मत्ती 5:42 - परमेश्‍वरए ताँ तमु क्युइर

⁴² म्हिमैंइ क्‍हिने तोइ ह्रिसयाँ पिंन्, धै क्‍हिने छे ह्रिब्मैंलाइ ‘आपिं!’ आबिद्।

मत्ती 5:42 ပူးပေါင်းရင်းမြစ်များ

भजनमैं 37:21

दुष्‍ट म्हिमैंइ छे किंमुँ, धै चमैंइ छे आफो, दिलेया ठिक के लबै म्हिंमैंइ बिस्याँ थेबै सैंले पिंम्।

हितोपदेश 19:17

आयो-आख्युब्मैंलाइ पिंब याहवेहलाइ खि पिंब् ग, धै खाबइ तो लइमुँ चए इनाम खीजी पिंब्मुँ।

हितोपदेश 21:26

त्हिंतिमिन् चइ तोन्दोंरि सै झन् ल्हें योंस्या तमल ङ्‍हाँरिम्, दिलेया ठिक के लबै म्हिमैंइ यो प्ल्हसि पिंम्।

मत्ती 5:41

खाबज्यै क्‍हिने ‘घण्टा घ्रिदे ङए ति नोबिन् बिस्याँ’ घण्टा ङ्हिंदेन् चए ति नोबिन्।

लूका 11:41

क्‍हिए थलि प्‍हेलार मुँबै सैमैं आयोंब्मैं पिंन्। छ लस्याँ न्‍हों मुँलेया बैरु मुँलेया क्‍हेमैंए ल्हागिर ताँन् चोखो तब्‍मुँ।

रोमी 12:20

बरु परमेश्‍वरए छ्वेर बिब् धोंले, “क्‍हिए शत्तुर फो ख्रेंस्‍याँ चलाइ चल् पिंन्, च क्‍यु पिइबिस्‍याँ क्‍यु पिंन्। छ लस्याँ क्‍हिए शत्तुर फा पिन् तसि चए क्रर मि राब उँवाब् धोंन् तम्।”

हिब्रू 13:16

घ्रिइ घ्रिने छ्याँबै के लब नेरो ह्रोंसने मुँबै सै फा-फु चुब आम्‍लेद्, तलेबिस्याँ छाबै ख्रोमैं म्रोंसि परमेश्‍वर सैं तोंम्।

हिब्रू 6:10

क्‍हेमैंइ छ्याँबै के लइमुँ, क्‍हेमैंइ परमेश्‍वरलाइ म्हाँया लइमुँ बिब उँइँबै ल्हागिर खीए म्‍हिमैंलाइ ल्होरिइमुँ, अझै क्‍हेमैंइ ल्होरिमुँ। क्‍हेमैंइ लबै छ्याँबै के परमेश्‍वरजी म्‍लेरिब् आरे, तलेबिस्याँ खीजी ठिक निसाफ लम्।

याकूब 1:27

बरु ङ्योए परमेश्‍वर आबाजी खोबै केमैं चुन् ग: टार-टोरमैं नेरो म्हरेस्योमैंए दुःखर ल्होमिंब, धै ह्रोंसै या चु ह्‍युलर्बै पाप केउँइँले ह्रेंगो टिब।