मत्ती 4:19 - परमेश्‍वरए ताँ तमु क्युइर

¹⁹ येशूजी चमैंने बिइ, “ङए लिलि प्रद्। ताँग खुब् धोंले अरू म्‍हिमैं ङ ङाँर खुपखब्‍मैं ङइ क्हेमैं लमिंब्मुँ।”

मत्ती 4:19 ပူးပေါင်းရင်းမြစ်များ

मत्ती 16:24

झाइले येशूजी खीए चेलामैंने बिइ, “ङए लिलि खदा ङ्हाँम्मैं, ह्रोंसए ज्यु म्हाँया आलल्‍ले दुःख नोसि ङए लिलि खल् त्‍हुम्।

मत्ती 19:21

येशूजी चने बिइ, “क्‍हि क्‍ह्रोंसेंनन्बै ठिक तदा ङ्हाँस्‍याँ ह्‍यासि क्‍हिने मुँबै तोन्दोंरि सै न्होर चुँसि योंबै मुइ ङ्हाँदुमैं चुमिंन्। छलस्याँ क्‍हिइ स्‍वर्गर सै न्होर योंब्‍मुँ। झाइले खसि ङए लिलि ल्‍हैदिद्।”

मत्ती 4:18

तिगें येशू गालील बिबै मा ङ्युँइए छेउजरे प्ररिमा सिमोन पत्रुस नेरो चए अलि अन्‍द्रियास ङ्हिंना-ङ्हिंन् मा ङ्युँइर जाल प्रिंरिब म्रोंइ। तलेबिस्याँ चमैं ताँग क्हाब्‍मैं मुँल।

मत्ती 4:20

येशूजी छ बिबै तोदोंन् चमैंइ खेंमैंए जालमैं वाथेंसि खीए लिलि ल्‍हैदिइ।

मत्ती 8:22

छबिमा येशूजी चने बिइ, “क्हि ङए लिलि खो। सिनुमैंलाइ सिनुमैंन पारिगे।”

मत्ती 9:9

येशू च क्‍ल्‍ह्‍योउँइँले ह्‍यारिमा मत्ती बिबै म्‍हि घ्रि बालि रेबै क्ल्ह्‍योर क्हुँरिब म्रोंइ, धै चने या “ङए लिलि प्रद्!” बिइ। छबिमा मत्ती रेसि येशूए लिलि प्रइ।

मर्कूस 2:14

च कल्ह्‍योउँइँले ह्‍यारिमा येशूजी अल्‍फयसए च्‍ह लेबी रोमी म्रुँए बालि रेबै क्ल्ह्‍योर क्हुँरिब् म्रोंसि चने, “ङए लिलि प्रद्,” बिमा लेबी रेसि येशूए लिलि प्रइ।

लूका 5:27

च लिउँइँ येशू बैरु ह्‍यामा म्हालार बालि रेबै लेबी म्हि घ्रि म्रोंइ। च लेबी रोमी म्रुँए ल्हागिर बालि रेबै म्हि मुँल। येशूजी चने “ङए लिलि प्रद्,” बिइ।

लूका 9:59

खीजी अर्को म्‍हि घ्रिने “ङए लिलि प्रद्,” बिइ। दिलेया च म्‍हिइ बिइ, “ओ गुरु, ओंसों ङए आबा पाबर ह्‍याल् पिंन्।”

यूहन्‍ना 1:43

च प्‍हँन्हाँग्धों येशूजी गालील ह्‍युलर ह्‍याबै सैं लइ। धै खीजी फिलिप बिबै म्हि त्‍होसि चने बिइ, “ङए लिलि प्रद्।”

यूहन्‍ना 12:26

“ङए सेवा लदा ङ्हाँब्मैं ङए लिलि प्ररिगे। छलमा ङ खनिर टिमुँ, ङए सेवा लब्मैं चर्न तब्मुँ। ङए सेवा लब्मैंलाइ ङए आबाजी मान लब्मुँ।”

यूहन्‍ना 21:22

येशूजी चने बिइ, “ङ आयुन् समा चइ ङ पैंरिगे बिब ङए सैं मुँलेया क्हिलाइ चु ताँ तले चैदिइ? क्हिम् ङए लिलि प्रद्!”

२ कोरिन्थी 12:16

ङइ क्‍हेमैंलाइ तोइ सैरै दुःख आपिंइमुँ बिसि क्हेमैंज्यै सेइमुँ। दिलेया ङइ बाठो तसि क्हेमैंलाइ फसदिइ बिसि क्हेमैंइ ङलाइ छ्याब् ल्‍हैदिम् रो।