मत्ती 5:33 - परमेश्‍वरए ताँ तमु क्युइर

³³ “‘क्‍हेमैंइ स्योलिबै कसम आचद्। बरु याहवेहने लबै भकल पूरा लद्,’ बिसि स्योंम्बै म्हिमैंने बिबै ताँ या क्‍हेमैंइ थेइमुँ।

मत्ती 5:33 ပူးပေါင်းရင်းမြစ်များ

भजनमैं 50:14

बरु ङलाइ धन्यबाद पिंसि ङए मिं क्वेद्! चुन् पिंल् त्हुबै ख्रो ग। धै ताँन् भन्दा थेबै परमेश्‍वए मिंर लबै भकल पूरा लद्।

भजनमैं 76:11

याहवेह क्हेमैंए परमेश्‍वरने लबै भकलमैं पूरा लद्; खीए खागु मुँबै ह्रेंमैंइ खीलाइ बालि फोरिगे। खीजी ताँनलाइ ङ्हिंबर ल्हैदिब्मुँ।

प्रस्थान 20:7

“ह्रोंसए याहवेह परमेश्‍‍वरए मिं फाकर्र्न आकिंन्, तलेबिस्याँ ङए मिं फाक्‍कर्न किंब्मैंलाइ ङइ छ्याब् ल्हैदिब्मुँ।

मत्ती 5:21

“‘क्हिइ म्हि आसैद्! म्‍हि सैबै म्हिइ दण्‍ड योंल् त्‍हुम्,’ बिसि स्योंम्बै म्हिमैंने छ बिब क्हेमैंइ थेइमुँ।

मत्ती 5:27

“ब्यभिचार आलद् बिबै ताँ क्हेमैंइ थेइमुँ।

१ तिमोथी 1:10

नेरो छमिं न्हब्मैं, फ्रें क्ल्योंब्मैं, मुँयुँमैंइ मुँयुँमैं म्हैब्मैं, रिंमैंइ रिंमैं म्हैब्मैं, म्हि क्हाइ बोब्मैं, ह्‍योमैं, स्योर्गुमैं, स्योर तेसि ग्वाइ पिंब्‍मैं नेरो ठिक ताँमैंए बिरोधर पोंब्मैंए ल्हागिर पिंइ।