मत्ती 5:46 - परमेश्‍वरए ताँ तमु क्युइर

⁴⁶ ह्रोंसने म्हाँया लब्‍मैंने मत्‍त्रे क्‍हेमैंइ म्हाँया लइ बिस्‍याँ क्हेमैंइ तो इनाम योंमुँ? रोमी म्रुँए ल्हागिर बालि रेब्मैंज्यै छान् आल रो वा?

मत्ती 5:46 ပူးပေါင်းရင်းမြစ်များ

मत्ती 11:19

म्हिए च्ह युसि चब् थुँब् लमा ‘ङ्‍ह्‍योत्ति, च चब्लाँ, प्हा को, बालि रेब्‍मैं नेरो अरू पापिमैंए थु!’ बिसि म्‍हिमैंइ बिमल। दिलेया परमेश्‍वरए बुद्धिए केमैं म्रोंसिन् क्ह्रोसेंन्ले बुद्धि छ्याँब् मुँन बिबै ताँ क्हेमैंइ सेल् खाँम्।”

मत्ती 18:17

अझै या चइ क्‍हेमैंए ताँ थेल् आङिंस्‍याँ बिश्‍वासीमैं ङाँर ह्‍यासि ताँन् ताँ बिद्। धै चमैंए ताँ या च अलिइ आङिंस्‍याँ च परमेश्‍वर आम्हाँदिब्मैं अथवा रोमी म्रुँए ल्हागिर बालि रेब्‍मैं धोंबन् तरिगे।

मत्ती 5:47

क्‍हेमैंइ ह्रोंसए म्हिमैंलाइ मत्‍त्रे छ्याँब् लइ बिस्याँ अरूइ भन्दा थेबै के तो लइ रो? परमेश्‍वर आम्हाँदिब्मैंज्‍यै या छान् आल रो वा?

मत्ती 6:1

“छेनाले मैंन्, क्हेमैंइ धर्मए केमैं लमा म्‍हिमैंइ म्रोंरिगे बिसि चमैंए उँइँर आलद्। छ लस्याँ स्वर्गर मुँबै क्‍हेमैंए परमेश्‍वर आबाउँइँले क्हेमैंइ तोइ इनाम योंरिब् आरे।

मर्कूस 2:15

दे त्हे लिउँइँ च लेबीए धिंर येशू कैं चबर क्हुँमा रोमी म्रुँए ल्हागिर बालि रेबै म्‍हिमैं नेरो अरू पाप लबै म्हिमैं या येशू नेरो खीए चेलामैंने क्हुँरिल। तलेबिस्याँ खीए लिलि प्रब्मैं ल्हें मुँल।

मर्कूस 2:16

दिलेया फरिसीमैं न्होंर्बै को-कोइ शास्‍त्रिमैंइ येशू छले पापि म्‍हिमैं नेरो बालि रेबै म्‍हिमैंए म्‍हाँजोर क्हुँसि चब् चरिब् म्रोंसि चमैंइ येशूए चेलामैंने “च तले छाबै पापि म्‍हिमैंने क्हुँसि चब् चब्जा?” बिइ।

लूका 15:1

तिगें रोमी म्रुँए ल्हागिर बालि रेब्‍मैं नेरो अरू आछ्याँबै के लब्मैं खीए ताँ थेबर खीए ङाँर खल।

लूका 18:13

“दिलेया च बालि रेबै म्‍हि ह्रेंगोन् रासि ‘ङम् स्वर्गउँइँ ङ्‌ह्‍योबै लायकर्बै आरे’ ङ्हाँइ। धै सैं च्योंने लदै ह्रोंसए तिंर ठौदिदै ‘ओ परमेश्‍वर, ङ पापि म्‍हि ग। ङए फिर ल्हयो खमिंन्,’ बिइ।

लूका 19:2

च सहरर जखायस बिबै म्‍हि घ्रि रोमी म्रुँए ल्हागिर बालि रेब्‍मैं न्‍होंर्बै चिब नेरो प्लबै म्हि मुँल।

लूका 19:7

छले येशू जखायसए धिंर ह्‍याब् म्रोंसि “अच्‍या छाबै पापि म्हिए धिंरै या प्ह्रें तबर ह्‍याइ बिसि म्हिमैंइ खीए ताँ लबर होंइ।”

लूका 3:12

झाइले रोमी म्रुँए ल्हागिर बालि रेब्‍मैं या क्युर प्ल्हुँसि बप्‍तिस्मा किंबर खल। चमैंइ यूहन्‍नाने “ओ गुरु, तारे ङिइ तो लल् त्हुम् बिसि ङ्योइ?”

लूका 5:29

झाइले च लेबीइ येशूए ल्हागिर ह्रोंसए धिंर थेबै भोज लइ। चर रोमी म्रुँए ल्हागिर बालि रेब्मैं नेरो अरू ल्‍हें म्‍हिमैं या चमैंने क्हुँसि चरिल।

लूका 5:30

छले चरिमा फरिसीमैं नेरो चमैं न्‍होंर्बै शास्‍त्रिमैंइ येशूए चेलामैंए बिरोधर गनगन लसि “चु बालि रेब्‍मैं नेरो पापिमैंने क्‍हेमैंइ तले चब्-थुँब् लल?” बिबर होंइ।

लूका 7:29

चु ताँ थेसि ताँन् म्‍हिमैं नेरो बालि रेब्‍मैंज्‍यै या परमेश्‍वरए क्ह्रोंसेंन्बै ताँ क्वेंइ। तलेबिस्याँ चमैंइ यूहन्‍नाउँइँले क्युर प्लुँसि बप्‍तिस्मा किंल।

लूका 7:34

परमेश्‍वरजी कुल्मिंबै म्हिए च्ह चु ह्‍युलर युसि चमा, थुँमा ‘चुम् चप्ला प्हाको बालि रेब्‍मैं नेरो पापिमैंए थु मुँनमैं,’ बिसि क्‍हेमैंइ बिम्।