मत्ती 4:4 - परमेश्‍वरए ताँ तमु क्युइर

⁴ छबिमा येशूजी बिइ, “परमेश्‍वरए छ्वेर छले प्‍ह्रिइमुँ, ‘चबै सैइ मत्‍त्रे म्हि सोल् आखाँ, परमेश्‍वरए सुँउँइँले त्‍होंबै ताँमैंउँइँले म्‍हि सोल् खाँम्।’”

मत्ती 4:4 ပူးပေါင်းရင်းမြစ်များ

प्रस्थान 16:15

इस्राएलीमैंइ च म्रोंसि खेंमैंए न्होंरि “चु सै तो जा?” बिबर होंइ, तलेबिस्याँ चमैंइ च सै तो जा बिसि आसेल। छतमा मोशाइ चमैंने बिइ, “चु याहवेहजी क्हेमैंए ल्हागिर पिंबै क्हें ग।

प्रस्थान 16:35

इस्राएलीमैं कनान ह्‍युलर फेनेसि टिबै तौदु आतन् समा चमैंइ मन्‍न चरिइ।

प्रस्थान 16:8

धबै मोशाइ बिइ, “याहवेहजी क्हेमैंलाइ ङेसर चबर से नेरो न्हाँगर म्रेंनाले क्हें पिंब्मुँ, तलेबिस्याँ क्हेमैंइ खीए बिरोधर गनगन लब खीजी थेइमुँ। ङि खाब् रो? क्हेमैंए चु गनगन ङिए बिरोधर आङिं, याहवेहए बिरोधर तइमुँ।”

प्रस्थान 23:15

क्हेमैंइ प्लेढा आझोंबै क्हें चबै चाड म्हाँदिद्। ङइ क्हेमेंने बिब् धोंले आबीब म्हैंनर बिबै त्हेर ङिगैं समा प्लेढा आझोंबै क्हें चद्, तलेबिस्याँ चु म्हैंनर्न क्हेमैं मिश्र ह्‍युलउँइँले त्होंइ खब् ग। क्हेमैं ङ ङाँर खमा यो क्होत्‍ते आखो।

मत्ती 15:11

“सुँउँइँले न्‍होंर होंबै सैइ म्हि पापर च्होल् आल। बरु सुँउँइँले बैरु त्‍होंबै आछ्याँबै ताँइ म्हिलाइ पापर च्होवाम्।”

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

मत्ती 4:7

येशूजी चने “‘क्‍हिइ याहवेह ह्रोंसए परमेश्‍वरए जाँच आलद्!’ बिसि छ्वेर प्‍ह्रिइमुँ,” बिइ।

मर्कूस 7:20

येशूजी धबै बिइ, “म्हिए सैं न्होंउँइँले त्होंबै आछ्याँबै ताँइ मत्‍त्रे म्‍हि पाप खल् लवाम्।

लूका 4:12

दिलेया येशूजी चने बिइ, “‘क्‍हिइ ह्रोंसए याहवेह परमेश्‍वरए जाँच आलद्,’ बिसि परमेश्‍‍वरए छ्वेर प्ह्रिइमुँ।”

लूका 4:4

दिलेया येशूजी चने बिइ, “‘म्हि क्हेंइ मत्‍त्रे सोल् आँखाँ!’ बिसि परमेश्‍वरए छ्वेर प्‍ह्रिइमुँ।”

लूका 4:8

येशूजी चने बिइ, “क्‍हिइ याहवेह ह्रोंसए परमेश्‍वरलाइ मत्‍त्रे फ्‍योद्, धै खीए सेवा मत्‍त्रे लद्,” बिसि परमेश्‍वरए छ्वेर छले प्‍ह्रिइमुँ।

यूहन्‍ना 15:26

“ङइ आबाउँइँले ल्होमिंबै पबित्र प्ल्ह क्हेमैं ङाँर कुल्मिंब्मुँ, खी परमेश्‍वर आबाउँइँले युब्मुँ, खीजीन् ङए बारेर ग्वाइ पिंब्मुँ।

यूहन्‍ना 6:63

दिलेया परमेश्‍वरए प्ल्हजी मत्‍त्रे छ्ह पिंमुँ, छाबै के म्हिमैंए भोंइ लल् आखाँ। ङइ क्हेमैंने बिरिबै ताँमैं परमेश्‍वरए प्ल्हउँइँले योंबै खोंयोंइ आखाँबै छ्हर्बै ताँ ग।

रोमी 15:4

ङ्योए आशालाइ बडिबर धै ङ्योए फिर तो तलेया सैदिबै भों पिंबर परमेश्‍वरए छ्वेर प्‍ह्रिबै ताँन् ताँ ङ्योलाइ लोमिंबर प्‍ह्रिब् ग।

एफिसी 6:17

झाइले तो सैज्यै या क्रर आटरिगे बिसि पैए कुले कुब् धोंलेन् परमेश्‍वरजी ङ्योलाइ जोगेमिंइमुँ बिसि खैलसे था सेद्। धै पबित्र प्ल्हजी पिंबै सेलाँ छेद्। च तो जा बिस्याँ परमेश्‍वरए बचन ग।