइ खोबै अलि-अङाँमैं, चु ताँन् बाछामैं ङ्योए ल्हागिर्न ग। छतसि ङ्योए ज्यु नेरो सैं पापर च्होवाबै सैमैंउँइँले ङ्यो स्‍यो तले। झाइले ङ्यो परमेश्‍वरने ङ्हिंसि खीए उँइँर ज्युर सैंर छ्याँब् ततै ह्‍याले।

एफिसी 3:1

छतसि ङ पावल क्हेमैं अरू ह्रेंमैंए ल्हागिर प्राथना लम्। ख्रीष्‍ट येशूजी पिंबै के लबइले ङ झेलर मुँ।

कलस्सी 1:28

ताँन् म्हिमैं ख्रीष्‍टर भोंसि तरिगे बिसि ङिइ ख्रीष्‍टउँइँले खबै बुद्धिए ताँमैं लोमिंदै ताँन् म्हिमैंने न्ह क्रों मि क्रोंले टिद् बिम्।

कलस्सी 4:12

क्‍हेमैं न्‍होंर्बै अर्को येशू ख्रीष्‍टए के लबै म्‍हि इपाफ्रासज्यै या क्‍हेमैंने जय मसीह बिमिंइमुँ। क्‍हेमैंए सैं भोंब् तरिगे, ताँन् सैरि पक्‍का तरिगे, झाइले परमेश्‍वरजी बिब् धोंले क्‍हेमैंइ ताँन् लरिगे बिसि चइ खोंयोंइन क्‍हेमैंए ल्हागिर बेल्‍ले प्राथना लसेन्‍मुँ।

याकूब 1:4

छले सैदिल् खाँबै भों योंबइले खैबै दु:खर्न बिलै क्हेमैं बिश्‍वासर भोंब तसि ढुक्‍काले टिद्।

१ यूहन्‍ना 3:3

धै ख्रीष्‍टए फिर छाबै आशा थेंब्मैं ख्रीष्‍ट पबित्र मुँब् धोंले पबित्रले प्रम्।