मत्ती 4:10 - परमेश्‍वरए ताँ तमु क्युइर

¹⁰ छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

मत्ती 4:10 ပူးပေါင်းရင်းမြစ်များ

भजनमैं 109:6

छतसि ङए शत्‍तुरए बिरोध लबै ल्हागिर दुष्‍ट म्हि घ्रि त्हाँन्; धै चए फिर छ्याब् ल्हैदिबै म्हि चए क्योलोउँइँ राल् पिंन्।

प्रस्थान 23:25

क्हेमैंइ ह्रोंसए याहवेह परमेश्‍वरए सेवा लद्। छ लस्याँ ङइ क्हेमैंए रा-रोमैंर आशिक पिंब्मुँ, धै ङइ क्हेमैंए नब्-छब् सल् लमिंब्मुँ।

मत्ती 16:23

दिलेया खीजी पत्रुसने बिइ, “ओ दुष्‍ट, ङ ङाँइँले स्‍योह्‍याद्। क्‍हि ङ प्रल् त्‍हुबै घ्‍याँरि पुजु तइमुँ, तलेबिस्याँ क्‍हिए चु ताँ म्‍हिए ताँ ग, परमेश्‍वरउँइँले खब आङिं।”

मर्कूस 1:13

च क्‍ल्‍ह्‍योर दुष्‍टइ प्लिच्यु त्हिंइ समा खीलाइ पापर च्होवाल् म्हैइ। खी क्ह्‍योंर्बै खेदोमैंने टिल् त्हुमा स्‍वर्गदूतमैं युसि खीलाइ ल्होमिंइ।

लूका 10:18

छबिमा येशूजी चमैंने बिइ, “ओं, काम्‍लि-तिम्‍लि युब् धोंले मोंमैंए म्रुँ दुष्‍ट स्‍वर्गउँइँले क्युरु खारयुब ङइ म्रोंइ।

लूका 11:18

च धोंलेन् दुष्‍ट ह्रोंसनेन् आक्ह्रिस्याँ चए ग्याल्स खैले टिक्दिल् खाँम्? “तलेबिस्याँ बालजिबुलए शक्‍तिउँइँले ङइ मोंमैं ल्‍हाम् बिसि क्हेमैंइ बिम्।

लूका 13:16

चु अब्राहामए कुलर्बै च्हमि च्युसे प्रेदिं समा दुष्‍टइ फैथेंबै फैंसों प्रिबै त्हिंइर प्ल्हमिंल् त्हुब् आङिं वा?

लूका 22:3

च त्‍हेर्न यहूदा इस्‍करियोतए सैंर दुष्‍ट होंइ। च यहूदा येशूए च्युसे ङ्हिं चेलामैं न्‍होंर्बै घ्रि मुँल।

लूका 22:31

“ओ सिमोन, सिमोन, थेद्! म्हिमैंइ नौलिर गहुँ टाब् धोंले दुष्‍टइ क्‍हि टाल् योंरिगे बिसि यो छ्युँ लइमुँ।

लूका 4:8

येशूजी चने बिइ, “क्‍हिइ याहवेह ह्रोंसए परमेश्‍वरलाइ मत्‍त्रे फ्‍योद्, धै खीए सेवा मत्‍त्रे लद्,” बिसि परमेश्‍वरए छ्वेर छले प्‍ह्रिइमुँ।

यूहन्‍ना 13:27

चइ च क्हें लुँठे चबै तोदोंन् चए सैंर दुष्‍ट होंइ। झाइले येशूजी चने “क्‍हिइ तो लल् म्हैल, च युनन् लद्,” बिइ।

चेला चिब्मैंए केमैं 26:18

चमैं मिछु खैबाउँइँले चारबै व्हेर खरिगे धै दुष्‍टए शक्‍तिउँइँले फ्रेसि परमेश्‍वरउँइँ एरिगे बिसि क्हिइ चमैंए मि थोंमिंन्। छले चमैंइ पापए क्षमा योंब्मुँ धै ङए फिर बिश्‍वास लसि पबित्र तबै म्हिमैं टिबै क्ल्ह्‍योर चमैं टिल् योंब्मुँ।’

चेला चिब्मैंए केमैं 5:3

दिलेया पत्रुसइ चने बिइ, “ओ हननिया, क्ल्ह्‍यो चुँसि योंबै मुइ च्युगुदे ह्रोंसने थेंसि पबित्र प्ल्हने स्योर तेब दुष्‍टइ क्हिए सैंर खैले झोंमिंइ?

१ कोरिन्थी 5:5

तारेसेरो चइ छाबै पाप केमैं आलरिगे, धै प्रभु येशू युबै त्हिंइर चए प्ल्ह सोरिगे बिसि च म्हिलाइ दुष्‍टए योर पिंवाँन्।

१ कोरिन्थी 7:5

छतसि क्‍हेमैं क्‍ह्रिसि टिबै ल्हागिर घ्रिइ बिब घ्रिइ ङिंल् त्हुम्। दिलेया प्राथना लबै ल्हागिर क्हेमैं सल्‍ला लसि तिस्या स्यो तलेया लिउँइँ क्‍हेमैं बालुन् तल् त्‍हुम्। छ आलस्याँ क्‍हेमैंइ सैं फैल् आखाँबइले दुष्‍टइ मौका योंल् खाँम्।

२ कोरिन्थी 11:14

चु ताँर प्लेटोरिल् आत्हु! तलेबिस्याँ दुष्‍टै या चारबै स्‍वर्गदूत धों तल् खाँम्।

२ कोरिन्थी 12:7

दिलेया छाबै औदिबै दर्शनमैं ङइ ल्हें म्रोंलेया ङ थेब् आप्‍हैंरिगे बिसि प्रभुजी ङए ज्युर पुजु घ्रि थेंमिंइ। ङ थेब् आप्हैंरिगे बिसि च पुजु अथबा दुष्‍टए दूत घ्रि ङलाइ ह्रुगुदिबर थेंमिंइ।

२ कोरिन्थी 2:11

ङ्योए फिर दुष्‍टइ तोइ लल् आखाँरिगे बिसि च पाप लबै म्हिलाइ क्षमा पिंल् त्‍हुम्, तलेबिस्याँ दुष्‍टइ खैले पापर च्होवाम् बिब ङ्योइ सेइमुँ।

याकूब 4:7

छतसि परमेश्‍वरजी बिब ङिंन्, दुष्‍टए ताँ आङिंन्। छलस्याँ दुष्‍ट क्‍हेमैंउँइँले न्हेह्‍याम्।

१ पत्रुस 5:9

छतसि क्‍हेमैं परमेश्‍वरए फिर भोंन्ले बिश्‍वास लसि च दुष्‍टए बिरोध लद्, तलेबिस्याँ ह्‍युलर्बै ताँन् बिश्‍वासी अलि अङाँमैंज्यै छाबन् दुःख योंरिइमुँ बिसि क्हेमैंइ सेइमुँ।