मत्ती 3:12 - परमेश्‍वरए ताँ तमु क्युइर

¹² सोंग्या टाबै नउलि खीए योर्न मुँ। खीजी ताँन् खालर्बै सोंग्या छेन्‍ले टाब्‍मुँ, धै खीए गहुँ धन्‍सारर खागु लब्मुँ, धै ताँन् पुइ खागु लसि खोंयोंइ आसिबै मिर ख्रोंवाब्‍मुँ।”

मत्ती 3:12 ပူးပေါင်းရင်းမြစ်များ

भजनमैं 1:4

दुष्‍ट के लब्मैं बिस्याँ छाब आत! चमैं खैंइ नोइ बोयाबै पुइ धोंन् तम्।

भजनमैं 35:5

चमैं खैंइ नोइ बोवाबै पुइ धोंन् तरिगे, धै याहवेहए दूतमैंइ चमैं ल्हावारिगे!

मत्ती 13:30

तोगो रा-रोमैं खुबै त्हे आतन् समा ङ्हिथुन् बालुन् बडिल् पिंन्। रा-रोमैं खुबै त्हेर ङए म्रोंमैंने “ओंसों सम्रिंमैं स्‍युइसि मिर ख्रोंवाबै ल्हागिर प्हैं फैद्। धै गहुँ ङए भकारिर खागु लसि थेंन् बिसि,” ङइ बिब्मुँ।’”

मत्ती 13:41

च त्हिंइर म्हिए च्हजी ह्रोंसए स्‍वर्गदूतमैं ह्‍युलर कुल्‍मिंब्‍मुँ, धै पाप लबर ल्हैदिब्मैं नेरो आछ्याँबै के लब्मैं ताँनलाइ चमैंइ ङए ग्याल्सउँइँले खागु लसि

मत्ती 13:42

मिए राबर भ्‍योंवाब्‍मुँ। चर म्हिमैं बेल्‍ले क्रोसि स ह्राब्‍मुँ।

मत्ती 13:43

झाइले ठिक के लब्मैं खेंमैंए आबाए ग्याल्सरि त्‍हिंयाँ धोंले चारसि टिब्‍मुँ। “न्ह मुँब्मैंइ थेरिगे।”

लूका 3:16

छतमा यूहन्‍नाइ चमैं ताँनने बिइ, “ङइमि क्‍हेमैंलाइ क्युर प्ल्हुँसि बप्‍तिस्मा पिंम्। दिलेया ङ भन्दा शक्‍ति मुँबै म्‍हि घ्रि युब्‍मुँ। खीए जुत्ताए तनि प्‍ल्हबर ङ्‍हेंब ङ आरे। खीजी क्‍हेमैंलाइ परमेश्‍वरए पबित्र प्ल्ह नेरो मिइ बप्‍तिस्मा पिंब्मुँ।

लूका 3:17

सोंग्याँ टाबै नउलि खीने मुँ। च नउलिइ ह्रोंसए सोंग्याँ छेनाले टाब्मुँ, धै गहुँ भकारिर खागु लब्‍मुँ बिस्याँ पुइ खोंयोंइ आसिबै मिर ख्रोंवाब्‍मुँ।”

यूहन्‍ना 15:2

ङने मुँबै हाँगमैं न्होंरि रोमैं आरोबै हाँग खीजी छाँडेब्मुँ। धै रोमैं रोबै हाँगमैं बिस्याँ अझै ल्हें रोमैं रोरिगे बिसि खीजी छिमल्दिब्मुँ।