मत्ती 4:21 - परमेश्‍वरए ताँ तमु क्युइर

²¹ येशू छाइले ह्‍यारिमा अर्को त्येमैं ङ्हिं, जब्दियाए च्‍हमैं याकूब नेरो यूहन्‍ना खेंमैंए आबाने डुँङ्गार क्हुँसि ह्रोंसए जाल टुरिब म्रोंसि खीजी चमैं या हुइ।

मत्ती 4:21 ပူးပေါင်းရင်းမြစ်များ

मत्ती 10:2

च्युसे ङ्हिं कुल्मिंबै चेला चिब्मैंए मिं चुमैंन् ग: ओंसों पत्रुस बिबै सिमोन, चए अलि अन्‍द्रियास, जब्दियाए च्ह याकूब नेरो चए अलि यूहन्‍ना,

मत्ती 17:1

टुरो लिउँइँ येशूजी पत्रुस, याकूब नेरो चए अलि यूहन्‍ना स्योले नुबै कोंउँइँ बोयाइ।

मत्ती 26:37

खीजी पत्रुस नेरो जब्दियाए च्‍ह ङ्हिं ह्रोंसने बालुन् बोसि ह्‍याइ, च्हमा खी शोकइ लमा खैता खैता तबर होंइ।

मत्ती 4:20

येशूजी छ बिबै तोदोंन् चमैंइ खेंमैंए जालमैं वाथेंसि खीए लिलि ल्‍हैदिइ।

मत्ती 4:22

हुइबै तोदोंन् चमैंज्‍यै या खेंमैंए डुँङ्गा नेरो आबा वाथेंसि येशूए लिलि ल्‍हैदिइ।

मर्कूस 3:17

जब्दियाए च्‍ह याकूब नेरो याकूबए अलि यूहन्‍ना। येशूजी चमैंए मिं बोअनरिगेश थेंइ, चए अर्थ मु ङ्‌हेबए च्हमैं ग।

मर्कूस 5:37

च्हौ बिसि खीजी पत्रुस, याकूब नेरो याकूबए अलि यूहन्‍ना बाहेक् अरू खाबलाज्यै खीने बालु ह्‍याल् आपिं।

यूहन्‍ना 21:2

सिमोन पत्रुस, जौंले बिबै थोमा, गालीलर्बै कानाथें नथानेल, याकूब, यूहन्‍ना, नेरो येशूए चेलामैं न्होंर्बै अरू म्हि ङ्हिं या बालुन् मुँल।

चेला चिब्मैंए केमैं 12:2

चइ यूहन्‍नाए आघें याकूबलाइ सेलाँइ (तरवारइ) सैवाल् पिंइ।