मत्ती 5:18 - परमेश्‍वरए ताँ तमु क्युइर

¹⁸ तलेबिस्याँ क्ह्रोंसेंन ङ क्हेमैंने बिमुँ, स्वर्ग नेरो पृथ्‍बी नास आतन् समा ठिमर प्ह्रिबै च्‍योंब भन्दा च्‍योंबै ताँ या पूरा आतन्ले म्‍हरिब् आरे।

मत्ती 5:18 ပူးပေါင်းရင်းမြစ်များ

भजनमैं 102:26

च सैमैं नास तयाब्मुँ, क्हि बिस्याँ खोंयोंन् बिलै तरिब्मुँ; क्वें धोंले चमैं स्योब तयाब्मुँ। क्वें फेर्दिब् धोंले क्हिजी प्लिसि फेर्दिमिंब्मुँ, धै चमैं ताँन् भ्योंवाब्मुँ।

भजनमैं 111:8

खीजी बिबै ताँमैं खोंयोंन् बिलै तरिम्, चु ताँ पिंमा याहवेह भर लल् खाँब नेरो क्ह्रोंसेंन्बै मुँल।

भजनमैं 119:152

खोंयोंन् बिलै तरिगे बिसि क्हिजी क्हिए ताँमैं प्ह्रिथेंइ बिसि ङइ च ताँमैंउँइँले ओंसों ओंनोंन् लोइ।

मत्ती 10:15

क्ह्रोंसेंन ङ क्हेमैंने बिमुँ, लिउँइँ परमेश्‍वरजी निसाफ लबै त्हिंइर स्‍योंम्‍बै पाप लबै सदोमथेंमैं नेरो गमोराथेंमैंइ भन्दा च सहरर्बै म्‍हिमैंइ ल्हें सजैं योंब्मुँ।”

मत्ती 10:23

छतसि म्हिमैंइ क्हेमैंलाइ क्ल्ह्‍यो घ्रिर ह्रुगुदिइ बिस्याँ च क्ल्ह्‍योउँइँले अर्को क्ल्ह्‍योउँइँ भौदिह्‍याद्। क्ह्रोंसेंन ङ क्हेमैंने बिमुँ, परमेश्‍वरउँइँले कुल्‍मिंबै म्हिए च्ह युब् भन्दा ओंसों क्‍हेमैंइ इस्राएलर्बै ताँन् क्ल्ह्‍योर खैलसेया स्युरल् खाँरिब् आरे।

मत्ती 10:42

‘चु म्‍हि येशूए म्‍हि ग,’ बिसि खाबज्यै ङए धाँसे च्‍योंबै चेलालाइ गिलाँस घ्रि ङ्युँबै क्‍यु मत्‍त्रे पिंनाबिले या चइ योंल् त्हुबै इनाम योंब्‍मुँ।”

मत्ती 11:11

क्ह्रोंसेंन ङ क्हेमैंने बिमुँ, च्हमिरिउँइँले फिब्मैं न्होंर बप्‍तिस्‍मा पिंबै यूहन्‍ना भन्दा थेबै म्‍हि अरू खाबै आतइमुँ। दिलेया स्वर्गर्बै ग्याल्सर ताँन् भन्दा च्योंब तब्मैं यूहन्‍ना भन्दा थेब तमुँ।

मत्ती 13:17

क्ह्रोंसेंन ङ क्हेमैंने बिमुँ, क्‍हेमैंइ म्रोंबै के नेरो थेबै ताँ स्‍योंम्‍बै अगमबक्‍तामैं नेरो ठिक के लब्मैंइ म्रोंदा ङ्हाँलेया म्रोंल् आयोंल। थेदा ङ्हाँलेया थेल् आयोंल।

मत्ती 16:28

क्ह्रोंसेंन ङ क्हेमैंने बिमुँ, चुर मुँब्मैं न्होंरि कति म्हिइ म्हिए च्ह खीए ग्याल्सर युरिब आम्रोंन् समा सिरिब् आरे।”

