मत्ती 4:25 - परमेश्‍वरए ताँ तमु क्युइर

²⁵ छतमा गालील ह्‍युलउँइँले, डिकापोलिस ह्‍युलउँइँले, यरूशलेम सहरउँइँले, यहूदीया ह्‍युलउँइँले नेरो यर्दन स्‍यों क्‍योंजाउँइँले ल्हें म्हि खसि खीए लिलि ल्हैदिइ।

मत्ती 4:25 ပူးပေါင်းရင်းမြစ်များ

मत्ती 12:15

खीलाइ सैबै मत लबै ताँ था सेसि येशू च क्ल्ह्‍योउँइँले ह्‍याइ। छले ह्‍यामा ल्‍हें म्‍हिमैं खीए लिलि ल्‍हौदिइ, धै खीजी ताँन् नबै म्‍हिमैं सल् लमिंइ।

मत्ती 19:2

चर म्‍हिए हुलमैं खीए लिलि ल्हैदिइ। धै खीजी चर्न नबै म्हिमैं सल् लमिंइ।

मत्ती 4:15

“ओ यर्दन स्‍योंए क्‍योंजा मा ङ्युउँइँले ह्‍याबै घ्‍याँर मुँबै जबूलून नेरो नप्‍तालीथेंमैं नेरो अरू ह्रेंमैं टिबै गालील ह्‍युल।

मत्ती 5:1

(म्हिमैंए हुल म्रोंसि येशू कोंउँइँ क्रेयाइ। चर ह्‍यासि क्हुँरिमा खीए चेलामैं खी ङाँर खइ।

मत्ती 8:1

येशू कोंउँइँले क्‍युरु युमा म्हिए हुल खीए लिलि ल्‍हैदिइ।

मर्कूस 5:20

छ बिबै तोंदोंन् च ह्‍यासि येशूजी खीए फिर थेबै के लमिंइ बिसि डेकापोलिस ह्‍युलर बिप्रबर होंइ। चए ताँ थेसि ताँन् म्‍हिमैं प्लेटोयाइ।

मर्कूस 6:2

धै प्रिबै त्हिंइरि येशू च्हों धिंर ह्‍यासि म्हिमैंने परमेश्‍वरए ताँ लोमिंबर होंइ। खीए ताँ थेब्मैं न्होंर्बै ल्हें म्हिइ अचम्‍मा ङ्हाँसि छ बिइ, “चु म्‍हिजी छाबै ताँमैं खनिउँइँले ह्रगे? चु म्‍हिजी योंबै ज्ञान खैब जा? चु म्‍हिउँइँले छाबै अचम्‍माबै केमैं खैले तब् जा?

मर्कूस 7:31

झाइले येशू टुरोस सहरउँइँले त्‍होंसि सीडोन बिबै क्‍ल्‍ह्‍योर खइ। धै डिकापोलिस बिबै ह्‍युलए घ्‍याँउँइँले गालील तालर एखइ।

लूका 6:17

च लिउँइँ खी कोंउँइँले चेलामैंने बालुन् क्युरु युसि चेप्ला तबै क्‍ल्‍ह्‍योर राइ। चर यहूदीया, यरूशलेम नेरो मा ङ्युँइ रेजरेबै टुरोस नेरो सिदोन सहर खागुबै ह्‍युलउँइँले या ल्हें म्हि खल। चर खीए अरू चेलामैं या मुँल। चमैं येशूजी लोमिंबै ताँ थेबर नेरो ह्रोंसए नब्-छब् सल् लमिंरिगे बिसि खल।

लूका 6:19

ताँन् म्‍हिमैंइ येशूलाइ छुइल् म्‍हैमल, तलेबिस्याँ येशूउँइँले शक्‍ति त्होंरिल। छतमा चमैं ताँन् सल् लमल।