मत्ती 4:22 - परमेश्‍वरए ताँ तमु क्युइर

²² हुइबै तोदोंन् चमैंज्‍यै या खेंमैंए डुँङ्गा नेरो आबा वाथेंसि येशूए लिलि ल्‍हैदिइ।

मत्ती 4:22 ပူးပေါင်းရင်းမြစ်များ

मत्ती 10:37

“खाबइ ङ भन्दा ह्रोंसए आबा-आमाए म्हाँया ल्हें लमुँ, च ङए म्‍हि तल् आखाँ। छलेन खाबइ ङ भन्दा ह्रोंसए च्‍ह-चमिए म्हाँया ल्हें लमुँ च ङए म्‍हि तल् आखाँ।

मत्ती 4:21

येशू छाइले ह्‍यारिमा अर्को त्येमैं ङ्हिं, जब्दियाए च्‍हमैं याकूब नेरो यूहन्‍ना खेंमैंए आबाने डुँङ्गार क्हुँसि ह्रोंसए जाल टुरिब म्रोंसि खीजी चमैं या हुइ।

मत्ती 4:23

येशू गालील ह्‍युल तिगोंन् स्‍युरदै चमैंए च्हों धिंजरेबै म्हिमैंने परमेश्‍वरए ताँमैं लोमिंदै स्‍वर्गर्बै ग्याल्सए बारेर सैं तोंबै ताँमैं बिप्रमल। धै ताँन् खालर्बै नब् छब्मैं नेरो मोंइ स्याबै म्‍हिमैं या सल् लमिंमल।

मर्कूस 1:20

चमैं म्रोंबै तोंदोंन् खीजी हुइमा चमैंइ ह्रोंसए आबा जब्दिया खेंमैंए के लब्मैंने डुँङ्गार्न वाथेंसि खीए लिलि प्रइ।

लूका 14:26

“ङए लिलि खब्मैंइ ह्रोंसए आबा, आमा, प्ह्रेंस्यो, प्‍हसेमैं, अलि-अङाँमैं नेरो ह्रोंसए ज्यु या तो धोंइ आङ्हाँ बिस्याँ च ङए चेला तल् आखाँ।

लूका 14:33

छतसि क्हेमैंए न्होंरि खाबइ ह्रोंसने मुँबै तोन्दोंरि सै आवथें च ङए चेला तल् आखाँ।

लूका 5:11

छबिमा चमैंइ ह्रोंसए डुँङ्गामैं छ्योगोर भ्योंथेंसि तोन्दोंरि सै वाथेंसि प्रभु येशूए लिलि प्र‍याइ।

२ कोरिन्थी 5:16

छतसि तारे ङिइ म्हिमैंलाइ ङ्ह्‍योमा चमैंने मुँबै बैरुबै सैमैंउँइँले आङ्ह्‍यो। ख्रीष्‍टलाज्यै ओंसों ङिइ छलेन् ङ्ह्‍योमल, तारे ङिइ खीलाइ छले आङ्ह्‍यो।