मत्ती 17:20

खीजी चमैंने “क्‍हेमैंइ परमेश्‍वरए फिर छेनाले बिश्‍वास आलइरि ग। ङ क्ह्रोंसेंन क्हेमैंने बिमुँ, क्‍हेमैंने पासगिए फुँ द प्रि बिश्‍वास मुँस्‍याँ चु कों ‘क्‍याइ स्‍योह्‍याद्’ बिलेया च स्‍योह्‍याम्। धै क्‍हेमैंइ लल् आखाँबै सै तोइ तरिब् आरे।”

मत्ती 18:18

“क्ह्रोंसेंन ङ क्हेमैंने बिमुँ, क्‍हेमैंइ पृथ्‍बीरि तो फैमुँ, च स्वर्गरै या फैब्मुँ। धै क्‍हेमैंइ पृथ्‍बीरि तो प्ल्हमुँ, च स्‍वर्गरै या प्ल्हब्‍मुँ।

मत्ती 18:3

बिइ, “क्ह्रोंसेंन्ले ङ क्हेमैंने बिमुँ, क्‍हेमैंए सैं एसि छाबै च्‍योंबै कोलोमैंल् धों तबै सैं आप्‍ह्‍यास्याँ क्‍हेमैं स्‍वर्गर्बै ग्याल्सर खोंयोंइ होंल् योंरिब् आरे।

मत्ती 19:23

च लिउँइँ येशूजी खीए चेलामैंने बिइ, “क्ह्रोंसेंन ङ क्हेमैंने बिमुँ, प्लबै म्‍हिमैं स्‍वर्गर्बै ग्याल्सर होंब बेल्‍ले गारो तब्मुँ।

मत्ती 19:28

येशूजी चमैंने बिइ, “क्ह्रोंसेंन ङ क्हेमैंने बिमुँ, तारे खबै जुगरि बेल्‍ले मान योंबै राजगद्दिर म्हिए च्ह टिब्‍मुँ। क्‍हेमैं तोगो ङए लिलि ल्‍हैदिसेरो च त्हेर क्‍हेमैं या निसाफ लबै म्‍हिमैं धोंले ह्रों-ह्रोंसए च्युसे ङ्हिं गद्दिर टिब्‍मुँ। धै इस्राएल ह्रेंर्बै च्युसे ङ्हिं कुलए फिर क्‍हेमैंइ निसाफ लब्‍मुँ।

मत्ती 21:21

येशूजी चमैंने बिइ, “क्ह्रोंसेंन ङ क्हेमैंने बिमुँ, क्‍हेमैंइ तोइ संका आलनाले क्वेंस्‍याँ चु तुँबुए धुँलाइ ङइ लब् धोंले क्हेमैंज्यै लल् खाँम्। च्‍हौ मत्‍त्रे आङिं, क्‍हेमैंइ चु कोंलाज्यै या ‘स्युसि मा ङ्युँइर तेयाद्’ बिलेया छान् तब्‍मुँ।

मत्ती 21:31

“चु च्‍ह ङ्हिंर आबाइ बिबै ताँ खाबइ ङिंइ? ठागुइ उ च्‍योंबइ?” चमैंइ “ठागुइ,” बिइ। झाइले येशूजी चमैंने बिइ, “क्ह्रोंसेंन ङ क्हेमैंने बिमुँ, रोमी म्रुँए ल्हागिर बालि रेब्मैं नेरो फ्यालुस्यो के लब्मैं क्‍हेमैं भन्दा ओंसों परमेश्‍वरए ग्याल्सर होंब्मुँ।

मत्ती 23:36

छतसि क्ह्रोंसेंन ङ क्हेमैंने बिमुँ, चु ताँन् पापए सजैं चु पुस्तार्बै म्‍हिमैंए फिर खब्‍मुँ।

