मत्ती 3:11 - परमेश्‍वरए ताँ तमु क्युइर

¹¹ “क्‍हेमैंए सैं परमेश्‍वरउँइँ एइ बिब् उँइँबर ङइ क्‍युर प्‍ल्हुँमिंसि बप्‍तिस्‍मा पिंम्। दिलेया ङए लिलि युबै म्‍हि ङ भन्दा बेल्‍ले शक्‍ति मुँब मुँ। खीजी क्‍हेमैं परमेश्‍वरए पबित्र प्ल्ह नेरो मिइ बप्‍तिस्‍मा पिंब्‍मुँ। ङम् खीए जुत्ता नोबै लायगर्बै आरे।

मत्ती 3:11 ပူးပေါင်းရင်းမြစ်များ

मत्ती 3:6

झाइले चमैं ताँनइ “ङिइ पाप लइमुँ,” बिसि यूहन्‍नाउँइँले यर्दन स्‍योंर प्‍ल्हुँसि बप्‍तिस्‍मा किंइ।

मर्कूस 1:4

छले प्‍ह्रिब् धोंले ल्‍हें बर्ष लिउँइँ क्यु आयोंबै क्ल्ह्‍योर यूहन्‍ना बिबै म्हि खसि बिइ, “क्षमा योंबै ल्हागिर पाप लब पिसि परमेश्‍वरउँइँ सैं एदु, झाइले क्‍युर प्‍ल्हुँसि बप्‍तिस्‍मा किंन्। छलमा परमेश्‍वरजी क्‍हेमैंए पाप क्षमा लमिंब्मुँ।”

लूका 1:17

परमेश्‍वरजी एलिया अगमबक्‍तालाइ शक्‍ति पिंब् धोंलेन्‌ क्‍हिए च्‍हज्यै या पबित्र प्ल्ह नेरो शक्‍ति योंब्‍मुँ। छतसि चइ आबामैं नेरो च्‍ह-चमिए म्हाँजोर क्ह्रिमिंब्‍मुँ, धै परमेश्‍वरजी बिब् आङिंब्‍मैंलाइ छ्याँबै घ्‍याँर डोरेब्मुँ। छले परमेश्‍वरजी कुल्‍मिंबै म्रुँ म्हाँदिबै ल्हागिर चइ म्‍हिमैं तयार लब्‍मुँ।”

लूका 3:16

छतमा यूहन्‍नाइ चमैं ताँनने बिइ, “ङइमि क्‍हेमैंलाइ क्युर प्ल्हुँसि बप्‍तिस्मा पिंम्। दिलेया ङ भन्दा शक्‍ति मुँबै म्‍हि घ्रि युब्‍मुँ। खीए जुत्ताए तनि प्‍ल्हबर ङ्‍हेंब ङ आरे। खीजी क्‍हेमैंलाइ परमेश्‍वरए पबित्र प्ल्ह नेरो मिइ बप्‍तिस्मा पिंब्मुँ।

लूका 3:3

छतसि यूहन्‍ना यर्दन स्‍योंए खागुबै ताँन् क्‍ल्‍ह्‍योजरे स्‍युरसि म्हिमैंने पाप लब पिसि परमेश्‍वरउँइँ सैं एदु धै क्‍युर प्‍ल्हुँसि बप्‍तिस्‍मा किंनु। छलस्याँ परमेश्‍वरजी क्‍हेमैंए पाप क्षमा लमिंब्‍मुँ बिसि परमेश्‍वरए ताँ बिप्रबर होंइ।

यूहन्‍ना 1:15

यूहन्‍नाइ येशूए बारेर ग्वाइ पिंदै थेबै कैले बिइ, “ङए लिलि युबै म्हि ङ भन्दा थेब मुँ, तलेबिस्याँ ङ फिब् भन्दा ओंसों ओंनोंन् खी मुँल। चए बारेर ङइ ओंसोंन् बिल।”

यूहन्‍ना 1:30

खीए बारेर ङइ ओंसोंन् छले बिल, ‘म्हि घ्रि ङए लिलि युब्‍मुँ, दिलेया ङ फिब् भन्दा ओंसोंन् खी मुँल। छतसि खी ङ भन्दा थेब मुँ।’

चेला चिब्मैंए केमैं 1:5

तलेबिस्याँ यूहन्‍नाइमि क्युइ बप्‍तिस्‍मा पिंइ, तारे दे त्हिंइ लिउँइँ पबित्र प्ल्हउँइँले क्हेमैंए बप्‍तिस्मा तब्‍मुँ।”

चेला चिब्मैंए केमैं 19:4

झाइले पावलइ बिइ, “यूहन्‍नाइ पिंबै बप्‍तिस्माम् पाप केमैं पिसि परमेश्‍वरउँइँ सैं एरिगे बिब् मुँल। दिलेया तारे पिरु युबै येशूए फिर बिश्‍वास लल् त्हुम् बिसि चइ म्हिमैंने लोमिंमल।”

चेला चिब्मैंए केमैं 8:36

धै चमैं घ्‍याँर ह्‍याना-ह्‍यान् क्‍यु मुँबै क्‍ल्‍ह्‍यो ङाँर फेनेमा च हिचडइ बिइ, “ङ्‍ह्‍योत्ति, चुर क्यु मुँन। ङ बप्‍तिस्मा किंबउँइँले तो सैइ क्वेल् खाँम्?”

चेला चिब्मैंए केमैं 8:38

झाइले हिचडइ “रथ न्हद्!” बिइ। धै फिलिप नेरो हिचड ङ्हिंना-ङ्हिंन् क्युर तसि फिलिपइ चलाइ बप्‍तिस्मा पिंइ।

१ कोरिन्थी 12:13

ङ्यो यहूदी मुँलेया, अरू ह्रेंमैं मुँलेया, आगुए न्होंर के लब्मैं मुँलेया, खाब् मुँलेया ङ्योइ पबित्र प्ल्ह घ्रिउँइँलेन् ज्यु घ्रिर्न बप्‍तिस्‍मा किंइमुँ। छतसि पबित्र प्ल्ह घ्रिउँइँलेन् ङ्यो ताँनइ तोन्दोंरि सै योंइमुँ।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

तीतस 3:5

खीजीन् ङ्योलाइ जोगेमिंइ। ङ्योइ छ्याँबै के लसि छारा छ्ह योंब आङिं, बरु खीए दयाउँइँले पबित्र प्ल्हजी ङ्योलाइ पापउँइँले ख्रुमिंसि छारा छ्ह पिंसि, छारा लमिंइ।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”