मत्ती 5:26 - परमेश्‍वरए ताँ तमु क्युइर

²⁶ क्ह्रोंसेंन ङ क्हेमैंने बिमुँ, क्हिइ फोल् त्हुबै मुइ ताँन् आफोन् समा झेलउँइँले क्हि त्‍होंल् योंरिब् आरे।

मत्ती 5:26 ပူးပေါင်းရင်းမြစ်များ

मत्ती 10:29

“मुइ घ्रिर कोर्मे ङ्हिं आलों वा? चमैं च्‍युगुथिरि मुँनबिलेया परमेश्‍वर आबाए इच्छा आरेस्याँ घ्रि या सर तेरिब् आरे।

मत्ती 18:34

झाइले म्रुँ बेल्‍ले ह्रिस खसि ‘चइ ताँन् छे आफोन् समा दण्ड पिंब्मैंए योर पिंवाँइ।’

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 25:46

“छतसि चुमैंइ खोंयोंइ आखाँबै दण्‍ड योंब्‍मुँ, दिलेया ठिक के लब्मैंइ बिस्याँ खोंयोंइ आखाँबै छ्ह योंब्‍मुँ।”

मर्कूस 12:42

झाइले ङ्हाँदु म्हरेस्यो घ्रि खसि क्युराए मुइ ङ्हिफुँ झोंइ।

लूका 12:58

क्‍हिने आक्ह्रिबै म्‍हिइ निसाफ लबै म्हिए उँइँर क्हिलाइ बोमा खाँन् समा घ्‍याँर्न क्‍ह्रिबै ताँ लद्, छ आलस्‍याँ चइ क्‍हि नि‍याधिश ङाँर चैंबोब्‍मुँ। झाइले नि‍याधिशइ क्‍हि थेबै अफिसरए योर पिंवाब्मुँ। झाइले अफिसरइ क्‍हि झेलर च्युवाब्‍मुँ।

लूका 12:59

ङ क्‍हिने बिमुँ, क्‍हिइ फोल् त्‍हुबै मुइ घ्रि-घ्रिले आफोन् समा क्हि खैलसे या झेलउँइँले त्‍होंल् योंरिब् आरे।”

लूका 16:26

चुर्बै म्‍हिमैं छुइले चर ह्‍याल् आखाँरिगे, धै चर्बै म्हिमैं या चुर ङि ङाँर खल् आखाँरिगे बिसि क्‍हेमैं नेरो ङिए म्‍हाँजोरि बेल्‍ले थेबै गैरु होंल्दों मुँ।’

२ थेसलोनिकी 1:9

चमैं प्रभुउँइँले ह्रेंगो लवाब्मुँ, धै खीउँइँले योंबै खोंयोंइ आनुबै छ्ह नेरो खीए थेबै दयाम्हाँयाउँइँले फ्रेवासि नास लवाब्मुँ।

याकूब 2:13

अरूए फिर ल्हयो आखबै म्‍हिए फिर परमेश्‍वरज्यै या ल्हयो खरिब् आरे। दिलेया अरूए फिर ल्हयो खइ बिस्‍याँ, परमेश्‍वरजी निसाफ लमा क्‍हेमैं फिरै या ल्हयो खमिंब्‍मुँ।