मत्ती 4:24 - परमेश्‍वरए ताँ तमु क्युइर

²⁴ छले सिरिया ह्‍युल तिगोंन् येशूजी लबै औदिबै केमैंए बयन थेनेइ। छतमा म्‍हिमैंइ ननाओलिबै नब्‍मैं, मोंइ स्‍याब्‍मैं, र बेथाइ स्याब्‍मैं, स्याले बेथाइ स्याब्‍मैं ताँन् म्हिमैंइ खी ङाँर पखइ, धै खीजी चमैं ताँन् सल् लमिंमल।

मत्ती 4:24 ပူးပေါင်းရင်းမြစ်များ

प्रस्थान 15:26

खीजी बिइ, “क्हेमैंइ ङए ताँ छेनाले थेसि ङइ बिबै ताँन् ताँमैं नेरो ङए ठिममैं म्हाँदिइ बिस्याँ, ङइ मिश्रीमैं फिर कुलब् धों तबै नब-छबमैं घ्रि या क्हेमैंए फिर कुलरिब् आरे, तलेबिस्याँ क्हेमैं सल् लबै याहवेह ङन् ग।”

मत्ती 12:22

झाइले मोंइ स्‍यासि कन तबै लडा म्‍हिमैंइ येशूए ङाँर पखइ। येशूजी च म्‍हि सल् लमिंमा च म्‍हि म्रोंल् खाँब, पोंल् खाँब् त‍याइ।

मत्ती 14:1

च त्हेर गालील ह्‍युलर्बै हेरोद म्रुँइ येशूए बारेर्बै ताँ थेइ।

मत्ती 15:22

च क्‍ल्‍ह्‍योउँइँले कनान ह्रेंर्बै च्हमिरि घ्रि ओरदै खसि येशूने बिइ, “ओ प्रभु, दाऊदए च्ह, ङए फिर ल्हयो खमिंन्। ङए च्हमि मोंइ स्यासि बेल्‍ले ह्रुगुदिइमुँ।”

मत्ती 17:15

“प्रभु, ङए च्‍हए फिर ल्हयो खमिंन्। चलाइ र बेथाइ स्‍यासि बेल्‍ले दुःख तरिइमुँ। च खोंयों मिर फेमुँ, खोंयों क्‍युर फेमुँ।

मत्ती 17:18

झाइले येशूजी च मोंलाइ हौदिमा च मों कोलोउँइँले त्‍होंह्‍याइ। च तोदोंन् कोलो सयाइ।

मत्ती 4:23

येशू गालील ह्‍युल तिगोंन् स्‍युरदै चमैंए च्हों धिंजरेबै म्हिमैंने परमेश्‍वरए ताँमैं लोमिंदै स्‍वर्गर्बै ग्याल्सए बारेर सैं तोंबै ताँमैं बिप्रमल। धै ताँन् खालर्बै नब् छब्मैं नेरो मोंइ स्याबै म्‍हिमैं या सल् लमिंमल।

मत्ती 8:28

झाइले येशू मा ङ्युँइए क्‍योंजा गदरिनिमैंए ह्‍युलर फेनेमा चर मोंइ स्याबै म्हि ङ्हिं छगोंउँइँले खरिमा खीने त्‍होइ। चमैं बेल्‍ले ङ्हिंदा ङ्हाँन् ब्योंब मुँल। छतसि खाबै या च घ्याँ ह्‍याब खब लल् आखाँमल।

मत्ती 8:33

छतब् म्रोंसि तिलि छब्मैं नाँसउँइँ नेह्‍याइ, धै नाँसर फेनेसि खेंमैंइ म्रोंबै ताँमैं नेरो मोंइ स्‍याबै म्‍हि ङ्हिं सबै ताँ नाँसथेंमैंने बिइ।

मत्ती 8:6

“ओ प्रभु, ङए के लबै म्हि स्याले बेथाइ बेल्‍ले नसि धिंर रोरिइमुँ।”

मत्ती 9:26

झाइले येशूजी लबै औदिबै केए बारेर च ह्‍युल तिगोंन् थेनेइ।

मत्ती 9:35

येशू ताँन् सहरजरे नाँ-नाँसजरे स्‍युरसि चमैंए च्हों धिंजरे परमेश्‍वरए ग्याल्सर्बै सैं तोंबै ताँमैं म्‍हिमैंने बिमिंदै ताँन् खालर्बै नब् छब्मैं सल् लमिंदै प्रइ।