मत्ती 24:2

खीजी चमैंने बिइ, “क्हेमैंइ चु ताँन् धिंमैं म्रोंइ, आङि वा? क्ह्रोंसेंन ङ क्हेमैंने बिमुँ, प्‍हँना लिउँइँ चु मन्दिरर्बै युँमा घ्रिए फिर अर्को युँमा तरिब् आरे। ताँन् फुवासि भ्योंवाब्मुँ।”

मत्ती 24:47

क्ह्रोंसेंन ङ क्हेमैंने बिमुँ, क्ल्हेइ ह्रोंसए ताँन् सै न्होरए जिम्‍मा पिंबर चलाइ त्हाँब्‍मुँ।

मत्ती 25:12

दिलेया खीजी चमैंने ‘क्ह्रोंसेंन क्हेमैं खाब् जा ङइ ङो आसे,’ बिइ।

मत्ती 25:40

“छबिमा म्रुँइ चमैंने बिब्मुँ, ‘क्ह्रोंसेंन ङ क्हेमैंने बिमुँ, क्हेमैंइ ङए अलि-अङाँमैं न्होंर्बै धाँसे च्योंबै म्हिलाइ तो-तो लइ, च क्हेमैंइ ङलाइन लब् ग।’

मत्ती 25:45

“धबै म्रुँइ बिब्मुँ, ‘क्‍ह्रोंसेंन ङ क्हेमैंने बिमुँ, ङए चु अलि-अङाँमैं न्होंर्बै धाँसे च्योंबै म्हिलाइ क्‍हेमैंइ आल्होसेरो क्‍हेमैंइ ङलाइ आल्होब् ग।’

मत्ती 5:26

क्ह्रोंसेंन ङ क्हेमैंने बिमुँ, क्हिइ फोल् त्हुबै मुइ ताँन् आफोन् समा झेलउँइँले क्हि त्‍होंल् योंरिब् आरे।

मत्ती 6:16

“झाइले क्‍हेमैं बर्त टिमा फिब्लो पार्दिब्मैंइ धोंले लि छुले आटिद्। तलेबिस्याँ म्हिमैंने ‘बर्त टिइमुँ’ बिसि उँइँबर चमैंइ लि छु लम्। क्ह्रोंसेंन ङ क्हेमैंने बिमुँ चमैंइ योंल् त्हुबै इनाम योंल् खाँइमुँ।

मत्ती 6:2

“छतसि क्‍हेमैंइ दान पिंमा च्हों धिंजरे नेरो घ्‍याँजरे ‘ङइ छ लइ छु लइ’ बिदै आप्रद्। छलेम् फिब्लो पार्दिब्मैंइ खेंमैंइ लबै छ्याँबै केमैं म्‍हिमैंइ म्रोंरिगे बिसि छ्याँब् प्हैंदा ङ्हाँब्मैंइ घ्याँजरे उँइँ प्रम्। ङ क्ह्रोंसेंन क्हेमैंने बिमुँ चमैंइ योंल् त्हुबै इनाम योंल् खाँइमुँ।

मत्ती 8:10

च कप्‍तानए ताँ थेसि येशू अचम्मा ङ्हाँसि खीए लिलि खब्‍मैंने बिइ, “ङ क्ह्रोंसेंन क्हेमैंने बिमुँ, इस्राएलरै या च्हौ थेबै बिश्‍वास लबै म्‍हि ङइ खोंयोंइ आत्होइमुँ।

मर्कूस 10:15

क्ह्रोंसेंन्ले ङ क्हेमैंने बिमुँ, च्‍योंबै कोलोमैंइ [खेंमैंए आबा-आमाए फिर छेनले भर लब्] धोंले, परमेश्‍वरए फिर भर थेंसि म्‍हाँदिब्मैंइ मत्‍त्रे परमेश्‍वरउँइँले आशिक योंब्‍मुँ, धै परमेश्‍वरए ग्याल्सर होंब्‍मुँ।”

