मत्ती 3:17 - परमेश्‍वरए ताँ तमु क्युइर

¹⁷ झाइले “चु ङइ खोबै च्‍ह ग, चु म्रोंसि ङ बेल्‍ले सैं तोंइमुँ बिबै कै घ्रि स्वर्गउँइँले युइ।”

मत्ती 3:17 ပူးပေါင်းရင်းမြစ်များ

भजनमैं 2:7

“याहवेहजी बिद् बिबै ताँ ङइ बिब्मुँ: खीजी ङने बिइ, ‘क्हि ङए च्ह ग; तिंयाँ ङ क्हिए आबा तइमुँ।

मत्ती 12:18

“ङ्ह्‍योत्ति, ङए के लबै म्हि, खीलाइ ङइ त्हाँइमुँ। ङइ खीलाइ खोम्, खी म्रोंसि ङ बेल्‍ले सैं तोंइमुँ। खीए फिर ङए प्ल्ह कुल्मिंब्मुँ। छतसि खीजी ताँन् ह्रें-ह्रेंमैंए फिर निसाफ लब्‍मुँ।

मत्ती 17:5

पत्रुसइ छले ताँ लनालन् चारबै न्‍हाँम्‍स्योइ खेमैंलाइ हुवाइ। धै “चु ङइ खोबै च्‍ह ग। चु म्रोंसि ङ बेल्‍ले सैं तोंइमुँ। चइ बिबै ताँ छेनाले थेद्!” बिबै कै च न्‍हाँम्‍स्यो न्‍होंउँइँले थेइ।

मर्कूस 1:11

च तोदोंन् “क्हि ङइ खोबै च्ह ग, क्‍हि म्रोंसि ङ बेल्‍ले सैं तोंइमुँ!” बिबै कै घ्रि स्वर्गउँइँले थेइ।

मर्कूस 9:7

च तोदोंन् न्‍हाँम्‍स्यो खसि खेंमैं हुवाइ, धै न्हाँम्स्यो न्होंउँइँले “चु ङइ खोबै च्‍ह ग, क्‍हेमैंइ चुए ताँ थेद् बिबै कै थेइ।”

लूका 3:22

झाइले परमेश्‍वरए पबित्र प्ल्ह तोंगुए क्‍होले येशूए फिर युसि टिइ। धै “क्‍हि ङए खोबै च्‍ह ग, क्‍हि म्रोंसि ङ बेल्‍ले सैं तोंइमुँ,” बिबै कै स्‍वर्गउँइँले युइ।

लूका 9:35

झाइले न्‍हाँम्‍स्यो न्‍होंउँइँले “चु ङइ त्हाँबै ङए च्‍ह ग। चइ बिबै ताँ छेनाले थेद्,” बिबै कै चमैंइ थेइ।

यूहन्‍ना 5:20

तलेबिस्याँ आबाजी च्‍हने म्‍हाँया लम्, धै ह्रोंसजी लरिबै ताँन् केमैं च्‍हने उँइँमिंम्। चु स्याले म्हि सल् लमिंब् भन्दा अझै थेबै केमैं खीजी च्हने उँइँमिंब्मुँ, धै क्हेमैं प्लेटोयाब्मुँ।

यूहन्‍ना 5:37

“ङ कुल्मिंबै आबाजीन् ङए बारेर ग्वाइ पिंइँमुँ। दिलेया क्हेमैंइ खीए कै खोंयोंइ आथेइमुँ, खीलाज्यै खोंयोंइ आम्रोंइँमुँ।

एफिसी 1:6

ङ्योइ च्हौ थेबै दयाम्हाँया योंबइले परमेश्‍वरएलाइ धन्यबाद पिंसि खीए मिं बेल्‍ले थेब् लले। खीजी ङ्योलाइ खीए खोबै च्‍हने घ्रिन् लमिंसि आशिकमैं छलेन् पिंइमुँ।

कलस्सी 1:13

खीजी ङ्योलाइ शैतानए मिछु खैबै ग्याल्सउँइँले फ्रेपखसि खीए खोबै च्‍ह येशू ख्रीष्‍टए ग्याल्सर पखइमुँ।

२ पत्रुस 1:17

धै ताँन् भन्दा थेबै परमेश्‍वर आबाजी येशूलाइ थेबै मान पिंसि चारमिंइ, धै च चारबै ह्‍वेइले “चु ङए खोबै च्‍ह ग! चु म्रोंसि ङ बेल्‍ले सैं तोंइमुँ,” बिबै कै ङिइ थेल।

१ यूहन्‍ना 5:9

म्‍हिमैंइ पिंबै ग्वाइ ङ्योइ क्वेंम्। परमेश्‍वरजी पिंबै ग्वाइमि झन् थेब मुँ, धै परमेश्‍वरजीन् खीए च्हए बारेर ग्वाइ पिंइमुँ।

दर्शन 14:2

झाइले ङइ स्‍वर्गउँइँले बेल्‍ले नुबै क्‍यु छारेए कै धों तब, अथवा थेबै मु ङ्‌हेब् धों तबै कै थेइ। चए कै बीणा ह्राब्मैंइ ह्राबै बिणाए कै धों तब् मुँल।