मत्ती 4:7 - परमेश्‍वरए ताँ तमु क्युइर

⁷ येशूजी चने “‘क्‍हिइ याहवेह ह्रोंसए परमेश्‍वरए जाँच आलद्!’ बिसि छ्वेर प्‍ह्रिइमुँ,” बिइ।

मत्ती 4:7 ပူးပေါင်းရင်းမြစ်များ

भजनमैं 106:14

तोइ आकेबै क्‍ल्‍ह्‍योर चमैंइ मिश्रर्बै लिंब-लिंबै चबै सै मैंसि बेल्‍ले चदा ङ्हाँइ, धै चमैंइ क्यु आयोंबै क्ल्ह्‍योर परमेश्‍वरए जाँच लइ।

भजनमैं 78:18

ह्रोंसए सैंर मैंब् धोंले चबै सै ह्रिसि चमैंइ सेन-सेन् परमेश्‍वरए जाँच लइ।

भजनमैं 78:41

चमैंइ घरिघरि खीए जाँच लइ, धै इस्राएलए बेल्‍ले थेबै परमेश्‍वरलाइ चमैंइ ह्रिस खल् लइ।

भजनमैं 78:56

दिलेया चमैंइ परमेश्‍वरए जाँच लइ, धै ताँन् भन्दा थेबै परमेश्‍वरए बिरोध लसि खीलाइ ह्रिस खल् लइ, धै खीजी बिबै ताँमैं आङिंल।

भजनमैं 95:9

चर ङइ लबै केमैं क्हेमैंए खेमैंइ म्रोंसे या चमैंइ ङए जाँच लइ।

प्रस्थान 17:2

छतमा चमैंइ मोशाने ह्रिस खसि बिइ, “ङिलाइ थुँबै क्यु पिंन्।” छबिमा मोशाइ चमैंने बिइ, “क्हेमैं तले ङने ह्रिस खमुँ? क्हेमैं तले याहवेहए जाँच लमुँ?”

प्रस्थान 17:7

याहवेह ङ्योए म्हाँजोर मुँ उ आरे बिसि इस्राएलीमैंइ आक्वेंसि प्होंगि कैगि लसि याहवेहए जाँच लइ, छतसि च क्ल्ह्‍योए मिं मोशाइ मस्साह नेरो मेरीबा थेंइ।

मत्ती 21:16

“चु कोलोमैंइ बिरिबै ताँ क्‍हिइ थेइमुँ वा?” बिसि येशूने ङ्योएइ। येशूजी बिइ, “थेइमुँ, तले आथेब! ‘च्‍योंबै कोलोमैं नेरो ओलाँ कोलोमैंए सुँउँइँले या परमेश्‍वरजी खीए मिं क्वेबर ल्हैदिइमुँ,’ बिसि परमेश्‍वरए छ्वेर प्ह्रिबै ताँ क्‍हेमैंइ खोंयोंइ आखेइमुँ वा?”

मत्ती 21:42

येशूजी चमैंने बिइ, “परमेश्‍वरए छ्वेर प्‍ह्रिबै चु ताँ क्‍हेमैंइ आखेइमुँ वा? ‘धिं लब्‍मैंइ केर आफे बिसि भ्योंवाबै युँमान् धाँसे तेंर्बै क्र युँमा तइमुँ। चु परमेश्‍वरउँइँले तब् ग। ङ्योए उँइँर चु के आचम्‍मबै मुँ।’

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

मत्ती 4:4

छबिमा येशूजी बिइ, “परमेश्‍वरए छ्वेर छले प्‍ह्रिइमुँ, ‘चबै सैइ मत्‍त्रे म्हि सोल् आखाँ, परमेश्‍वरए सुँउँइँले त्‍होंबै ताँमैंउँइँले म्‍हि सोल् खाँम्।’”

लूका 4:12

दिलेया येशूजी चने बिइ, “‘क्‍हिइ ह्रोंसए याहवेह परमेश्‍वरए जाँच आलद्,’ बिसि परमेश्‍‍वरए छ्वेर प्ह्रिइमुँ।”

चेला चिब्मैंए केमैं 15:10

छतसि नोलै आखाँबै खर्गु चेलामैंए प्हैंदार थेंमिंसि तले परमेश्‍वरए जाँच लमुँ? चु खर्गु ङ्योए खेमैंज्यै नोल् आखाँल, ङ्योज्यै या नोल् आखाँइमुँ।

चेला चिब्मैंए केमैं 5:9

छबिमा पत्रुसइ चने बिइ, “प्रभुए प्ल्हए जाँच लबर क्‍हेमैं ङ्हिंना-ङ्हिंन् क्ह्रिसि खैले मत लल? ङ्‍ह्‍योद्! क्हिए प्युँ पाब्मैं म्रार्न मुँ। चमैंइ क्हि या बैरु बोयाब्मुँ।”

१ कोरिन्थी 10:9

झाइले चमैं न्‍होंरि को-कोइ प्रभुए जाँच लब् धोंले ङ्योइ प्रभुए जाँच लल् आत। प्रभुए जाँच लबइले चमैंलाइ प्‍हुरिइ नास लवाइ।

हिब्रू 3:9

च क्ल्ह्‍योर प्लिच्यु बर्ष समा क्हेमैंए खेमैंइ ङइ लबै केमैं म्रोंसेया ङए सैं फो किंबै के लइ।