मर्कूस 10:29

येशूजी बिइ, “क्ह्रोंसेंन्ले ङ क्हेमैंने बिमुँ, ङए लिलि प्रबर नेरो ङउँइँले खबै सैं तोंबै ताँ बिप्रमा खाबइ ह्रोंसए धिं नाँ, आघें-अलि, अना-अङाँ, आबा-आमा, प्‍हसे, क्‍ल्‍ह्‍यो-न्‍हें वाथेंमुँ,

मर्कूस 11:23

क्ह्रोंसेंन ङ क्हेमैंने बिमुँ, खाबज्यै ह्रोंसए सैं न्‍होंर तोइ संका आलल्‍ले ह्रोंसइ बिबै ताँ खैले बिलेन् तम् बिसि बिश्‍वास लसि चु कोंने ‘क्‍हि छुइले स्‍योसि तालर तेह्‍याद्,’ बिलेन चए ल्हागिर छान् तम्।

मर्कूस 12:43

छाब् म्रोंसि येशूजी खीए चेलामैं खी ङाँर हुइसि बिइ, “क्ह्रोंसेंन ङ क्हेमैंने बिमुँ, चु बाकसर भेटि झोंबै म्‍हिमैंए न्‍होंरि चु ङ्हाँदु म्हरेस्योइ ताँन् भन्दा ल्‍हें झोंइ।

मर्कूस 13:30

क्ह्रोंसेंन ङ क्हेमैंने बिमुँ, चु तोन्दोंरि ताँ आतन् समा चु पुस्ता नास तरिब् आरे।

मर्कूस 14:18

खेंमैं चब् चरिमा येशूजी बिइ, “क्ह्रोंसेंन ङ क्हेमैंने बिमुँ, क्‍हेमैंए न्‍होंरि ङने बालु चबै म्‍हि घ्रिइ ङलाइ क्हाल् पिंब्मुँ।”

मर्कूस 14:25

क्ह्रोंसेंन ङ क्हेमैंने बिमुँ, परमेश्‍वरए ग्याल्सर छारा तरिकाले आथुँन् समा ङइ अँगुरए खुगु धबै खोंयोंइ थुँरिब् आरे।”

मर्कूस 14:30

येशूजी पत्रुसने बिइ, “क्ह्रोंसेंन ङ क्हिने बिमुँ, तिंयाँबै म्‍हुँइँसर्न नग भाले ङ्हिखे ओरब् ओंसों सोंखे समा क्‍हिइ ङलाइ ङो आसे बिब्मुँ।”

मर्कूस 14:9

क्ह्रोंसेंन ङ क्हेमैंने बिमुँ, परमेश्‍वरउँइँले खबै सैं तोंबै ताँ म्हिमैंइ ह्‍युल तिगोंन् बिप्रमा चु च्हमिरिलाइ मैंबै ल्हागिर चइ लबै केए बयनै या लब्‍मुँ।”

मर्कूस 3:28

“क्ह्रोंसेंन ङ क्हेमैंने बिमुँ, म्‍हिमैंइ लबै पापमैं नेरो परमेश्‍वरए बिरोधर खैबै ताँमैं पोंलेया क्षमा योंल् खाँम्,

मर्कूस 6:11

को-कोइ क्‍ल्‍ह्‍योर फेनेमा म्हिमैंइ क्‍हेमैंए मान आलस्‍याँ, क्‍हेमैंइ बिबै ताँ आथेस्‍याँ, च क्‍ल्‍ह्‍योउँइँले त्‍होंमा चमैंए बिरोधर ग्वाइ पिंबै ल्हागिर क्‍हेमैंए प्‍हलेर्बै त्‍हुल खारथेंन्।”

मर्कूस 8:12

दिलेया खीए सैं नसि येशूजी बिइ, “तिंजोरोबै म्‍हिमैंइ तले औदिबै चिनु म्‍हैम्? क्‍ह्रोंसेंन् ङ क्‍हेमैंने बिमुँ, तिंजोरोबै म्हिमैंलाइ ङइ तोइ चिनु उँइँरिब् आरे।”

