मत्ती 5:29 - परमेश्‍वरए ताँ तमु क्युइर

²⁹ छतसि क्‍हिए क्‍योलोउँइँबै मिइ क्‍हिलाइ पाप लबर ल्हैदिम् बिस्याँ च मि ट्हुइसि भ्‍योंवाँन्। तलेबिस्याँ मि घ्रिइ लबउँइँले ताँन् ज्यु नर्गर फेब् भन्दा पाप लबर ल्‍हैदिबै मि घ्रि भ्योंवाँब छ्याँब तम्।

मत्ती 5:29 ပူးပေါင်းရင်းမြစ်များ

मत्ती 10:28

“क्‍हिए ज्यु सैल् खाँब्‍मैंने आङ्हिंन्, तलेबिस्याँ चमैंइ क्‍हिए प्‍ल्‍ह सैल् आखाँ। बरु प्‍ल्‍ह नेरो ज्यु ङ्हिंन-ङ्हिंन् नर्गर भ्‍योंवासि नास लल् खाँबै परमेश्‍वर म्रोंसि ङ्हिंन्।

मत्ती 11:6

चु ताँ या बिद्, ङए ताँ क्वेंसि तोइ संका आलबै म्‍हिइ आशिक योंब्मुँ।”

मत्ती 16:26

क्हेमैंइ ताँन् ह्‍युल योंनाबिलेया ह्रोंस नास तयाइ बिस्‍याँ तो फायदा तम् रो? म्हिइ ह्रोंसए सोए साटोरि तो सै पिंल् खामुँ?

मत्ती 17:27

दिलेया चु म्‍हिमैं गार आम्‍हाँदिरिगे बिसि ङ्योइ बालि फोले। छतसि तालर ह्‍यासि बल्‍छि प्रिंन्। धाँसे ओंसों बल्‍छिर फेबै ताँग ट्हुइद्। चए सुँर क्‍हिइ चाँदिए मुइ घ्रि योंब्‍मुँ। च मुइ ङ्यो ङ्हिंए मन्दिरर्बै बालि फोब् योम्। चन् बोसि ङ्यो ङ्हिंए बालि फोबर चमैंने पिंन्।”

मत्ती 19:12

तलेबिस्याँ कोइ फिब् ओनोंबै हिचड तमुँ, कोइ म्हिमैंइ लबै हिचड तमुँ। धै कोइ ‘स्‍वर्गर्बै ग्याल्सए के लबै ल्हागिरि ब्ह्‍या आललेन् तम्’ बिसि ब्ह्‍या आल। छतसि ब्ह्‍या आलल्‍ले टिल् खाँब्‍मैंइ चु ताँ ङिंरिगे।”

मत्ती 23:15

“धिक्‍कार मुँ, शास्‍त्रिमैं नेरो फरिसीमैं क्‍हेमैं फिब्लो पार्दिब्मैं! म्हि घ्रि क्हेमैंए घ्याँर प्ररिगे बिसि क्‍हेमैं मा ङ्युँइ नेरो ह्‍युलजरे स्युरदै म्हि म्हैदै प्रम्, धै क्‍हेमैंए घ्याँर प्रबै लिउँइँ च म्हिलाइ ह्रोंसइ भन्दा ल्हें नर्गर्बै दण्ड योंल् लम्।

मत्ती 23:33

प्‍हुरिमैं, ओ साँबे प्‍हुरिए प्हसेमैं! क्‍हेमैं नर्गर्बै मिउँइँले खैले स्योल् खाँमुँ?

मत्ती 5:22

दिलेया ङ क्‍हेमैंने बिमुँ, ह्रोंसए अलिने ह्रिस खबै म्हिइ दण्‍ड योंम्, धै ह्रोंसए अलिने म्हि आच्हिल्‍ले पोंबै म्हिइ थेबै म्हि च्होंए उँइँर रामा ज्वाफ पिंल् त्हुम्। छलेन ह्रोंसए अलिने ‘क्‍हि आमादु’ ग बिबै म्हि नर्गर्बै मिर फेल् त्हुब्मुँ।

मत्ती 5:30

छलेन क्‍हिए क्‍योलो योइ क्‍हिलाइ पाप लबर ल्‍हैदिम् बिस्‍याँ च क्‍याँसि भ्‍योंवाँन्। तलेबिस्याँ ताँन् ज्यु नर्गर फेब् भन्दा पाप लबर ल्‍हैदिबै यो घ्रि भ्योंवाँब छ्याँब तम्।

मर्कूस 8:36

तलेबिस्याँ म्हिइ ह्‍युलर्बै तोन्दोंरि सैं योंलेया खोंयोंइ आखाँबै छह् योंल् आखाँ बिस्‍याँ चलाइ तोए फायदा तम्? फायदा आरे!

लूका 12:5

दिलेया खाब् म्रोंसि ङ्हिंल् त्‍हुम् बिस्याँ ङ क्‍हेमैंने बिमुँ, क्‍हेमैं परमेश्‍वर म्रोंसि ङ्हिंनु, तलेबिस्याँ म्हि सैवासि नर्गर भ्‍योंवाबै शक्‍ति खीने मुँ।

रोमी 6:6

ङ्योइ पाप आलरिगे धै ङ्यो पापए न्होंर आटिरिगे बिसि परमेश्‍वरजी ङ्योए ओंसोंबै छ्ह येशू ख्रीष्‍टने बालु क्रूसर च्योवाइमुँ बिब ङ्योइ सेइमुँ।

रोमी 8:13

तलेबिस्याँ ह्रोंसए आछ्याँबै बानिइ बिब् ङिंस्‍याँ क्‍हेमैं सिल् त्‍हुम्। दिलेया परमेश्‍वरए प्ल्हए भोंउँइँले क्‍हेमैंइ ह्रोंसए ओंसोंबै आछ्याँबै बानिमैं पिवास्‍याँ क्‍हेमैंए प्ल्ह सोब्‍मुँ।

१ कोरिन्थी 9:27

ङइ ह्रोंसए ज्यु भोंब् लबै ल्हागिर तालिम पिंब् धोंले ह्रोंसए न्होंर थेंम्। तले छ लम् बिस्‍याँ ङइ अरूमैंलाइ “खेलर भों लद्” बिसेरो ङ फेल आतरिगे बिसि छ लब् ग।

गलाती 5:24

येशू ख्रीष्‍टए म्हिमैंइ खेंमैंए सैंउँइँले खबै आछ्याँबै इच्छामैं नेरो आछ्याँबै केमैं येशूने प्रेन् क्रूसर च्योवासि नास लवाइमु।

कलस्सी 3:5

छतसि क्‍हेमैं ह्‍युलर्बै सैजरे सैं आह्‍याद्: फ्रें क्ल्योंब नेरो रण्डिबाजी लसि फोहोरी के आलद्, छाडा आतद्, दुष्‍ट सैं आप्ह्‍याब नेरो लोब आलद्। लोब लबम् कु पूजा लब् धों तब् ग।