मर्कूस 1:28

छ तबै तोंदोंन् येशूए छ्याँबै बयन गालील ह्‍युल तिगोंन् थेनेइ।

मर्कूस 1:32

त्हिंयाँ लियाबै लिउँइँ म्हिमैंइ येशू ङाँर नब् छब्मैं नेरो मोंइ स्‍याब्मैं ताँन् पखइ।

मर्कूस 2:3

च त्हेर्न म्‍हि प्‍लिइ स्याले तबै म्‍हि घ्रि नोसि येशू ङाँर पखइ।

मर्कूस 2:4

चर म्‍हिए हुल तबइले चमैंइ च स्याले म्हि येशूए ङाँर बोल् आखाँ। छतमा चमैंइ येशू मुँबै धिंप्हें ओवासि च नबै म्‍हि क्‍ल्‍ह्‍योने बालुन् येशू मुँबै क्‍ल्‍ह्‍योर तवाइ।

मर्कूस 2:9

चु स्याले म्‍हिने क्हिए पाप क्षमा तइमुँ बिब छ्याँब उ ‘रेद्, क्‍हिए क्ल्ह्‍यो नोसि प्रद्’ बिब छ्याँब जा?

लूका 2:2

(चु ओंसोंबै जनसंख्या च्योमा क्‍युरिनियस बिबै म्‍हि सिरिया ह्‍युलर्बै रोमी क्रथे मुँल।)

लूका 4:14

च लिउँइँ येशू परमेश्‍वरए पबित्र प्ल्हए शक्‍ति योंसि गालील ह्‍यु‍लर एख‍इ। छले एखमा खीए बारेर्बै ताँ च खागुबै ताँन् नाँसजरे थेनेइ।

लूका 4:38

येशू च्हों धिंउँइँले त्‍होंसि सिमोन बिबै म्‍हिए धिंर ह्‍यामा सिमोनए स्‍युमिं बेल्‍ले जर खसि नरिल। छतमा चर्बै म्‍हिमैंइ चुलाइ सल् लमिंन् बिसि येशूने यो छ्‍युँ लइ।

लूका 5:15

छान् बिलेया येशूए बयन ओंसों भन्दा झन् खन्तोंदोंन् थेनेइ। छतसि खीए ताँ थेबर नेरो ह्रों-ह्रोंसए नब सल् लमिंरिगे बिसि थेबै हुल खी ङाँर खमल।

लूका 5:24

दिलेया म्हिए च्हने पृथ्‍बीर पाप क्षमा पिंबै हग मुँ बिसि क्हेमैंइ सेद्।” च्हौ बिसि खीजी च स्याले म्हिने “रेद्, क्‍हिए खाट नोसि धिंर ह्‍याद्,” बिइ।

लूका 7:17

येशूजी छले कोलो सोल् लमिंबै ताँ यहूदीया नेरो च खागुबै ह्‍युल तिगोंन् थेनेइ।

यूहन्‍ना 10:21

दिलेया को-कोइ म्हिमैंइ “मोंइ स्‍याबै म्हिए ताँ छाब आत! मोंइ मि आम्रोंबै म्हिए मि म्रोंल् लल् खाँम् रो वा?” बिमल।

चेला चिब्मैंए केमैं 10:38

परमेश्‍वरजी नासरतथें येशूलाइ पबित्र प्ल्ह नेरो शक्‍तिजी प्लिंमिंसि खीजी छ्याँबै केमैं लदै, दुष्‍टइ ह्रुगुदिब्मैं सल् लमिंदै प्रइ, तलेबिस्याँ परमेश्‍वर खीने बालु मुँल।

चेला चिब्मैंए केमैं 15:23

झाइले बिश्‍वासीमैंइ पिमिंबै प्ह्रिछ्यार चु छाबै ताँमैं मुँल: “एन्‍टिओखिया, सिरिया नेरो किलिकियार मुँबै येशूए फिर बिश्‍वास लबै अरू ह्रेंर्बै अलि-अङाँमैंलाइ कुल्मिंबै चेला चिब्मैं नेरो एल्डरमैंउँइँले जय मसीह मुँ।

चेला चिब्मैंए केमैं 15:41

चमैं सिरिया नेरो किलिकियाजरे स्युरदै बिश्‍वासीमैं भोंब् लमिंदै प्रइ।

चेला चिब्मैंए केमैं 28:9

छतसि च टापूर टिबै अरू नबै म्हिमैं या पावल ङाँर खमा चमैं या सइ।

चेला चिब्मैंए केमैं 8:7

तलेबिस्याँ ल्हें म्हिउँइँले मोंमैं थेबै कैले ओरसि त्होंमल। छलेन यो प्हले ओलेल् आखाँबै ल्हें स्याले म्हिमैं या सल् लमिंइ।