मर्कूस 9:1

झाइले खीजी चमैंने बिइ, “क्ह्रोंसेंन ङ क्हेमैंने बिमुँ, चुर मुँबै म्‍हिमैं न्‍होंरि को-कोइ परमेश्‍वरए ग्याल्स शक्‍तिर युब् आम्रोंन् समा सिरिब् आरे।”

मर्कूस 9:41

झाइले खाबइ ‘चुम् येशू ख्रीष्‍टए म्‍हि ग’ बिसि क्‍हेमैं क्‍यु थुँल् पिंलेया, क्‍ह्रोंसेंन ङइ क्‍हेमैंने बिमुँ, च म्‍हिइ खैले बिलेन ह्रोंसइ योंल् त्‍हुबै इनाम योंब्मुँ।”

लूका 11:51

ओं, ङ क्हेमैंने बिमुँ, हाबिल सैवाबै त्हे ओंनोंबै पबित्र मन्दिर नेरो ख्रो पिंबै क्ल्ह्‍योए म्हाँजोर जखरिया सैवाबै त्हे समार्बै ताँन् सजैं तिंजोरोबै म्‍हिमैंइ बेहोर्दिल् त्‍हुम्।

लूका 12:37

धिं क्‍ल्‍हे एखमा केब्छैंमैं तयार तसि न्ह क्रों मि क्रोंले टिरिब स्यास्‍याँ क्ल्हे सैं तोंसि केब्छैंमैंइ स्‍याबासि योंब्‍मुँ। क्ह्रोंसेंन ङ क्‍हेमैंने बिमुँ, धिं क्‍ल्‍हेइ ह्रोंसए केब्छैंमैं प्‍ह्रेंमैं धोंले टिबै सै तिमिंसि चबै सैं चल् पिंम्।

लूका 13:35

ङ्‍ह्‍योद्! तारे क्‍हेमैंए सहर परमेश्‍वरजी नास लवाब्‍मुँ। ङ क्‍हेमैंने बिमुँ, क्‍हेमैंइ ‘परमेश्‍वर आबाजी कुल्‍मिंबै म्‍हिए मान तरिगे’ आबिन् समा क्‍हेमैंइ ङ म्रोंरिब् आरे।”

लूका 16:17

दिलेया मु नेरो पृथ्‍बी म्‍हयाल् खाँमुँ, परमेश्‍वरए छ्वेर प्ह्रिबै ताँ घ्रि या आम्ह।

लूका 18:17

क्ह्रोंसेंन्ले ङ क्हेमैंने बिमुँ, ह्रोंसए आबा-आमाइ बिब चु च्‍योंबै कोलोमैंइ ङिंम्। छतसि क्हेमैं या परमेश्‍वरजी बिब् ङिंन्। आङिंइ बिस्याँ क्हेमैं परमेश्‍वरए ग्याल्सर होंल् योंरिब् आरे।”

लूका 18:29

येशूजी चमैंने बिइ, “क्‍ह्रोंसेंन ङ क्हेमैंने बिमुँ: परमेश्‍वरजी बिब म्हाँदिबै ल्हागिर खाबइ धिं-नाँ, म्रिं-प्‍हसे, अलि-अङाँ आबा-आमा वाथेंमुँ,

लूका 23:43

येशूजी चने बिइ, “क्‍ह्रोसेंन ङ क्हिने बिमुँ, क्‍हि तिंयाँन् ङने स्‍वर्गर तब्‍मुँ।”

लूका 4:24

धबै खीजी चमैंने बिइ, “क्ह्रोसेंन ङ क्हेमैंने बिमुँ, अगमबक्‍ता खाबलाज्यै या ह्रोंसए ह्‍युलर्बै म्‍हिमैंइ आक्‍वें।

