मत्ती 5:14 - परमेश्‍वरए ताँ तमु क्युइर

¹⁴ “झाइले अर्को ताँ, क्‍हेमैं ह्‍युलर्बै चारबै ह्‍वे ग। कोंर बनेबै सहर लोल् आखाँ।

मत्ती 5:14 ပူးပေါင်းရင်းမြစ်များ

हितोपदेश 4:18

दिलेया ठिक के लप्रबै म्हि प्रबै घ्याँ चारबै ह्‍वे धोंन् तम्, च ह्‍वे त्हिंयाँ आधा समा बेल्‍ले चारदै ह्‍याम्।

यूहन्‍ना 12:36

क्हेमैं चारबै ह्‍वे योंब्मैं तरिगे बिसि ह्‍वे क्हेमैंने मुँरिबर्न चारबै ह्‍वेर बिश्‍वास लद्।” चु ताँ बिबै लिउँइँ येशू च क्ल्ह्‍योउँइँले ह्‍याइ, धै चमैंउँइँले लोसि टिइ।

यूहन्‍ना 5:35

यूहन्‍ना लुँरिबै चारब बत्ति धोंब मुँल। छतसि क्‍हेमैं चए चारबै बत्तिर तिस्याँदे सैं तोंसि टिबै सैं लइ।

यूहन्‍ना 8:12

येशूजी धबै चमैंने बिइ, “ङ ह्‍युलर्बै चारबै ह्‍वे ग। ङए लिलि प्रबै म्हि मिछु खैबर प्रल् त्‍हुरिब् आरे। दिलेया चइ खोंयोंइ आखाँबै छ्ह पिंबै चारबै ह्‍वे योंब्‍मुँ।”

यूहन्‍ना 9:5

ङ ह्‍युलर मुँरिन् समा ङ ह्‍युलर्बै चारबै ह्‍वे ग।”

२ कोरिन्थी 6:14

येशू ख्रीष्‍टए फिर बिश्‍वास आलब्‍मैंने घ्रि तसि आप्रद्। धर्मि नेरो अधर्मि खैले क्‍ह्रिमुँ? चारबै ह्‍वे नेरो मिछु खैब खैले बालु तल् खाँमुँ?

फिलिप्पी 2:15

छले क्‍हेमैं तोइ छ्याब् आरेब तसि परमेश्‍वर ङो आसेब्मैंए म्हाँजोर तोइ खोट आरेबै परमेश्‍वरए सन्तान तद्। छतस्याँ परमेश्‍वर ङो आसेब्मैंए उँइँर क्‍हेमैं मुसारा धोंले चारब्मुँ।

१ थेसलोनिकी 5:5

तलेबिस्याँ क्‍हेमैं ताँन् चारबै ह्‍वेए सन्तान नेरो त्हिंर्बै सन्तान ग। ङ्यो म्‍हुँइँसर्बै नेरो मिछु खैबर्बै म्‍हिमैं आङिं।

दर्शन 1:20

ङए क्‍योलो योर क्‍हिइ म्रोंबै मुसारा ङिउलो नेरो माराए पानस ङिउलोए अर्थ चु ग: मुसारा ङिउलोए अर्थ नाँस ङिउलोर्बै बिश्‍वासीमैंए फिर्बै चिब्मैं ग, झाइले चु पानस ङिउलोए अर्थ नाँस ङिउलोर्बै बिश्‍वासीमैं ग।

दर्शन 2:5

क्हिइ लबै आछ्याँबै केमैं मैंन्। च आछ्याँबै केमैंउँइँले सैं एसि ओंसों लब् धोंले तोगोइन ङलाइ म्हाँया लद्। छ आलस्‍याँ ङइ क्‍हेमैंए पानस चए क्‍ल्‍होउँइँले स्‍योवाब्‍मुँ।