यूहन्‍ना 1:51

धबै येशूजी बिइ, “क्ह्रोंसेंन ङइ क्हेमैंने बिमुँ, क्‍हेमैंइ स्‍वर्ग थोंब नेरो परमेश्‍वरए स्‍वर्गदूतमैं ङ म्हिए च्‍हए फिर क्रेदै, तदै लरिब म्रोंब्‍मुँ।” (खी स्वर्ग नेरो पृथ्‍बीए म्हाँजोर्बै घ्याँ ग।)

यूहन्‍ना 10:1

येशूजी बिइ “क्ह्रोंसेंन ङ क्हेमैंने बिमुँ, खाब् म्हि क्‍यु प्ह्रोंए म्राउँइँले न्होंर आहोंल्‍ले अरू क्ल्ह्‍योउँइँले क्रेसि होंमुँ च ह्‍यो नेरो डाँकु ग।

यूहन्‍ना 10:7

छतसि येशूजी धबै चमैंने बिइ, “क्ह्रोंसेंन ङ क्‍हेमैंने बिमुँ, क्युमैंए खोरए म्रा ङन् ग।

यूहन्‍ना 12:24

क्ह्रोंसेंन ङ क्हेमैंने बिमुँ, गहुँए फुँ सर तेसि आक्राँइ बिस्याँ च फुँ घ्रिन् तरिम्। दिलेया च फुँ सर तेसि क्राँइ बिस्याँ चइ ल्हें रोमैं रोम्।

यूहन्‍ना 13:16

क्ह्रोंसेंन ङ क्हेमैंने बिमुँ, केब्छैं ह्रोंसए क्ल्हे भन्दा थेब आत, छलेन स्यार्बो चलाइ कुल्मिंबै म्हि भन्दा थेब आत।

यूहन्‍ना 13:38

येशूजी बिइ, “ङए ल्हागिरि क्हिइ ह्रोंसए ज्यु पिंम्मा? क्ह्रोंसेंन ङ क्हिने बिमुँ, क्‍हिइ सोंखे समा ङलाइ ङो आसे आबिन् समा नग भाले ओररिब् आरे।

यूहन्‍ना 14:12

“क्ह्रोंसेंन ङ क्हेमैंने बिमुँ, ङलाइ बिश्‍वास लब्मैंइ ङइ लबै केमैं लब्मुँ। च भन्दा थेबै केमैं या लब्मुँ। तलेबिस्याँ ङ आबा ङाँर ह्‍यासिन् मुँ।

यूहन्‍ना 16:20

क्ह्रोंसेंन ङ क्हेमैंने बिमुँ, क्हेमैं न्हुँ लसि क्रोब्मुँ, दिलेया ह्‍युलर्बै म्हिमैं बिस्याँ सैं तोंब्मुँ। क्हेमैं न्हुँ लसि टिलेया लिउँइँ सैं तोंल् योंब्मुँ।

यूहन्‍ना 16:23

“च त्‍हिंइर क्‍हेमैंइ ङने तोइ ङ्योएरिब् आरे। क्ह्रोंसेंन ङ क्हेमैंने बिमुँ, क्हेमैंइ ङए मिंर आबाने तोइ ह्रिलेया खीजी क्हेमैंलाइ पिंब्‍मुँ।

यूहन्‍ना 21:18

“क्ह्रोंसेंन ङ क्हिने बिमुँ, क्हि फ्रेंसि मुँमा ह्रोंसइन ह्रोंसए फगि फैमल, धै खनिर ह्‍यादा ङ्हाँमुँ चर ह्‍यामल। दिलेया क्हि खेब् तमा क्हिइ ह्रोंसए यो स्योंब्मुँ, धै आगुइन क्हिए फगि फैमिंब्मुँ। धै क्हि ह्‍यादा आङ्हाँबै क्ल्ह्‍योर बो‍याब्मुँ।”

यूहन्‍ना 3:11

क्ह्रोंसेंन ङ क्हिने बिमुँ, ङिइ था सेबै ताँए बारेर बिम्, धै ङिइ म्रोंबै ताँए ग्वाइ पिंम्, दिलेया क्हेमैंइ ङिए ताँ आक्वें।

यूहन्‍ना 3:3

येशूजी चने बिइ, “क्‍ह्रोंसेंन ङ क्‍हिने बिमुँ, छारा तसि आफिइ बिस्याँ खाबै या परमेश्‍वरए ग्याल्स म्रोंल् आखाँ।”

यूहन्‍ना 3:5

येशूजी बिइ, “क्‍ह्रोंसेंन ङ क्‍हिने बिमुँ, क्‍यु नेरो परमेश्‍वरए प्ल्हउँइँले आफिइ बिस्याँ खाबै या परमेश्‍वरए ग्याल्सर होंल् आखाँ।

यूहन्‍ना 5:19

येशूजी चमैंने बिइ, “क्ह्रोंसेंन ङ क्हेमैंने बिमुँ, च्हइ ह्रोंसइन तोइ लल् आखाँ, दिलेया आबाजी तो लब् म्रोंमुँ चन् मत्‍त्रे लम्। तलेबिस्याँ आबाजी तो लमुँ, च्हज्यै या छान् लमुँ।

यूहन्‍ना 6:26

येशूजी चमैंने बिइ, “क्ह्रोंसेंन ङ क्हेमैंने बिमुँ, ङइ लबै औदिबै चिनुमैं म्रोंसि क्हेमैंइ ङलाइ म्हैब आङिं, दिलेया म्रेंन्ले क्‍हें चल् योंबइले ङलाइ म्‍हैब् ग।

यूहन्‍ना 6:32

येशूजी चमैंने बिइ, “क्‍ह्रोंसेंन ङ क्‍हेमैंने बिमुँ, क्हेमैंलाइ स्वर्गउँइँले क्हें पिंब मोशाइ आङिं, स्वर्गउँइँले क्हेमैंलाइ क्ह्रोंसेंन्बै क्हें पिंब ङए आबा ग।

यूहन्‍ना 6:47

क्ह्रोंसेंन ङ क्हेमैंने बिमुँ, ङए फिर बिश्‍वास लब्मैंने खोंयोंइ आखाँबै छ्‍ह मुँ।

यूहन्‍ना 6:53

येशूजी चमैंने बिइ, “क्‍ह्रोंसेंन ङ क्हेमैंने बिमुँ, क्‍हेमैंइ म्हिए च्‍हए ज्यु आचस्याँ, खीए को आथुँस्याँ, क्हेमैंने खोंयोंइ आखाँबै छ्ह तरिब आरे।

यूहन्‍ना 8:34

येशूजी चमैंने बिइ, “क्ह्रोंसेंन ङ क्हेमैंने बिमुँ, पाप लब्मैं ताँन् पापए केब्छैं ग।

यूहन्‍ना 8:51

क्ह्रोंसेंन ङ क्हेमैंने बिमुँ, ङइ बिबै ताँ ङिंब्मैं खोंयोंइ सिल् त्हुरिब् आरे।”

यूहन्‍ना 8:58

येशूजी चमेंने बिइ, “क्ह्रोंसेंन ङ क्हेमैंने बिमुँ, अब्राहाम मुँब् भन्दा ओंसों ओंनोंन् ङम् ङन् ग।”

१ पत्रुस 1:25

दिलेया परमेश्‍वरए बचन खोंयोंन् बिलै तरिम्।” क्‍हेमैंने बिमिंबै सैं तोंबै ताँ चुन् ग।

दर्शन 20:11

झाइले फोस्रे ब्योंबै थेबै राजगद्दि नेरो चर क्हुँबै परमेश्‍वर ङइ म्रोंइ। खीउँइँले पृथ्‍बी नेरो मु भौदियाइ, चमैंइ खनिरै क्ल्ह्‍यो आयों।